Vilomene 1:17 - Tennet

¹⁷ I̱yo̱ko̱ zin, ming a̱gga̱ i̱nna̱ ke̱e̱ni̱ anna goonu ci ka̱li̱ngli̱ng bu̱k, gga̱ma̱ nonno ki ming a̱gga̱ma̱na̱ i̱nna̱ annit ce̱e̱ze̱ cunne.

Vilomene 1:17 ပူးပေါင်းရင်းမြစ်များ

Ma̱te̱yo̱ 10:40

“Abarik ming awekung e̱e̱ti̱ imma da̱i̱ne̱t, aweka annit bu̱k. Ma e̱e̱ti̱ ci ivatana annita, ivata enne e̱e̱t ci bali i̱tto̱na̱na̱ annit ke̱ bu̱k.

Ma̱te̱yo̱ 18:5

Ming ivata e̱e̱ti̱ imma do̱le̱c cidici ki i̱yo̱ko̱ icu ko̱, ivatana enne annita bu̱k.

Ma̱te̱yo̱ 25:40

“Kar zin alaani kabarizek nogo, azi ne, ‘Ka̱du̱wa̱kku̱ng zoz ci een de̱de̱, ming u̱tu̱gu̱we̱u̱ i̱nna̱ kaal ne̱ko̱ gotonogga icima ngonogga cik iróng ol edeconik ko̱, U̱tu̱gu̱we̱ya̱ i̱nna̱ annita!’

Buk wa To̱ni̱a̱u̱ 16:15

Baling a̱gga̱mte̱k nege nonno ki ol cik ce̱e̱z cinne do̱o̱k ba̱ti̱ti̱mo̱, utuwet zin enne agita ce̱e̱ze̱ cinne. A̱nne̱kke̱t ne, “Ming aanyang niga annit kize e̱e̱t ci a̱tu̱ Manyi Ye̱su̱, i̱vi̱ta̱ a̱vvu̱t ce̱e̱ze̱ cinanni.” Kelemtta naga zoz cinne, kar ko̱o̱tta̱ i̱ye̱ niko.

2 Ko̱ri̱nto̱ 8:23

Katahala anna Ti̱to̱ wagon ka̱li̱ngli̱ngnya̱ bu̱k kar ki̱ti̱ri̱zzu̱ng. Imma ol wak een rama ko̱, i̱tto̱na̱ ol cik ke̱le̱ci̱a̱nya̱i̱. Irez ol zoz ci Ki̱ri̱sto̱ go̱o̱le̱ ci ogone nege kaal.

Evesos 3:6

Zoz zin ci i̱ye̱le̱ka̱ annit Ta̱mu̱ta̱dde̱n zoz ko̱ necu, ol wak iróng e̱e̱ggi̱n Ya̱u̱d izeto nege bu̱k dooli ciginnek zo̱ze̱ wa utuhu enne kaviyak ne̱ko̱, ozolit zin nege bu̱k ki olli Israilo kaal cik Ta̱mu̱ta̱dde̱no̱, urumte zin nege do̱o̱k kizeto ele co̱de̱. Ozol zin nege do̱o̱k kaviyak cik abunna bali u̱du̱wa̱ Manyi ngati Ye̱su̱ Ki̱ri̱sto̱ ke̱.

Vilipia 1:7

Aavtiyyu niga odohize zinine cinanni, kirezung anna i̱ge̱t oroot, abunna zin ming kabai anna go̱o̱le̱ necu ngatinno̱ng. Ming kaave ngati kapirnane lagama ko̱ icima kuwahek ol kaviyak cik abunna, eeltau niga do̱o̱k li̱ngli̱ngo̱n ci kozol naga ki i̱ge̱t deten ci Ta̱mu̱ta̱dde̱no̱ ki annit bu̱k.

1 Ti̱mo̱te̱yo̱ 6:2

Ma̱i̱je̱ du̱cca̱ha̱ cik a̱li̱ngli̱ng ki ol cik a̱tu̱ zoz ci Ta̱mu̱ta̱dde̱no̱, ma ibbezzu nogo, eci nege e̱e̱ggi̱n ol cik a̱tu̱ zoz ci Ta̱mu̱ta̱dde̱no̱ bu̱k. Abarik i̱ti̱ri̱zze̱t nogo ju̱rru̱m, eci ol wak atin amuda mediz li̱ngli̱ngo̱ne̱ cinne̱ng, ol wak a̱tu̱ zoz ci Ta̱mu̱ta̱dde̱n wa irez nege ko̱. Demez ol kar bo̱do̱k du̱wa̱k ku̱tu̱gu̱zzo̱ zoz necu,

Vilomene 1:10

Kilaleki anna i̱nne̱t zo̱ze̱ ci Onesimosi ci ngen een do̱le̱c, ize enne ngeranni tu̱we̱nta̱ baling ngen kecebje lagama.

Vilomene 1:12

Ming nu̱nu̱n kirezi anna Onesimos oroot, ki̱tto̱na̱ki̱ zin anna nonno kobodain.

Vilomene 1:18

Ming u̱tu̱gu̱we̱i̱ da̱ enne i̱nne̱t gi̱i̱ ci gerze icima anyak nga̱bo̱lo̱ cunne, ka̱ru̱i̱ atin anna.

I̱bu̱ru̱ 3:1

Gotonogga ki ngonogga wak tu̱we̱nta̱k balik awuyyung Ta̱mu̱ta̱dde̱n wa a̱li̱le̱ ta̱mu̱-kenga, i̱no̱ni̱t zoz ci Ye̱su̱ ko̱, wa een to̱ni̱a̱t ci Ta̱mu̱ta̱dde̱no̱ kar bo̱do̱k kize alaan ci a̱ddi̱ki̱re̱ wawaco wa ka̱tu̱ naga zoz cinne.

I̱bu̱ru̱ 3:14

Kozol naga li̱ngli̱ngo̱n ci Ki̱ri̱sto̱ nga̱to̱de̱. Abunna ka̱tu̱ naga nonno de̱de̱ udut ki baling ka̱tu̱ arrak oowa ke̱.

Je̱mi̱s 2:5

Izikto, gotonogga ki ngonogga tu̱we̱nta̱, Ta̱mu̱ta̱dde̱n ci ahala ol cik amati ngati acine ol cik diirik kar kizeto ol cik een jain tu̱we̱nta̱, kar karagizet ba̱a̱li̱ne̱t ci u̱du̱wa̱k enne ol wak irez nonno.

1 Peturu 5:1

Niga ddi̱ki̱rze̱t ci ke̱le̱ci̱o̱, ki ming karume anna ki i̱ge̱t ko̱, kilalekkung ke̱e̱ni̱ bbacait ci Ki̱ri̱sto̱ wa bali a̱gi̱d ol lo̱o̱ta̱ ngatu ke̱ ka̱da̱k, kokko atin anna kozola imma nonno di̱ngdi̱ngo̱n ci okko atin i̱ye̱la̱i̱ ke̱.

1 Jon 1:3

Ka̱du̱wa̱kku̱ng naga i̱ge̱t gi̱i̱ ci kicinnta kar bo̱do̱k kizikta, kar abunna ming karume tu̱we̱nta̱. Kar naga bu̱k kurumte ki Be̱e̱ti̱nna̱ ki Ngerinne Ye̱su̱ Ki̱ri̱sto̱.