Vilipia 4:8 - Tennet

⁸ Gotonogga ki ngonogga tu̱we̱nta̱, aartik zi̱nze̱tti̱ zoz ci een de̱de̱, zoz ci caale, zoz ci okko ṯop, zoz ci a̱li̱le̱, ki zoz ci abunna, icima zoz ci a̱zi̱ze̱ orong zi̱nze̱tti̱, ki zoz ci abunna kinnat naga. Ma abilizzu i̱no̱ni̱ne̱t kaal ne̱ko̱ do̱o̱k.

Vilipia 4:8 ပူးပေါင်းရင်းမြစ်များ

Kananet 18:19

Eci katahala anna nonno, kar atin enne ki̱ye̱le̱k dooli ciginnek ki ol cik a̱li̱ngli̱ngi̱ ce̱e̱ze̱ cinne gool ci Manyi, ngati ogone nege kaal cik abunna, kar atin anna Manyi kanyahak Aburaham zoz bali ku̱du̱wa̱ anna ke̱.”

Ma̱te̱yo̱ 22:16

I̱tto̱ntta̱k zin nege Ye̱su̱ nuyak cigge̱k ki olli alaan He̱ro̱di̱. I̱jji̱nne̱t zin nonno, “De̱me̱zo̱i̱t, ka̱gga̱yya̱ e̱e̱ni̱ i̱nna̱ e̱e̱t ci abunna, edemezi i̱nna̱ ol zoz ci Ta̱mu̱ta̱dde̱no̱ go̱o̱le̱ wa een de̱de̱, eci iróng i̱nna̱ edeconik zoz ci ollu.

Marko 6:20

ma̱rri̱t He̱ro̱di̱ o̱ngo̱o̱le̱ Jon kar kuzute nonno. A̱gga̱ ming een enne e̱e̱t ci abunna a̱li̱le̱ Ta̱mu̱ta̱dde̱no̱, ming aziye He̱ro̱di̱ Jon ming ozoz, a̱ku̱le̱k je̱e̱n, abarik ngen orong kizik zoz cinne eci enne ozoz zoz ci een de̱de̱.

Lu̱ka̱ 16:15

Kar zin enne kizek nogo ne, “Orongnyu niga i̱ye̱lta̱ e̱le̱tti̱ cuggo̱k izet ol cik abunnanu eberene cik ollu, ma̱i̱je̱ Ta̱mu̱ta̱dde̱n a̱gga̱ zi̱nze̱tti̱ ciggo̱k. Imma kaala cik irez ol cik lo̱o̱tu̱ oroot, e̱e̱ggi̱n kaal cik gerzek ngu̱me̱ ci Ta̱mu̱ta̱dde̱no̱.”

Lu̱ka̱ 2:25

Anyak ba̱li̱ye̱ e̱e̱t imma Jerusalema ci een zara Si̱mo̱ne̱, e̱e̱t ci abunna kar karik zinin zoz ci Ta̱mu̱ta̱dde̱no̱. Ere da̱ enne Ti̱ri̱zo̱i̱t ci olli Israilo, aave zin da̱ Vongizi ci A̱li̱le̱ ngatinne.

Lu̱ka̱ 23:50

I̱yo̱ko̱ zin anyak da̱ gon e̱e̱t imma ci een zara Yosevo, een enne e̱e̱t ci abunna oroot, a̱li̱ngli̱ng lo̱ki̱ka̱,

Kaviyak wak Abunna Ta̱mu̱ta̱dde̱no̱ eher Joni 7:18

Imma e̱e̱ti̱ ci ozoz zoz o̱o̱we̱ cinne do̱, orong ki̱di̱ngdi̱nga̱ni̱t ol nonno, abarik e̱e̱ti̱ wa ozoz zoz ci e̱e̱t wa i̱tto̱na̱na̱ ko̱, a̱di̱ngdi̱nga̱n nonno, een e̱e̱t ci ozoz zoz ci een de̱de̱, iróng enne anyak volong.

