Vilipia 3:6 - Tennet

⁶ Eci kanyai anna zinin ci kireze li̱ngli̱ngo̱n cinanni, ki̱gi̱da̱ zin olli Ki̱ri̱sto̱ ke̱le̱ci̱a̱k. Imma zo̱ze̱ ci abunna orong lo̱ti̱nno̱wa̱, i̱llo̱i̱ gi̱i̱ imma ci kabaci eci anna kazunne Lo̱ti̱nno̱k cik Musesi veelek.

Vilipia 3:6 ပူးပေါင်းရင်းမြစ်များ

Ma̱te̱yo̱ 23:25

“O̱lle̱ ciggo̱k de̱me̱zzo̱k wak lo̱ti̱nno̱u̱ ki olli Varacis, a̱ru̱kku̱ talaben! U̱u̱nyyu̱ uduc eci re̱e̱nu̱no̱, imma ecito abbize kaala cik gerzek, alabanu niga ol kar ataltto niga do̱.

Ma̱te̱yo̱ 5:20

Ka̱du̱wa̱kku̱ng zin zoz wa een de̱de̱, abunna zin niga ming ogonnu kaal cik abunna ommogit ol cik een Varacis ki de̱me̱zzo̱k wak lo̱ti̱nno̱u̱, kar atin niga i̱tto̱z ba̱a̱li̱ne̱t ci ta̱mu̱-kengo.

Lu̱ka̱ 1:6

Abunna bali nege a̱gga̱m zoz ci Ta̱mu̱ta̱dde̱no̱ oroot. Acin bo̱do̱k ol nogo ming azunne lo̱ti̱nno̱k wak Manyi ki keerani cigge̱k.

Buk wa To̱ni̱a̱u̱ 21:20

Baling iziyyet nege zoz necu, innatit nege Ta̱mu̱ta̱dde̱n. Kar zin kizettek Pa̱u̱lo̱ ne, “Gotonet acinni i̱nna̱, e̱e̱ggi̱n olli Ya̱u̱do̱ wak a̱tu̱ zoz ci Ye̱su̱ i̱bbo̱nge̱t cik meelek giir, annu zin nege lo̱ti̱nno̱k cik Musesi zi̱nze̱tti̱nne̱ cigge̱k do̱o̱k.

Buk wa To̱ni̱a̱u̱ 22:5

a̱du̱wa̱kku̱ng wo̱ye̱ alaani ci a̱ddi̱ki̱re̱ wawaco ki lo̱ddi̱ki̱re̱ cik lo̱ki̱ko̱ do̱o̱k zoz cinanni. Kuruba anna bu̱k waraganya cik kecebe ol ngatinne̱ng, kar kanyaha gotonogget o̱rge̱ ci een Damascus, kar anna keceb nogo kar kuwe lagama Jerusalema, kar atin kettedozik nogo lo̱ki̱ko̱.

Buk wa To̱ni̱a̱u̱ 26:5

A̱gga̱ya̱ nege annit ba̱li̱ye̱ la̱du̱n, a̱du̱wa̱ ucca nege bu̱k zoz cinanni ming orong nege kozozit zoz ci een de̱de̱, go̱o̱le̱ wa kazunne anna lo̱ti̱nno̱k wak Varaciso oroot.

Buk wa To̱ni̱a̱u̱ 8:3

Ma̱i̱je̱ zin Sauli akate azan olli ke̱le̱ci̱o̱. Okko ce̱e̱zi̱nne̱ e̱co̱de̱ e̱co̱de̱, kar ku̱tu̱gu̱ra̱ odot ki ngaai karik nogo lagam.

Roma 7:9

Baling ngen anna ka̱gga̱ lo̱ti̱nno̱k ke̱, kabai bali ju̱rru̱m. Ma baling kokko anna ka̱gga̱ lo̱ti̱nno̱k vu̱rrta̱, i̱vi̱ta̱ mu̱nye̱na̱ anyait komiz ngatinanni,

1 Ko̱ri̱nto̱ 10:32

Abait baiz ci abunna, ci iróng acazu e̱e̱t imma, icima olli Ya̱u̱do̱, icima olli Gi̱ri̱yo̱, icima ol wak a̱tu̱ Ta̱mu̱ta̱dde̱n.

1 Ko̱ri̱nto̱ 15:9

Eci anna ke̱e̱ni̱ vu̱rru̱t ci to̱ni̱a̱u̱ veelek, iróng agano ming awuya ol kize to̱na̱i̱t, eci anna ki̱gi̱da̱ ol wak a̱tu̱we̱ Ce̱e̱ze̱ wa Ta̱mu̱ta̱dde̱no̱.

Vilipia 2:15

kar zin niga izet ol cik anyakku zi̱nze̱tti̱ cik voorik, doolik Ta̱mu̱ta̱dde̱no̱ bu̱u̱le̱ ci gerze ko̱, kar ataranit baiz ci ollu ki i̱yo̱ko̱ munyunya ko̱.

Vilipia 3:9

kar ka̱gga̱ kabai anna zo̱ze̱ cinne. Iróng wo̱ye̱ anna kadimani ele cinanni kubunna ngu̱me̱ ci Ta̱mu̱ta̱dde̱no̱ ngati ko̱ngo̱o̱le̱ Lo̱ti̱nno̱k cik Musesi do̱. Elemanna Ta̱mu̱ta̱dde̱n go̱o̱le̱ ci tu̱we̱ne̱t ci ka̱tu̱we̱ anna Ki̱ri̱sto̱.

1 Ti̱mo̱te̱yo̱ 1:13

Baling ka̱gi̱di̱ ol wak a̱tu̱ zoz ci Ye̱su̱, kar zin kodom nonno nu̱nu̱n, ngen Ta̱mu̱ta̱dde̱n eelanna annit dee, alaleya mu̱nye̱n wagannik ma̱rri̱t ngen bali anna kelema zoz cinne, kar bo̱do̱k ngen ka̱gga̱ kaal ne̱k balik kogonni ke̱.