Vilipia 4:4 - Tennet

⁴ Ataltto odohize zo̱ze̱ ci Manyi baize cunno̱ng! Kobodonik ka̱du̱wa̱ dee, ataltto.

Vilipia 4:4 ပူးပေါင်းရင်းမြစ်များ

Ma̱te̱yo̱ 5:12

Ataltto, eci atin Ta̱mu̱ta̱dde̱n amuccu̱ng i̱ge̱t ta̱mu̱-kenga, ogon ki bali ming a̱gi̱d ol a̱ri̱tto̱k balik a̱vvu̱ o̱o̱we̱ cunno̱ng ke̱.

Buk wa To̱ni̱a̱u̱ 16:25

Imma ba̱a̱li̱n kenga, alac Pa̱u̱lo̱ ki Silas Ta̱mu̱ta̱dde̱n kar bo̱do̱k ke̱be̱ni̱t lo̱ngnyo̱k, ma̱i̱je̱ gonoggja lagama aziye niko.

Buk wa To̱ni̱a̱u̱ 5:41

Iyokta zin to̱ni̱a̱ha̱ lo̱ki̱ka̱ talninta eci nege a̱gga̱ ming apirna nege zare cik Ye̱su̱.

Roma 12:12

Abunna ming atalninnu ngati arikku zi̱nze̱tti̱ Ta̱mu̱ta̱dde̱n. Ming apirnannu, inimet no̱ngi̱tto̱n, alayo odohize.

2 Ko̱ri̱nto̱ 6:10

Ming kapirna naga nu̱nu̱n, kaavtte naga talninta. Ming kamati niko, izeto ol bo̱to̱ro̱ ngati kuwaheka kaviyak cik Ye̱su̱. Ming nu̱nu̱n, iróng kanyak kaal, e̱e̱ggi̱n kaala ne̱ko̱ do̱o̱k cigga̱c.

Ga̱la̱ti̱a̱ 1:8

Ming anyak e̱e̱t ci uwahekkung kaviyak cik abunna ongorko ki cik kuwahekkung naga ko̱, icima ol u̱gge̱ icima anjilo ci a̱kku̱ ta̱mu̱-kenga, i̱i̱na̱k atin to̱ri̱ne̱t ci Ta̱mu̱ta̱dde̱no̱ nonno eci enne uwahek ol kaviyak cik aavtte do̱.

Vilipia 2:18

Kar zin go̱o̱le̱ necu ataltto niga do̱o̱k ki annita.

Vilipia 3:1

Gotonogga ki ngonogga tu̱we̱nta̱, abunna ming atalninnu oroot ngati Manyi. Iróng een zoz ci gerze ming keheri kaal balik keteheraung anna oowa ke̱, abarik een kaal cik atin azunnung.

1 Peturu 4:13

Ataltto go̱o̱le̱ ci apirnannu ko̱ ki baling apirna Ki̱ri̱sto̱ ke̱. Okko atin zoz neci apirnannu niga ko̱, anyaha talinet ci a̱ppwe̱ oroot atin ming okko di̱ngdi̱ngo̱ni̱ cinne i̱ye̱la̱i̱.