Buk wa To̱ni̱a̱u̱ 10:22

O̱bo̱dde̱k zin nege, “Ka̱vvu̱nna̱ naga ngati Korneliosi wa een ddi̱ki̱ryo̱i̱t ci aciiru. Een enne e̱e̱t ci o̱ngo̱o̱le̱ Ta̱mu̱ta̱dde̱n, o̱ngo̱o̱le̱ olli Ya̱u̱do̱ nonno do̱o̱k oroot. U̱du̱wa̱k anjilo wa a̱li̱le̱ Ta̱mu̱ta̱dde̱no̱ nonno, a̱nne̱k ne, i̱jja̱ i̱nna̱ rok ce̱e̱z cinne kar abunna enne okko aziye zoz ci a̱du̱wa̱ i̱nna̱.”

Buk wa To̱ni̱a̱u̱ 22:12

“I̱ki̱ya̱ e̱e̱ti̱ ci een zara Ananiyas okko acinnan. Een enne e̱e̱t ci annu lo̱ti̱nno̱k, o̱ngo̱o̱le̱ olli Ya̱u̱di̱ wak abak nginati nonno do̱o̱k.

Buk wa To̱ni̱a̱u̱ 6:3

Gotonogga, atahaltta ol u̱gge̱ turgerem ngatinno̱ng cik anyak Vongiz ki genyiz kar naga kanycik nogo li̱ngli̱ngo̱n cu

Roma 13:13

Abunna kabak baiz ci abunna ki i̱yo̱ko̱ ol wak abak vooritene ci wazino ko̱. Ma ovvoyyu ngati alutene ol cik aud merten kar kibbakte. Ma owowonu ki a̱li̱ya̱k. Ma oyohonu ki ol. Ma anyikku zi̱nze̱tti̱ kizeto a̱ppi̱nte̱k kaale cik ollu.

Roma 13:3

Imma alaata wak abal ol go̱o̱le̱ ci abunna ko̱, iróng ol cik abunna o̱ngo̱o̱le̱ nogo. Ma̱i̱je̱ ol cik ogon kaal cik gerzek, o̱ngo̱o̱le̱ alaan. Iróng i̱nna̱ orongi kar to̱ngo̱o̱lle̱ ol wak aavtte alaanzeta? Tu̱gu̱ zin gi̱i̱ ci abunna kar abunna alaani irezi i̱nne̱ta̱.

Roma 14:18

Eci ming a̱li̱ngli̱nge̱k e̱e̱ti̱ Ki̱ri̱sto̱ go̱o̱le̱ necu, atalne atin Ta̱mu̱ta̱dde̱n kar ol bu̱k kelemtain.

Roma 2:29

Abunna e̱e̱ti̱ ming een Ya̱u̱do̱c de̱de̱, etted wucic vi̱ca̱vi̱ca̱, o̱ngo̱o̱le̱ lo̱ti̱nno̱k cik Ta̱mu̱ta̱dde̱no̱. Amuda e̱e̱ti̱ rezinet ci Ta̱mu̱ta̱dde̱no̱ de̱de̱ go̱o̱le̱ ci aanyik enne Manyi zinin cinne, iróng een go̱o̱le̱ ci ettede ol vi̱ca̱vi̱cce̱t, een abarik Vongiza. Anyik Ta̱mu̱ta̱dde̱n ka̱ma̱yu̱k e̱e̱t, iróng een ol cik diirik.

1 Ko̱ri̱nto̱ 4:5

Iróng abunna ming apahekku niga ol ba̱ci̱nno̱k, aanycik nogo kerec i̱i̱te̱n wa ettede ol lo̱ki̱ko̱; e̱re̱yyo̱ ki̱ki̱ya̱ Manyi. Imma i̱i̱te̱ne̱ ci okko Manyi obodane, i̱ye̱la̱ atin enne kaal cik a̱lu̱gnye̱ ki̱ye̱lta̱i̱ ngati voori veelek, kar ki̱ti̱ri̱wa̱ kaal cik aavtte zi̱nze̱tti̱nne̱ cik ol cik diirik. I̱i̱te̱n neci okko Ta̱mu̱ta̱dde̱n irez e̱e̱t go̱o̱le̱ ci abahe enne.

