Vilomene 1:24 - Tennet

²⁴ I̱tto̱na̱ bo̱do̱k Marko, ki Aristarkas, ki Demas ki Lu̱ka̱ zawinet cinne̱ng. E̱e̱ggi̱n nege ol cik ka̱li̱ngli̱ngnya̱ bu̱k nga̱to̱de̱.

Vilomene 1:24 ပူးပေါင်းရင်းမြစ်များ

Buk wa To̱ni̱a̱u̱ 12:12

Baling a̱gga̱ Peturu zoz neci do̱o̱k, uk zin enne ce̱e̱ze̱ ci Ma̱ri̱ya̱ e̱e̱ti̱ Joni, een zara uggak cik Joni, Marko. Een necu nginti alutene ol cik a̱tu̱we̱ meelek kar kalayo.

Buk wa To̱ni̱a̱u̱ 12:25

Baling e̱de̱cca̱ Barnabasi ki Saul li̱ngli̱ngo̱n ci anyike nege ol cik a̱tu̱we̱ muci Jerusalema, i̱mi̱rtte̱ zin oot Antiyokte ki Jon wa een zara uggak Marko.

Buk wa To̱ni̱a̱u̱ 13:13

Itingazzo zin Pa̱u̱lo̱ ki gonoggi o̱rge̱ ci een Paphos eron i̱bo̱wa̱ oot o̱rge̱ ci Perga lo̱o̱ce̱ ci Pamphylia, ngati bali utungek Joni nogo kar kuk ki̱mi̱re̱ kuk Jerusalema.

Buk wa To̱ni̱a̱u̱ 19:29

Ataman niko u̱la̱le̱ orogi. A̱gga̱mi̱t ol Gaius ki Aristarkas, wak bali orkora ki Pa̱u̱lo̱ Macedoniakte ke̱, kar ko̱o̱tte̱ nogo ngati a̱ddi̱ki̱re̱ uwahe ol zoz.

Buk wa To̱ni̱a̱u̱ 27:2

Kotodda naga i̱bo̱ ngati een Adramitam, i̱bo̱ ci da̱ orong kuk o̱ro̱gjo̱we̱ cik aavtte nyatapare ci a̱ddi̱ki̱re̱ ti̱ti̱ma̱ lo̱o̱ce̱ ci Asia. Korkorya ki e̱e̱t ci een Aristarkas ci orog ci Te̱se̱lo̱ni̱ka̱ lo̱o̱ce̱ ci Macedonia.

2 Ko̱ri̱nto̱ 8:23

Katahala anna Ti̱to̱ wagon ka̱li̱ngli̱ngnya̱ bu̱k kar ki̱ti̱ri̱zzu̱ng. Imma ol wak een rama ko̱, i̱tto̱na̱ ol cik ke̱le̱ci̱a̱nya̱i̱. Irez ol zoz ci Ki̱ri̱sto̱ go̱o̱le̱ ci ogone nege kaal.

Vilipia 2:25

Abarik riil oroot ngatinanni ming ki̱tto̱na̱kku̱ng bo̱do̱k Epaphroditus, gotona tu̱we̱nta̱ bali i̱tto̱na̱kka̱ng niga abunna okko eelanna annita ke̱. Ki̱li̱ngli̱ngta̱ anna ki nonno, ogon enne kiwagon aciiroci ci oor illa.

Vilipia 4:3

Ka̱jji̱ni̱n goona de̱de̱, kar eela ngaai ne̱k arike e̱le̱tti̱ ki annita li̱ngli̱ngo̱ne̱ ci kaviyak cik abunna, ki bo̱do̱k e̱e̱t ci een Kelemen ki ol u̱gge̱ wak ka̱li̱ngli̱ngnya̱ bu̱k, ol wak e̱he̱rye̱ zara cigge̱k buwe ci rugeto.

Kolosiya 4:10

I̱tto̱na̱kku̱ng zin bo̱do̱k e̱e̱ti̱ ci een Aristarkas wa kecebina ki annit ko̱ bu̱k zawinet cinne, izayung e̱e̱ti̱ ci een Marko bu̱k, een enne ngerrti a̱zi̱ti̱ Barnabasi. Ki̱lo̱te̱u̱ng ba̱li̱ye̱ zoz cinne; ming i̱ki̱ya̱u̱ng, a̱gga̱mtta̱ nonno.

Kolosiya 4:14

I̱tto̱na̱kku̱ng gotoneti Lu̱ka̱ wa kireza naga een di̱kto̱r ko̱, zawinet cinne, kar bo̱do̱k e̱e̱ti̱ ci een Demas ki̱tto̱na̱ zawinet cinne bu̱k.

1 Peturu 5:13

Izayung nuyaha wak Manyi lo̱o̱ce̱ ci een Babilon. E̱e̱ggi̱n nege cik bali atahala Ta̱mu̱ta̱dde̱n, ki i̱yo̱ko̱ Marko wa ogon ki ngeranni tu̱we̱nta̱ ko̱, izayung enne i̱ge̱t bu̱k.

3 Jon 1:8

Imma zin naga ol wak ka̱tu̱ Ki̱ri̱sto̱ ko̱, korong ming kawak ce̱e̱zi̱ cigga̱c ol cik ogon ki nege, kar naga bu̱k kidongte ki nogo kizet ol cik ka̱li̱ngli̱ng zoz ci een de̱de̱.