Vilipia 4:21 - Tennet

²¹ Izza olli Ta̱mu̱ta̱dde̱no̱ veelek zare cik Ye̱su̱ Ki̱ri̱sto̱. Ovvo bo̱do̱k gotonoggeti wak aavtte imma annita i̱tto̱na̱kku̱ng zawinet cinne̱ng.

Vilipia 4:21 ပူးပေါင်းရင်းမြစ်များ

Ma̱te̱yo̱ 5:47

Ming izayu niga gonoggu do̱ niko, nya ci abunna oroot zo̱ze̱ necu? Iróng zoz ci gon ogon ol wak iróng a̱tu̱ Ta̱mu̱ta̱dde̱n necu?

1 Ko̱ri̱nto̱ 1:2

Keherakkung i̱ge̱t waraga cu olli ke̱le̱ci̱a̱k Ta̱mu̱ta̱dde̱no̱ wak abak lo̱o̱ce̱ ci een Ko̱ri̱nto̱. Atahalaung Ta̱mu̱ta̱dde̱n i̱ge̱t izet ol ciginnek a̱li̱le̱ zo̱ze̱ ci oromtoziu niga Ye̱su̱ Ki̱ri̱sto̱. Ki bo̱do̱k ol wak lo̱o̱tu̱ do̱o̱k balik atahala Manyi, kar nege bu̱k ki̱di̱ngdi̱nga̱ni̱t zar cik Manyitinna Ye̱su̱ Ki̱ri̱sto̱ wa een Manyi cinne̱ng ki agit bu̱k.

Ga̱la̱ti̱a̱ 1:2

Ki̱tto̱na̱nna̱ naga do̱o̱k gotonogget ki ngonogget wak a̱tu̱we̱ waraga cu ke̱le̱ci̱a̱nya̱ cik lo̱o̱c ci een Ga̱la̱ti̱a̱.

Ga̱la̱ti̱a̱ 2:3

Elemtta ol ne̱ke̱ annita, iróng zin ngen a̱jji̱n zoz ci ettede wucic vi̱ca̱vi̱ca̱ ci gonona Ti̱to̱, ming een enne nu̱nu̱n i̱do̱ngo̱je̱ni̱t niko, iróng zin nege ommogik nonno zoz ci ettede wucic vi̱ca̱vi̱ca̱ ming nu̱nu̱n een enne Gi̱ri̱k.

Evesos 1:1

Annita Pa̱u̱lo̱ wa ke̱e̱ni̱ to̱ni̱a̱t ci Ye̱su̱ Ki̱ri̱sto̱ zo̱ze̱ ci odola Ta̱mu̱ta̱dde̱n ci keheri warage cu ko̱. Keherik olli Ta̱mu̱ta̱dde̱no̱ ki ol wak a̱tu̱ zoz ci Ye̱su̱ Ki̱ri̱sto̱ ke̱le̱ci̱e̱ ci orog ci een Ephesus.

Vilipia 1:1

Annita Pa̱u̱lo̱ ki Ti̱mo̱te̱yo̱ wak ke̱e̱ggi̱nna̱ du̱cca̱k cik Ye̱su̱ Ki̱ri̱sto̱ ko̱ cik keherya waraga cu. Keherika waraga cu ol wak a̱tu̱ zoz ci Ye̱su̱ Ki̱ri̱sto̱ o̱rge̱ ci een Vilip, keherika bu̱k lo̱ddi̱ki̱re̱ cik ke̱le̱ci̱o̱ veelek.

Vilipia 4:7

Kar gano ci Ta̱mu̱ta̱dde̱no̱ wa ommog genyiz ci e̱e̱t ci diiri do̱o̱k, kuzute zi̱nze̱tti̱ ki i̱no̱ni̱ cuggo̱k ngati Ye̱su̱ Ki̱ri̱sto̱.