2 Ko̱ri̱nto̱ 13:7

Kalayya Ta̱mu̱ta̱dde̱n abunna ming abilizzu niga kaal cik gerzek. Iróng kalayya Ta̱mu̱ta̱dde̱n niko ki ci korongnyya ki̱ye̱lte̱yya̱ ol ke̱e̱ggi̱nna̱ naga ol cik kabunanna, abarik abunna ming ogonnu kaal cik abunna, ming kabaccit naga timaninet nu̱nu̱n.

2 Ko̱ri̱nto̱ 6:8

Ma̱i̱je̱ go̱o̱le̱ ci a̱di̱ngdi̱nga̱ne̱tta̱ icima otoryyetta, a̱du̱wa̱ ol uggak kogonna naga zoz ci abunna kar uggak ku̱du̱kta̱ zoz ci gerze; kogon zoz ci abunna, ming nu̱nu̱n azi ol uggak ne ke̱e̱ggi̱nna̱ naga volongnyok.

2 Ko̱ri̱nto̱ 8:18

Ki̱tto̱na̱kku̱ng Ti̱to̱ ki gotonet imma tu̱we̱nta̱ ci irez ke̱le̱ci̱a̱nya̱ do̱o̱k nonno, eci enne uwahek nogo ba̱li̱ye̱ kaviyak cik abunna Ki̱ri̱sto̱.

2 Ko̱ri̱nto̱ 8:21

Kazi niko eci korongnyya ku̱tu̱gu̱zza̱ kaal cik acin Manyi Ta̱mu̱ta̱dde̱n, kar ol uggak kicinnet bu̱k.

Ga̱la̱ti̱a̱ 5:22

Ma̱i̱je̱ baizi Vongiza, een rezinet, ki talninet, ki baiz yahe, ki niimenet no̱ngi̱tto̱n, ki i̱rrke̱ne̱t, ki bunnat, ki tu̱we̱ne̱t Ta̱mu̱ta̱dde̱n,

Evesos 4:25

Imma zin baize ci een jor ko̱, ma ngen bo̱do̱k ovolongnyu, abunna gon ming a̱du̱wa̱k e̱e̱ti̱ gooni zoz ci een de̱de̱, eci naga do̱o̱k kurumte kizeto ele co̱de̱ ngati Ye̱su̱.

Evesos 5:9

Eci baizi vooritena anyaha bunnat ki baiz ci abunna ki zoz ci een de̱de̱.

Evesos 6:14

Ibilet ju̱rru̱m, aanycik zoz ci Ta̱mu̱ta̱dde̱no̱ wa een de̱de̱ kize nyakadingo ci ecebju ke̱ngti̱. Aanycik baiz wanno̱ng abunna kize i̱li̱b cunno̱ng baiza.

Vilipia 3:1

Gotonogga ki ngonogga tu̱we̱nta̱, abunna ming atalninnu oroot ngati Manyi. Iróng een zoz ci gerze ming keheri kaal balik keteheraung anna oowa ke̱, abarik een kaal cik atin azunnung.

Kolosiya 4:5

Abait genyiza ki ol wak iróng a̱tu̱we̱; ming ovvo niga amudannu gool ci uwahekku nogo kaviyak, u̱du̱kta̱k ju̱rru̱m.

1 Te̱se̱lo̱ni̱ka̱ 4:12

Ming u̱tu̱gu̱zzu̱ niko, o̱ngo̱o̱li̱nnu̱ng wo̱ye̱ ol wak iróng a̱tu̱we̱. I̱ce̱lli̱t e̱le̱me̱tti̱ cuggo̱k ma̱ci̱gja̱.

1 Ti̱mo̱te̱yo̱ 2:2

Alayek Ta̱mu̱ta̱dde̱n alaat cik abal lo̱o̱c ki ol wak a̱ddi̱ki̱re̱ abal ol, ki ol wak abal nege, kar kabait labak go̱o̱le̱ ci kireze Ta̱mu̱ta̱dde̱n zi̱nze̱tti̱nne̱ cik abunna.

