1 Korin 1:29 - A Turoxoian Fa'ui Sina Piran

²⁹ E nane vil malaane talo pi ta mataa i taa malalava la matana.

Kara

²⁹ E nane vil malaane talo pi ta mataa i taa malalava la matana.

1 Korin 1:29 ပူးပေါင်းရင်းမြစ်များ

A Si Pol Lagasai Xe Sina Mu Rom 15:17

Lavaxa, senaso ne fo faadoxotanan xuvul pa Krais Yesus lana faisok siak xana Piran, ne fexaxaas sena ferawai falalava.

A Si Pol Lagasai Xe Sina Mu Rom 3:19

Naboxo, taara texaas o a Piran a tavai nemaam mu Juda pana maana vuputkai sina xena paamuian nemaam. E voxo pi ta mataa paaliu a fexaxaas sena kuus vof a vilaana saat sina la matana Piran senaso nari xapiak ri vil a saat e ri taa tigina kasam layaan a Piran i taa tiis nari.

A Si Pol Lagasai Xe Sina Mu Rom 3:27

Lavaxa, taara taa ferawai malalava panaso? Piau ta mo senaso a vilaana sina Piran fo tubuxe. A so ta vilaana fo tubuxe? A vilaana ina usiaana vuputkai, bo? Piau, piau paaliu. Taasaxa, a vilaana ina namkaian.

A Si Pol Lagasai Xe Sina Mu Rom 4:2

Tamo a tuuna o na Abrahem a tigina fatak la matana Piran sena maana mo nane fo vile, naak na Abrahem a toxan a mo xena ferawai falalava pana, bo? Taasaxa, piau, pife roxo i taa ferawai falalava pana faisok sina la matana Piran.

1 Korin 1:31

E voxo, lana Xakalayan Taap a kuus malaan: “Nase' ta mataa a vubuk malalava i taa malalava pana maana mo aava Piran xo fo vile.” Jeramaia 9:24.

1 Korin 4:7

Nase' tavai nami pana isin lava? A Piran xo tavai nami pana maana mo mi toxane, bo? Lavaxa, xenaso mi taxa malalava malaan se' mi fo faisok faagut xena siaxaana?

1 Korin 5:6

A pife roxo mi taa ferawai falalava. Mi texaas sena ferawaian aanabe', bo? “A fomirak yiis a fasul a flaua xapiak.”

Efasis 2:9

E senaso a Piran xa a tatavai pana fakaaxupan aanabe', pi ta mataa a fexaxaas sena ferawai falalava sena vilaana sina xa.