Vilipia 4:5 - Tennet

⁵ Tu̱gu̱we̱k ol do̱o̱k kaal cik abunna zinine ci alali. Ize ojon i̱i̱te̱ni̱ ci a̱kku̱nne̱ Manyi.

Vilipia 4:5 ပူးပေါင်းရင်းမြစ်များ

Ma̱te̱yo̱ 6:25

“I̱yo̱ko̱ zin ka̱du̱wa̱kku̱ng, ma o̱ngo̱o̱li̱nnu̱ zoz ci obod ki ruget cunno̱ng, icima i̱no̱nnu̱ nya ci adakku icima ci auddu; icima zoz ci e̱le̱tti̱ cuggo̱k, aimnyu atin nya. Ma dim rugeti iróng riil kommog da̱i̱ne̱t, okko ele riil kommog ru̱u̱ma̱ni̱?

Ma̱te̱yo̱ 6:34

I̱yo̱ko̱ zin, ma anyikku zi̱nze̱tti̱ kibilet zo̱ze̱ ci lo̱ze̱ti̱nu̱, okko atin zoz ci lo̱ze̱ti̱nu̱ edeca ele manyi. Anyak i̱i̱te̱ni̱ do̱o̱k kaal cigge̱k.

Lu̱ka̱ 21:34

“U̱zu̱tte̱ e̱le̱tti̱, icima ovvo atin zi̱nze̱tti̱ cuggo̱k egerzanne zo̱ze̱ ci gerze, ki udenet merten ki ngo̱li̱ne̱t lo̱o̱c zo̱ze̱ ci baizo, okko atin i̱i̱te̱ni̱ neci a̱kku̱na̱kku̱ng kiwagon tarabai.

1 Ko̱ri̱nto̱ 16:22

Ming iróng e̱e̱ti̱ imma irez Manyi Ye̱su̱, anyik to̱ri̱ne̱t ki̱tta̱k nonno. Anyik bai Manyi ki̱ki̱ya̱ ataman.

1 Ko̱ri̱nto̱ 6:7

Ming anyakku jooret cik ovvoyyu lo̱ki̱ka̱ orgene cunno̱ng, i̱ye̱la̱ necu zoz ci azi ne iróng niga abakku baiz ci abunna ngu̱me̱ ci Ta̱mu̱ta̱dde̱no̱. Ma̱i̱je̱ nu̱nu̱n ming ogonekku̱ng gonoggu wak a̱tu̱we̱ kaal cik gerzek, alaltek nogo labak, ma ovvoyyu nogo lo̱ki̱ka̱.

1 Ko̱ri̱nto̱ 8:13

I̱yo̱ko̱ zin, ming kanyike anna gotona tu̱we̱nta̱ kadak gi̱i̱ ci iróng enne orong kar ku̱tu̱gu̱ mu̱nye̱n, iróng bo̱do̱k anna ngen kadai da̱i̱ne̱t ne̱ke̱ udut, gerza ming kanyike nonno ku̱tu̱gu̱ mu̱nye̱n.

1 Ko̱ri̱nto̱ 9:25

Ming orong e̱e̱ti̱ kize ti̱i̱r, orong ming edemez enne ele arrak ngati a̱vi̱re̱ kar kize ti̱i̱r. Ogon enne niko kar ming anyak gi̱i̱ ci irawone ol kar enne kize oo. Abarik gon ol wak a̱vi̱r kar kurubta kaal, aruba gi̱i̱ ci iróng aave udut, ovvo ol wak a̱tu̱we̱ aruba gi̱i̱ ci atin aave udut.

2 Ko̱ri̱nto̱ 10:1

I̱yo̱ko̱, kilalekkung anna Pa̱u̱lo̱ eliya i̱ge̱t go̱o̱le̱ ci kozoze muluwe ci alali abunna kiwagon Ki̱ri̱sto̱. Ming kaave anna ki i̱ge̱ta̱, kozozi “dalanzeta” ma̱i̱je̱ ming kaave reena ngatinno̱ng kozozi iróng “ko̱ngo̱o̱le̱” zoz!

2 Te̱se̱lo̱ni̱ka̱ 2:2

ma zin anyikku e̱e̱t imma kalabaung zo̱ze̱ ci azi ne u̱du̱wa̱k Vongizi ci A̱li̱le̱ nonno icima a̱kku̱ waraga ngatinna, i̱ki̱ya̱ i̱i̱te̱ni̱ ci Manyi la̱du̱n.

Ti̱to̱ 3:2

Gerza ming ozoz e̱e̱ti̱ gerzet, abunna ming alit dango. Abarik, abunna ming e̱e̱ggi̱nnu̱ ol cik gununik, abunna ming i̱i̱rke̱nnu̱ olle do̱o̱k.

I̱bu̱ru̱ 10:25

Abunna karume gon nga̱to̱de̱ ngati kalawe Ta̱mu̱ta̱dde̱n, aanycik kize kaale cinna; ki i̱yo̱ko̱ ming iróng ol uggak arume ko̱, eci izeto ojontte i̱i̱nya̱ cik okko Ye̱su̱ obodak lo̱o̱c.

I̱bu̱ru̱ 10:37

Eci Waraga ci Ta̱mu̱ta̱dde̱no̱ ozoz zoz ci Ye̱su̱ azi ne, “A̱kku̱ atin enne ataman.

1 Peturu 1:11

Aave Vongizi ci Ki̱ri̱sto̱ ngatinne̱ng, oobek nogo gool ci atin apirnane Ki̱ri̱sto̱ kar atin kaanyozik nonno nginti di̱ngdi̱nga̱nto̱ ci a̱ddi̱ki̱re̱ oroot.

1 Peturu 4:7

Ize ojon i̱i̱te̱ni̱ ci aṯurneke kaala veelek. I̱yo̱ko̱ zin, abunna ming egenyyu oroot, abunna bo̱do̱k ming okkomnu lawinta kak.

O̱no̱zzo̱k 22:20

Okko e̱e̱ti̱ ci ibbac kaal ne̱ko̱, azi ne, “I̱i̱ny, ka̱kku̱ni̱ anna ataman.” Nonno nenen, i̱jja̱, Manyi Ye̱su̱.

O̱no̱zzo̱k 22:7

Azi Ye̱su̱ ne, “Aarta iin! Kokko anna ka̱kku̱ni̱ ataman! A̱ma̱yu̱we̱ e̱e̱ti̱ ci azunne zo̱zzo̱k cik i̱ye̱ltta̱i̱ buwe cu.”