Vilipia 4:6 - Tennet

⁶ Ma anyikku zi̱nze̱tti̱ kibilet je̱e̱na̱ zo̱ze̱ ci kaalu, abarik alac Ta̱mu̱ta̱dde̱n kaale do̱o̱k zi̱nze̱tti̱nne̱ cik alali ngati anyikku nonno zany.

Vilipia 4:6 ပူးပေါင်းရင်းမြစ်များ

Ma̱te̱yo̱ 10:19

Abarik ming arikkung e̱e̱ti̱ imma lagam, ma o̱ngo̱o̱li̱nnu̱ gi̱i̱ imma, icima anyakku i̱no̱ni̱ zo̱ze̱ ci ovvo atin a̱du̱wa̱nnu̱. Imma i̱i̱te̱ne̱ neci, anyonikkung zoz ci ovvo atin niga a̱du̱wa̱nnu̱.

Ma̱te̱yo̱ 13:22

Imma i̱nyo̱mo̱na̱ cik i̱i̱na̱k biila ko̱, ogon ki ol cik aziye kaviyak cik abunna. Kar zi̱nze̱tti̱ cigge̱k kibilet je̱e̱na̱ kaale cik orong nege baiza, acin i̱to̱kze̱t ci lo̱o̱tu̱, kar kutungttek kaviyak ne̱ke̱ lo̱o̱c.

Ma̱te̱yo̱ 6:34

I̱yo̱ko̱ zin, ma anyikku zi̱nze̱tti̱ kibilet zo̱ze̱ ci lo̱ze̱ti̱nu̱, okko atin zoz ci lo̱ze̱ti̱nu̱ edeca ele manyi. Anyak i̱i̱te̱ni̱ do̱o̱k kaal cigge̱k.

Ma̱te̱yo̱ 6:8

Ma ogonnu ki nege, eci Be̱e̱ti̱nno̱ng wa aave ta̱mu̱-kenga a̱gga̱ kaal cik orongnyu niga do̱o̱k ming ngen niga a̱ka̱tte̱ lawinet nonno.

Lu̱ka̱ 10:41

Abarik Ye̱su̱ izek nonno ne, “Marta, Marta, o̱ngo̱o̱le̱ i̱nna̱ kaal cik meelek,

Lu̱ka̱ 12:22

A̱nne̱k zin Ye̱su̱ nuyak ciginnek ne, “Ka̱du̱wa̱kku̱ng anna i̱ge̱ta̱, ma anyikku zi̱nze̱tti̱ cuggo̱k kibilet je̱e̱na̱ zo̱ze̱ ci ruget cunno̱ng, adakku atin nya; icima zo̱ze̱ ci e̱le̱tti̱ cuggo̱k, aimnyu atin niga nya.

Lu̱ka̱ 12:29

Ma arikku zi̱nze̱tti̱ ciggo̱k kaal cik adakku icima auddu; ma anyikku zi̱nze̱tti̱ kibilet je̱e̱na̱ zo̱ze̱ ci kaal ne̱ko̱.

Lu̱ka̱ 18:1

A̱du̱wa̱k zin Ye̱su̱ nuyak ciginnek tubzenet cu, kar ki̱ye̱le̱k nogo abunna ming alaye nege odohize, iróng ungnek zoz necu lo̱o̱c.

Lu̱ka̱ 18:7

Kar iróng atin Ta̱mu̱ta̱dde̱n etted lo̱ki̱ko̱ ju̱rru̱m cik ol cik atahalai, ol cik a̱lu̱we̱k nonno wazin ki ba̱a̱li̱n? Okko gon atin enne abure lo̱ki̱ko̱ cinne̱ng?

1 Ko̱ri̱nto̱ 7:21

Baling awuyi Ta̱mu̱ta̱dde̱n ke̱, e̱e̱ni̱ da̱ i̱nna̱ du̱ca̱i̱t? Ma anyike zoz necu ku̱u̱c zinina, ming aanyi enne i̱nne̱t bak labak, bak zin go̱o̱le̱ ci orongi i̱nna̱ ke̱.

1 Ko̱ri̱nto̱ 7:32

Korongnyung anna i̱ge̱t a̱vvu̱t labak ki̱zze̱c rok kaal cik i̱no̱nnu̱ niga zi̱nze̱tti̱nne̱ cuggo̱k. Imma e̱e̱ti̱ ci ngen kuruco, arik zinin li̱ngli̱ngo̱n ci Manyi, eci ogon enne li̱ngli̱ngo̱n lo̱o̱ta̱ ngatu aanyik Manyi katalo zo̱ze̱ cinne.

2 Ko̱ri̱nto̱ 1:11

ki i̱yo̱ko̱ ming eelannetu niga ngati alawakket Ta̱mu̱ta̱dde̱n. Ovvo atin ol cik meelek anyike Ta̱mu̱ta̱dde̱n zany zo̱ze̱ ci lawinet cunno̱ng ngatinna̱ng.

Evesos 5:20

Aanycik Ta̱mu̱ta̱dde̱n Be̱e̱ti̱nna̱ zany kaale do̱o̱k odohize zare cik Manyitinna Ye̱su̱ Ki̱ri̱sto̱.

Evesos 6:18

Ma abilizzu lawinet Ta̱mu̱ta̱dde̱n. U̱tu̱gu̱z kaal ne̱ko̱ do̱o̱k ngati alaweku gonoggu wak a̱tu̱we̱ Ta̱mu̱ta̱dde̱n odohize doize ci Vongiz cinne kar enne keelaung.

Kolosiya 3:15

Anyik gano ci Ki̱ri̱sto̱ kabal zi̱nze̱tti̱ cuggo̱k, eci Ta̱mu̱ta̱dde̱n a̱a̱nyu̱ng izet ol co̱de̱ kar anyait gano necu. Kar aanycik nonno zany.

Kolosiya 3:17

Kar ming ogonnu gi̱i̱ imma, ming ozozu u̱tu̱ge̱tti̱ne̱ icima ogonnu azzine, u̱tu̱gu̱z kaal ne̱ke̱ do̱o̱k zare cik Manyi Ye̱su̱. Kar bo̱do̱k go̱o̱le̱ cinne, aanycik Ta̱mu̱ta̱dde̱n Baba zany kaale do̱o̱k.

Kolosiya 4:2

Aanycik e̱le̱tti̱ cuggo̱k ke̱me̱dda̱ lawinte ci Ta̱mu̱ta̱dde̱no̱, ming ovvo alawinu, u̱zu̱tte̱ e̱le̱tti̱ ju̱rru̱m kar aanycik nonno zany.

1 Ti̱mo̱te̱yo̱ 2:1

Korongnyung zin arrak oowa alayozik ol do̱o̱k kar keela Ta̱mu̱ta̱dde̱n, kar aanycik Ta̱mu̱ta̱dde̱n zany kaale wak ogonik enne nogo.

1 Ti̱mo̱te̱yo̱ 5:5

Aarike ngaa ci boye a̱zze̱ rok e̱e̱t co̱de̱ ci eela to zinin cinne Ta̱mu̱ta̱dde̱n, ala nonno tu̱p kaal.

1 Peturu 4:7

Ize ojon i̱i̱te̱ni̱ ci aṯurneke kaala veelek. I̱yo̱ko̱ zin, abunna ming egenyyu oroot, abunna bo̱do̱k ming okkomnu lawinta kak.

1 Peturu 5:7

Kodongtek Ta̱mu̱ta̱dde̱n kaal wak gerzek ogonekku̱ng ol ko̱ do̱o̱k, eci enne een e̱e̱t ci azunnung.