Vilipia 4:9 - Tennet

⁹ I̱li̱ngli̱ngte̱ kaal cik edemeztu niga icima a̱gga̱ma̱nnu̱ icima iziktu icima icinntu ngatinanni. Kar Ta̱mu̱ta̱dde̱n ci een manyi gano ka̱vvu̱ ngatinno̱ng.

Vilipia 4:9 ပူးပေါင်းရင်းမြစ်များ

Ma̱te̱yo̱ 1:23

“Okko atin do̱le̱c ci nga̱a̱ye̱ ngen ka̱ta̱gu̱zzo̱ ki e̱e̱t imma ko̱, anyak atin do̱le̱c ci maci, akanonik atin ol zara cik een Immanuwel” azi keng cinne ne, “Aave Ta̱mu̱ta̱dde̱n ngati een agita.”

Ma̱te̱yo̱ 28:20

Edemezit nogo abunna ming o̱ngo̱o̱le̱ kaal cik ka̱du̱wa̱kku̱ng anna i̱ge̱t ko̱ do̱o̱k. Kaave atin ngati een i̱ge̱t odohize, rok nginti aṯurneke looci.”

Ma̱te̱yo̱ 7:21

“Iróng ol do̱o̱k wak a̱nne̱ka̱ ne, ‘Manyi, Manyi,’ i̱i̱zo̱ atin ba̱a̱li̱ne̱t ci ta̱mu̱-kengo, abarik i̱i̱zo̱ atin ol wak azunne ti̱lo̱wi̱ne̱t ci Baba wa aave ta̱mu̱-kenga.

Lu̱ka̱ 6:46

“Nya ming awuyang odohize niga a̱nne̱kka̱ng ne, ‘Manyi, Manyi,’ kar ngatu iróng ogonnu kaal cik ka̱du̱wa̱ anna ko̱?

Lu̱ka̱ 8:21

O̱bo̱de̱k zin enne, “Een yaatanni ki gotonogga ol wak aziye zoz ci Ta̱mu̱ta̱dde̱no̱ kar ki̱li̱ngli̱ngte̱ zoz neci.”

Kaviyak wak Abunna Ta̱mu̱ta̱dde̱no̱ eher Joni 13:17

I̱yo̱ko̱ a̱gga̱yyu̱ zoz necu ko̱, atalninnu atin niga oroot, a̱mu̱yu̱kku̱ng atin Ta̱mu̱ta̱dde̱n ming u̱tu̱gu̱zzu̱ zoz necu.”

Kaviyak wak Abunna Ta̱mu̱ta̱dde̱no̱ eher Joni 15:14

Ming ogonnu lo̱ti̱nno̱k cik ka̱du̱wa̱kku̱ng anna ko̱, izetu niga gonogga de̱de̱.

Kaviyak wak Abunna Ta̱mu̱ta̱dde̱no̱ eher Joni 2:5

Izek zin yaatinne du̱cca̱k ne, “U̱tu̱gu̱z gi̱i̱ ci a̱du̱wa̱kku̱ng enne.”

Buk wa To̱ni̱a̱u̱ 9:6

“I̱yo̱ko̱ zin, tinga je̱e̱na̱ bit orgato, okko atin e̱e̱ti̱ imma a̱du̱wa̱ki̱ gi̱i̱ ci la̱du̱n okko i̱nna̱ ogoni.”

Roma 15:33

Kala Ta̱mu̱ta̱dde̱n wa aanyyet gano, anyik bai gano ka̱vvu̱ ngatinno̱ng do̱o̱k. Nonno nenen.

Roma 16:20

A̱du̱l atin Ta̱mu̱ta̱dde̱n wa anyak gano ko̱ Sitan kar korocek nonno lo̱o̱c zone cigunnek. Anyik deten ci Manyitinna Ye̱su̱ ka̱vvu̱ ngatinno̱ng.

1 Ko̱ri̱nto̱ 10:31

Ka̱nne̱kku̱ng zin anna i̱ge̱t ne, ming adakce icima aude icima ogoni gi̱i̱ imma ci aave do̱, tu̱gu̱ kize ci a̱di̱ngdi̱nga̱ni̱ Ta̱mu̱ta̱dde̱n.

1 Ko̱ri̱nto̱ 14:33

Eci Ta̱mu̱ta̱dde̱n iróng orong ngotaninet, abarik enne orongnyet agit ka̱vvu̱t labak ganonta. Ming ovvo olli Ta̱mu̱ta̱dde̱no̱ arume nga̱to̱de̱ ke̱le̱ci̱a̱,

1 Ko̱ri̱nto̱ 4:16

I̱yo̱ko̱ zin, kilalekkung anna, i̱ye̱zta̱ng annita baize cunno̱ng.

