1 Korin 10:11 - A Turoxoian Fa'ui Sina Piran

¹¹ A maana mo aanabe' ri savat siri xena pebukan nari, taasaxa saxano rabuna ri xalei a maana mo aave xena fapiti netaara vaxa senaso taara taxa taagul lana fataxapiak ina yaan.

Kara

¹¹ A maana mo aanabe' ri savat siri xena pebukan nari, taasaxa saxano rabuna ri xalei a maana mo aave xena fapiti netaara vaxa senaso taara taxa taagul lana fataxapiak ina yaan.

1 Korin 10:11 ပူးပေါင်းရင်းမြစ်များ

Matiu 13:39

e a xaiyaas aava xapis a latan, nane ve na Setan. A yaan ina faxuvulan ve a fataxapiak ina yaan e a mu rabuna ina faisok lana faxuvulan aave va mu angelo.

Matiu 13:40

“E malaan sena latan a put tapinan e faraman lana fata, lana yaan fataxapiak i taa malaan:

A Si Pol Lagasai Xe Sina Mu Rom 13:11

Mi taa bilai faroxo malaan, senaso mi texaas o taara taxa taagul lana yaan lava: faasilak, a yaan ina ulaian si Yesus i taa savat. E voxo taara taa para e tamasiak senaso naboxo taara taxa waan faasilaxan et xo a yaan ina fakaxupaan netaara sena yaan layaan taara xaveak namkai.

A Si Pol Lagasai Xe Sina Mu Rom 13:12

A yaan aanabe' a malaan sena paanen lolof, faasilak a ngaas i taa savat e suk i taa malit. E voxo, taara taa fasoxul a vilaana saat sitaara pana vilaana roxo talo taara fexaxaas sena tisui a saatan.

A Si Pol Lagasai Xe Sina Mu Rom 15:4

E voxo taara texaas o a maana mo aava waan lana Xakalayan Taap, a Piran a timine pave xena fapiti netaara e fagut netaara talo taara taa waan bang fatateak a maana mo roxo aava Piran taa vile xataara.

A Si Pol Lagasai Xe Sina Mu Rom 4:23

E vaxa a mu vapaling aanabe' “A Piran a xalie”, ri pife waan lana Xakalayan Taap xena kuus fatiaana isi Abrahem, piau.

1 Korin 10:6

E naboxo a maana mo aanabe' ri pebukan netaara o taara taa pife vubuxan a mo mosaat malaan seri la xobingil.

1 Korin 7:29

Naboxo ne pebukan nami, mu fetinan, o a mu yaan sitaara, ri pife xaves. E voxo nari aava ri toxan a naasari, ri taa lamon pana yaan aanabe' e ri taa taagul malaan se' ri pife tamai

1 Korin 9:10

Layaan a Piran a ferawai malaan nane taxa lamon pataara, bo? A tuuna, a ferawaian aave a xaleian xena fapiti netaara. Nane aava faigotan a xavala xena kaapis, xuvul pana saxa aava faxuvul a mu xalana re lamon o re taa siak a xavil ina fanganan aave sena faisok sire.

Galesia 4:24

A mo aanabe' a malaan sena ferawaian paap: a ro tefin aave re malaan sena turoxoian taragua. A saxa va malaan sena turoxoian aava savat ti xuluna Put Sainai. A turoxoian aanabe' a fasavat a mu rafulak aava ri yaasok e a tefin aanabe' a isina na Hegaar.

Filipai 4:5

Faxalit a mu rabuna xapiak pana vilaana mam simi. A Memai fo faasilak.

Hibru 10:25

E muta ta'ulan a vilaana ina faxuvulan xena lotu malaan sena saxanofuna. Taasaxa taara taa faxaar faagutan netaara xa senaso taara texaas o a Yaan ina Savatan sina Memai i taxa filimaan faasilak.

Hibru 10:37

A malaan sena Xakalayan ti Kavai a kuus: “Famodak fulaa e nane aava i taa filimaan i taa savat e i taa pife sovut.

1 Jon 2:18

Mi rafulak, a mu yaan fataxapiak ri fo faasilak. Mi fo langai xo o a saxa Xaiyaas si Krais i taa savat e tuuna mu xaiyaas xaves ri fo savat xo. E voxo taara texaas o a mu yaan fataxapiak ri faasilak.