Vilomene 1:10 - Tennet

¹⁰ Kilaleki anna i̱nne̱t zo̱ze̱ ci Onesimosi ci ngen een do̱le̱c, ize enne ngeranni tu̱we̱nta̱ baling ngen kecebje lagama.

Vilomene 1:10 ပူးပေါင်းရင်းမြစ်များ

Marko 9:17

Abarizek zin e̱e̱ti̱ imma orgene ci ollu, “De̱me̱zo̱i̱t, kanyahaki ngeranni ci anyak kuuloc ci lo̱rye̱nto̱ ci anyik nonno kijahe li̱i̱m.

Roma 12:1

Gotonogga ki ngonogga tu̱we̱nta̱, eci Ta̱mu̱ta̱dde̱n i̱ti̱ri̱zze̱t bunnate cinne, kilalekkung zin aanycik e̱le̱tti̱ ciggo̱k do̱o̱k nonno, aanycik kizeto caale kar kubunnta ki wawa cik kapahek Ta̱mu̱ta̱dde̱n kar enne katalo ngatinno̱ng. Een necu gool ci a̱di̱ngdi̱nga̱nnu̱ niga Ta̱mu̱ta̱dde̱n.

1 Ko̱ri̱nto̱ 4:14

Iróng anna keherakkung zin i̱ge̱t zo̱zzo̱k ne̱ko̱ ko̱ kar kadaung a̱li̱ya̱ni̱, abarik ki̱lo̱tu̱ng, eci niga e̱e̱ggi̱nnu̱ dooli cigannik kirezung.

1 Ko̱ri̱nto̱ 4:15

Ming anyakku niga nu̱nu̱n ol cik meelek Ki̱ri̱sto̱ edemezung, iróng niga anyakku be̱e̱ti̱ggo̱k i̱bbo̱nge̱t omoto, eci kiize anna be̱e̱ti̱nno̱ng zo̱ze̱ ci Ki̱ri̱sto̱ Ye̱su̱ go̱o̱le̱ ci kuwaheka ol kaviyak cik abunna Ta̱mu̱ta̱dde̱no̱.

Ga̱la̱ti̱a̱ 4:19

Eeh, dooli cigannik tu̱we̱nta̱, kapirna zo̱ze̱ cunno̱ng kiwagon ngaa ci anyakce a̱u̱ce̱ do̱le̱c ngati orong ukcane. Kapirna zo̱ze̱ necu zee kar zoz ci Ki̱ri̱sto̱ ka̱vvu̱ zi̱nze̱tti̱nne̱ cuggo̱k.

Kolosiya 4:9

Orkora enne ki Onesimos, een enne e̱e̱t ci abunna kar kize gotonet ci kireza, een enne e̱e̱t cunno̱ng. A̱du̱wa̱kku̱ng atin nege kaal do̱o̱k cik ogone ngatinna̱ng ngatu.

1 Ti̱mo̱te̱yo̱ 1:2

Keheriki i̱nne̱t Ti̱mo̱te̱yo̱ wa een ngeranni de̱de̱ tu̱we̱nta̱. Kala Ta̱mu̱ta̱dde̱n Be̱e̱ti̱nna̱ ki Manyitinna Ye̱su̱ Ki̱ri̱sto̱ kar kaanyci deten ki bunnat ki a̱vvu̱ze̱t yahe.

Ti̱to̱ 1:4

Keheriki zin anna waraga necu i̱nne̱ta̱ Ti̱to̱, wa u̱tu̱gu̱ ki ngeranni tu̱we̱nte̱ ci kozol naga ko̱: Anyik Ta̱mu̱ta̱dde̱n wa een Be̱e̱ti̱nna̱ ki Ye̱su̱ Ki̱ri̱sto̱ Ti̱ri̱zo̱i̱t cinna kaanyi deten ki baiz yahe.

Vilomene 1:11

Iróng enne ba̱li̱ye̱ een do̱le̱c ci abunna ngatunne, imma i̱yo̱ko̱ ize do̱le̱c ci abunna ngatinna do̱o̱k.

Vilomene 1:13

Kirezi anna oroot ming kaavtiya bu̱k ngatu kar enne karagiz ngintunne keelawa zo̱ze̱ ci kaviyak cik abunna ko̱, ogon ki ci kecebje lagama zo̱ze̱ necu.

3 Jon 1:4

Een necu talninet ci a̱ddi̱ki̱re̱ ngatinanni oroot, ngati kazikne abak dooli cigannik zo̱ze̱ ci een de̱de̱.