1 Korin 15:54 - A Turoxoian Fa'ui Sina Piran

⁵⁴ E layaan a mo aava i taa miit fo xulan pana mo i taa pife miit e a mo aava i taa maat fo xulan pana mo i taa pife maat, lana yaan aave a ferawaian aanabe' lana Xakalayan Taap i taa savat tuuna la matavas: “Maatan, nano, no fo kawaasanan. Fa'onaman fo xasliuan nano.

Kara

⁵⁴ E layaan a mo aava i taa miit fo xulan pana mo i taa pife miit e a mo aava i taa maat fo xulan pana mo i taa pife maat, lana yaan aave a ferawaian aanabe' lana Xakalayan Taap i taa savat tuuna la matavas: “Maatan, nano, no fo kawaasanan. Fa'onaman fo xasliuan nano.

1 Korin 15:54 ပူးပေါင်းရင်းမြစ်များ

Luuk 20:36

Nari, ri malaan sena mu angelo senaso ri taa pife maat taasaxa ri mu rafulak sina Piran senaso ri fo to fa'ulaa ti la maatan.

A Si Pol Lagasai Xe Sina Mu Rom 1:23

Ri pife lotu xe sina Piran aava Waan Vulai e pi mamaat. Piau! Ri lotu si xe sina xaxaalua ina saxa mataa aava i taa maat e xe sina maaradaang ina mu maanu o tiir o tiui aava rabuna ri vesane.

A Si Pol Lagasai Xe Sina Mu Rom 2:7

A rabuna aava ri fuuna lo bilai faroxo la matana Piran, ri fuuna seng faagutan a tatavaian sina aava isin lava, suaian e a toyan i taa pife taxapus. E a Piran i taa tavai nari xo pana toyan vulai xe vulai.

A Si Pol Lagasai Xe Sina Mu Rom 6:12

E voxo muta turoxoian a mu vilaana saat xena paamuian a vipin simi ti la xavala talo mi taa usi a vubuxanan saat sina.

A Si Pol Lagasai Xe Sina Mu Rom 8:11

E tamo a Vovau sina Piran aava fatatoi fa'uli na Yesus ti la maatan, a waan la xunus imi, a Piran naang i taa tamana fatatoi fa'uli a vipin simi vaxa, sena gutan ina Vovau sina aava waan la xunus imi.

2 Korin 4:11

Ri lisan vulan nemaam aava maam to, xe lana maatan sena usiaan na Yesus talo a toyan sina vaxa i taa savat la matavas la vipin simaam.

2 Korin 5:4

Layaan taara waan lana vipin ti la xavala aanabe', taara nas maat e taara toxan a mu lagafan senaso taara bai waan xavuul, piau taara buk falak a vipin fa'ui sitaara ti la xunavata talo a toyan fa'ui aave i taa xanam xapin a mo aava i taa maat.

2 Tesalonaika 1:10

E i taa savat malaan lana yaan ina filimaanan sina, layaan a mu rabuna sina ri taa kuus fati faagutan a isina e nari xapiak aava ri namkai, ri taa kaalum fatateak e ri taa pangaa sena miridingan molava sina. E nami vaxa, mi taa waan pave senaso mi namkai sena lagasai aava maam kuusane xe simi.

Kuusan Fasavatan 20:14

E mui, layaan re gof, a maatan e a bina ʻHelʼ re tapinan xe lana Ulim Ina Fata. A Ulim Ina Fata aanabe' ve a Fataraguiaana Maatan.

Kuusan Fasavatan 21:4

Nane taa saf tapin a raarum ti la matari. E maatan e mamaxusan e taangiisan e maasaxan ri taa malit paaliu senaso a mu vilaana ti kavai ri taxapus naboxo.”