Edemezit nogo abunna ming o̱ngo̱o̱le̱ kaal cik ka̱du̱wa̱kku̱ng anna i̱ge̱t ko̱ do̱o̱k. Kaave atin ngati een i̱ge̱t odohize, rok nginti aṯurneke looci.”
Ta̱mu̱ta̱dde̱n ci eenyca kaal do̱o̱k, kar kaanyik nogo do̱o̱k kuruget, azunne enne kaal ne̱ke̱ do̱o̱k komize cinne kizeto kaal ciginnek. Abunna zin ka̱di̱ngdi̱nga̱n naga do̱o̱k nonno udut. Nonno nenen.
Kala alaan kar bo̱do̱k ki̱di̱ngdi̱nga̱n nonno wa abak udut, wa iróng a̱da̱i̱, wa iróng kacin eberene, nonno Ta̱mu̱ta̱dde̱n o̱de̱ ṯok! Ko̱to̱ngo̱o̱ltte̱ nonno udut. I̱i̱ny.
Een enne Ta̱mu̱ta̱dde̱n co̱de̱ ṯok Ti̱ri̱zo̱i̱t cinna, anyak enne di̱ngdi̱ngo̱n, ki ddi̱ki̱rze̱t, ki doiz, ki alaanzet ngati Manyitinna Ye̱su̱ Ki̱ri̱sto̱ wa bali aave arrak oowa bu̱u̱llo̱we̱ do̱o̱k, ki i̱yo̱ko̱ udut. Nonno nenen.
kar kaanyyet kizet alaat ki olli wawaco abunna ka̱li̱ngli̱nge̱k Ta̱mu̱ta̱dde̱n Baatinne. Anyak Ye̱su̱ Ki̱ri̱sto̱ di̱ngdi̱ngo̱n ki doiz ci aave udut! Amen.
Imma i̱i̱te̱ne̱ neci ele anyak looci ki̱rki̱ri̱k kar ce̱e̱zi̱ cik orog ci a̱ddi̱ki̱re̱ ko̱ lo̱lo̱i̱t cidici ku̱yu̱kte̱. U̱ru̱kte̱ ol cik e̱e̱ggi̱n i̱bbo̱nge̱t turgerem (7,000) ki̱ri̱ki̱ri̱ye̱ neci. Kar ol wak anyigzai aruge ko̱ ka̱bba̱ri̱te̱t ki̱di̱ngdi̱nga̱ni̱t Ta̱mu̱ta̱dde̱n ci aave ta̱mu̱-kenga.
Egereny zin enne muluwe ci a̱ppwe̱ azi ne, “O̱to̱ngo̱o̱ltte̱ Ta̱mu̱ta̱dde̱n kar i̱di̱ngdi̱nga̱nni̱t nonno, eci i̱ki̱ya̱ i̱i̱te̱ni̱ ci okko enne ettedik ol lo̱ki̱ko̱. I̱di̱ngdi̱nga̱nni̱t nonno wa eenyca ta̱mu̱-keng ki lo̱o̱c, ki nyatapar ci a̱ddi̱ki̱re̱ ki moren wak erenane.”
Ebento zin nege mulukwane cik a̱bu̱le̱, azi lo̱ng ne, “Agano Nyoon bali otongde ke̱, abunna kar enne kumuda komiz ki kaal kize jaitot ki genyiz ki doiz ki ngo̱li̱ne̱t ci o̱ngo̱o̱li̱nne̱ ol nonno ki di̱ngdi̱ngo̱n ki inatinet!”
izeto ne, “Een enne de̱de̱! Kinnatit Manyi kar bo̱do̱k ki̱di̱ngdi̱nga̱ni̱t nonno anyak enne genyiz ki zany ki ngo̱li̱ne̱t ki doiz, eci enne ize Ta̱mu̱ta̱dde̱n cinna udut. Een enne de̱de̱!”