1 Ti̱mo̱te̱yo̱ 3:11

Anyik ngaai cik ol wak een kuye kabait baiz ci abunna, iróng ozoz ol volonga. Anyik kizeto gunune kar ku̱zu̱tte̱ zoz ci Ta̱mu̱ta̱dde̱no̱ ju̱rru̱m.

1 Ti̱mo̱te̱yo̱ 3:4

Abunna ming een e̱e̱t ci abal orog wainne ju̱rru̱m, kar dooli kiziyet ti̱lo̱wi̱ne̱t wainne ju̱rru̱m kar bo̱do̱k ko̱to̱ngo̱o̱ltte̱ nonno.

1 Ti̱mo̱te̱yo̱ 4:12

Ma anyik ol kibbeztin eci i̱nna̱ e̱e̱ni̱ idica, abarik anyik ol cik a̱tu̱we̱ kicinnet gool ci uwahe i̱nna̱ zoz ci Ta̱mu̱ta̱dde̱no̱, gool ci owowonu ki ol, gool ci ireze Ta̱mu̱ta̱dde̱n ki ol, gool ci a̱tu̱we̱ Ta̱mu̱ta̱dde̱n, ki gool ci abahe labak.

1 Ti̱mo̱te̱yo̱ 5:10

Anyik bo̱do̱k ol ku̱du̱kta̱ bunnat cinne, ki zoz ci azi ne, azunne ba̱li̱ye̱ dooli ju̱rru̱m, i̱i̱rke̱, a̱gga̱m e̱re̱nno̱k wak a̱tu̱we̱ ju̱rru̱m, kar gon keela bo̱yyo̱k.

1 Ti̱mo̱te̱yo̱ 5:2

Ti̱ri̱z ma̱ti̱yo̱ cik nga̱a̱ye̱k kiwagon ming a̱gga̱mi̱ yaatunne, imma dooli cik nga̱a̱ye̱k, gga̱m nogo kiwagon ming anyai ngonoggu.

Ti̱to̱ 1:8

Abarik, abunna ming irez e̱re̱nno̱k, kar bo̱do̱k katal ku̱tu̱gu̱ kaal cik abunna, abunna ming anyak urutoit zoza, abunna ming ogon kaal cik een de̱de̱, anyik kabak baiz ci abunna a̱li̱le̱.

Ti̱to̱ 2:14

Aanyik enne ele cinne kize wawac, kar keelawet ba̱ci̱no̱we̱, kar kidimanit kizet caale, kar zin kaanyyet kizet ol ciginnek, kar koronggit ku̱tu̱gu̱z oroot kaal cik abunna do̱ niko.

Ti̱to̱ 2:2

Ti̱lo̱ ol wak macik a̱ddi̱ki̱re̱ abunna ming anyak uruttok baizowe odohize, kar ol ko̱to̱ngo̱o̱ltte̱ nogo, kar kabaito baiz ci abunna. Abunna ming anyak tu̱we̱ne̱t ci okkomi, ki rezinet ol, ki niimenet no̱ngi̱tto̱n.

Ti̱to̱ 2:7

Abunna i̱nna̱ bu̱k ming ogoni kaal cik abunna kar ol kicinnet gool ci abunna ngatunne. Abunna kaala ne̱k ogoni ko̱ ming i̱ye̱la̱ de̱mzi̱ne̱t cunno̱ng.

Ti̱to̱ 3:14

Anyik ol cigga̱c ke̱de̱me̱zi̱t zoz ci li̱ngli̱ngo̱nto̱, abunna ming edemezek e̱le̱tti̱ zoz ci eelanne nege ol cik apirna.

I̱bu̱ru̱ 11:2

U̱mu̱dda̱ ol balik reentik baiz ci abunna eci nege anyak tu̱we̱ne̱t ci okkomi, atal zin Ta̱mu̱ta̱dde̱n nogo.

I̱bu̱ru̱ 13:18

Alayettu Ta̱mu̱ta̱dde̱n. Iróng naga ko̱ngo̱o̱le̱ gi̱i̱ imma, korongnyya odohize kabakta baiz ci abunna.