2 Ko̱ri̱nto̱ 13:11

I̱yo̱ko̱ zin, Gotonogga ki ngonogga tu̱we̱nta̱, a̱vvu̱t labak. U̱tu̱gu̱z kaal ju̱rru̱m, u̱zu̱tte̱ zoz ci ku̱du̱wa̱ anna ko̱. Abait ki ol labak. Kala Ta̱mu̱ta̱dde̱n wa anyak rezinet ki gano kar ka̱vvu̱ ngatinno̱ng.

Vilipia 3:17

Gonogga tu̱we̱nta̱ do̱o̱k, abunna ming annuyu zoz cinanni, kar edemezta zoz ngati ol wak annu baiz ci karikka naga kize cunno̱ng ko̱.

Vilipia 4:7

Kar gano ci Ta̱mu̱ta̱dde̱no̱ wa ommog genyiz ci e̱e̱t ci diiri do̱o̱k, kuzute zi̱nze̱tti̱ ki i̱no̱ni̱ cuggo̱k ngati Ye̱su̱ Ki̱ri̱sto̱.

1 Te̱se̱lo̱ni̱ka̱ 1:6

I̱ye̱zte̱ttu̱ ba̱li̱ye̱ baize cinna̱ng ki baiz ci Manyi Ye̱su̱ bu̱k. Ming apirnannu tu̱we̱nta̱ zo̱ze̱ ci Ye̱su̱ niko, elemttau labak, ma̱i̱je̱ Vongizi ci A̱li̱le̱ a̱a̱nyu̱ng talninet zo̱ze̱ cinne ngati animnyu no̱ngi̱tto̱n.

1 Te̱se̱lo̱ni̱ka̱ 2:14

Imma zin gotonogga ki ngonogga cik tu̱we̱nta̱k, apirnannu marnonet ci amarinnung olli lo̱o̱c cunno̱ng. U̱tu̱gu̱zzu̱ icima i̱ye̱zttu̱ ol wak a̱tu̱we̱ ke̱le̱ci̱a̱nya̱i̱ lo̱o̱ce̱ ci Ju̱de̱ya̱, olle wak Ta̱mu̱ta̱dde̱no̱. Eci elemtta nege zoz ci Ye̱su̱ Ki̱ri̱sto̱, amartoi zin ol cigge̱k nogo, ol cik Ya̱u̱do̱.

1 Te̱se̱lo̱ni̱ka̱ 5:23

Kala Ta̱mu̱ta̱dde̱n manyi gano ka̱a̱nyu̱ng abait labak, kidimanung izet caale udut. Ka̱a̱nyu̱ng baiz ki vongiz cunno̱ng do̱o̱k ki̱zze̱c ba̱ci̱no̱wa̱ zee kobodak Manyitinna Ye̱su̱ Ki̱ri̱sto̱ lo̱o̱c.

2 Te̱se̱lo̱ni̱ka̱ 3:4

Ka̱gga̱yya̱ niko ming ebekkung Manyi, u̱zu̱tte̱ kaal balik kedemezung ke̱ ju̱rru̱m.

2 Ti̱mo̱te̱yo̱ 4:22

Anyik Manyi ka̱vvu̱ baize icima vongize cunne, anyik Manyi kaanyi deten.

Je̱mi̱s 1:22

Ma aziknnu zoz ci Ta̱mu̱ta̱dde̱no̱ gaganiko, kar zin u̱lu̱te̱t e̱le̱tti̱ cuggo̱k. U̱tu̱gu̱z zoz ci a̱du̱wa̱ zoz neci.

2 Peturu 1:10

I̱yo̱ko̱ zin gotonogga ki ngonogga tu̱we̱nta̱, abunna ming a̱li̱ngli̱ngnyu̱ oroot kar a̱gga̱c ilem Ta̱mu̱ta̱dde̱n zo̱ze̱ ci awuyyung ki ci ahalanung. Eci ming ogonnu niga kaal ne̱ko̱, iróng atin a̱yu̱we̱nu̱.

1 Jon 3:22

kar kurubta kaal do̱o̱k cik ka̱jji̱n naga ngatinne, eci naga kazunne lo̱ti̱nno̱k ciginnek kar ku̱tu̱gu̱z kaal cik orong enne.