Je̱mi̱s 1:27

Imma e̱e̱ti̱ wa a̱di̱ngdi̱nga̱n Ta̱mu̱ta̱dde̱n wa een Be̱e̱ti̱nna̱ ko̱, aave enne kize caala ne paz, i̱llo̱i̱ rok mu̱nye̱n, ogon enne kaal ciko: Azunne bo̱yyo̱k ki ngaai cik boyek ngati apirnane, kar kuzute ele cinne kaale cik lo̱o̱tu̱.

Je̱mi̱s 3:17

Imma zin genyizi ci a̱kku̱ ta̱mu̱-kenga een caala paz; kar zin kirez gano, alali mului, a̱gga̱ zoz ju̱rru̱m, aziye zoz ju̱rru̱m, anyak deten ki zoz ci abunna, iróng enger ol kar kanyak zoz ci een de̱de̱.

1 Peturu 1:22

I̱yo̱ko̱ i̱ti̱vi̱ltu̱ niga zi̱nze̱tti̱ cuggo̱k kizeto caale ngati elemnyyu zoz ci een de̱de̱, kar anyait rezinet ci een de̱de̱ ki gotonogget wak a̱tu̱we̱, irezit e̱le̱tti̱ cuggo̱k oroot, rezinet ci a̱kku̱ zinina.

1 Peturu 2:12

Aanycik ol kicinnet baiz cunno̱ng ming abunna orgene ci ol wak iróng a̱gga̱ Ta̱mu̱ta̱dde̱n, ma̱i̱je̱ nu̱nu̱n ming orong nege kimertung azi ne, abacu niga. Ovvo atin nege i̱i̱te̱ne̱ ci okko Ta̱mu̱ta̱dde̱n ettede lo̱ki̱ko̱, a̱di̱ngdi̱nga̱n Ta̱mu̱ta̱dde̱n kar koobtek Ta̱mu̱ta̱dde̱n kaal cik abunna ogonnu niga ba̱li̱ye̱.

1 Peturu 4:8

Ma gi̱i̱ye̱ ci riili oroot, abunna zin niga ming irezonnu, eci rezinet ngati aave, amadan mu̱nye̱n.

2 Peturu 3:1

Gotonogga ki ngonogga tu̱we̱nta̱, i̱yo̱ko̱ keherakkung bo̱do̱k waraga necu kar kunu gooni bali arrak keherakkung oowa ke̱. Imma zin waraganyai ne̱ko̱ do̱o̱k, korongi ka̱a̱da̱u̱ng i̱ge̱t zo̱zzo̱k ne̱ke̱ kar i̱no̱ni̱t nogo do̱o̱k.

1 Jon 3:18

Niga dooli wagannik tu̱we̱nta̱, abunna kirez ol rezinet ci een de̱de̱ ngati kogonne kaal cik abunna baize cinna, iróng een zoza utuga.

1 Jon 3:3

Imma e̱e̱ti̱ ci arike zinin zoz ci Ki̱ri̱sto̱, adiman ele cinne ki̱li̱li̱, ki i̱yo̱ko̱ Ki̱ri̱sto̱ ming a̱li̱le̱ ko̱.

1 Jon 4:1

Gotonogga ki ngonogga tu̱we̱nta̱, ma a̱tu̱yyu̱ zoz ci ol cik azi ne kanyaka Vongiz ci Ta̱mu̱ta̱dde̱no̱, abarik abunna ming atimanu vongizzok ming e̱e̱ggi̱n cik Ta̱mu̱ta̱dde̱no̱ de̱de̱, eci anyak a̱ri̱tto̱k cik meelek volongak i̱vi̱tta̱k lo̱o̱c cu.

Buk ci ozoz zoz ci ngaa ci een Ruz 3:11

Kar zin i̱yo̱ko̱, buweenyanni, ma o̱ngo̱o̱le̱ gi̱i̱ imma. Kogoniki atin i̱nne̱t kaal cik a̱jji̱nni̱ i̱nna̱ do̱o̱k. A̱gga̱yi̱ olli o̱rgu̱ do̱o̱k ming e̱e̱ni̱ i̱nna̱ ngaa ci abunna oroot.