Vilipia 3:5 - Tennet

⁵ Ettede vi̱ca̱vi̱ca̱ cinanni baling izeto i̱i̱nya̱ cigannik tu̱rge̱. Ke̱e̱ni̱ anna e̱e̱t ci Israilo, biilete ci Benjamini. Ke̱e̱ni̱ e̱e̱t ci I̱bu̱ru̱ de̱de̱. Ki i̱yo̱ko̱ ming ke̱e̱ni̱ Varacisoc ko̱, ko̱ngo̱o̱le̱ anna Lo̱ti̱nno̱k cik Musesi de̱de̱.

Vilipia 3:5 ပူးပေါင်းရင်းမြစ်များ

Kananet 14:13

Ma̱i̱je̱ e̱e̱ti̱ ci da̱ a̱vi̱r alaate ne̱k e̱e̱ggi̱n we̱c ke̱ i̱ki̱ya̱ u̱du̱wa̱k zoz neci Aburam wa een I̱bu̱ru̱ ko̱. Abak da̱ Aburami ngati ojono ki keen cik a̱ddi̱ki̱re̱ cik e̱e̱t ci een Mamre, e̱e̱t ci Amorites een gotoni Eshcol ki Aner, iddong nege do̱o̱k zoz ki Aburam.

Kananet 17:12

Eci bu̱u̱llo̱we̱ cik atin a̱vvu̱ ko̱, anyik la̱du̱n do̱le̱c kettede wucic vi̱ca̱vi̱ca̱ ming een gwo̱o̱nya̱ ciginnek tu̱rge̱, anyik bo̱do̱k dooli cik ollu a̱rri̱ta̱i̱ ce̱e̱ze̱ cunne bu̱k kettedit wucic vi̱ca̱vi̱ca̱ icima dooli cik a̱gga̱mnya̱i̱ moddene o̱ro̱bi̱ya̱i̱.

Kananet 40:15

Eci odongana ol annit ba̱li̱ye̱ i̱ba̱ti̱ne̱ lo̱o̱ce̱ ci olli I̱bu̱ru̱, imma ngatu ngen anna ku̱tu̱gu̱ gi̱i̱ ci gerze kar wo̱ye̱ kecebe lagama.”

Kananet 41:12

Aave bali lo̱gu̱t imma cidici ci a̱kku̱ olle wak e̱e̱ggi̱n I̱bu̱ru̱ ko̱ ki agit lagama, een enne du̱ca̱i̱t ci a̱li̱ngli̱ngngo̱ni̱k ddi̱ki̱ryo̱i̱t ci lagamo. Ku̱du̱kta̱ zin naga nonno o̱no̱zzo̱k cigga̱k, kar zin enne ku̱du̱wa̱i̱t u̱nge̱tti̱ cik o̱no̱zzo̱k ne̱ke̱ ju̱rru̱m.

Jonah 1:9

O̱bo̱de̱k zin Jonah nogo, a̱nne̱k ne, “Ke̱e̱ni̱ anna ol wak azi zara ne I̱bu̱ru̱. Kala anna Manyi, Ta̱mu̱ta̱dde̱n wa aave ta̱mu̱-kenga eenyca lo̱o̱c ki nyatapar ci a̱ddi̱ki̱re̱.”

Lu̱ka̱ 1:59

Baling ize i̱i̱nya̱ tu̱rge̱, i̱vi̱ta̱ nege ovvo etted do̱le̱c vi̱ca̱vi̱ca̱, orongit zin kakatek nonno zar cik baatinne Zakaria,

Lu̱ka̱ 2:21

Imma i̱i̱te̱ne̱ ci een tu̱rge̱, baling utube i̱i̱ ci ovvo nege ettede vi̱ca̱vi̱ca̱ cinne, a̱ka̱tte̱k zin nege nonno zar cik een Ye̱su̱, zar balik a̱du̱wa̱ anjilo baling ngen yaatinne kanyak nonno kenga.

Lu̱ka̱ 5:38

A̱zze̱to̱, anyik merte ci een jor ku̱du̱to̱zi̱k í̱jjó̱ ci een jor.

Buk wa To̱ni̱a̱u̱ 22:3

“Ke̱e̱ni̱ anna Ya̱u̱do̱c, ka̱rri̱ta̱i̱ o̱rge̱ ci een Tarasis lo̱o̱ce̱ ci Cilicia, kar kedemeze o̱rge̱ cu. Edemeza bali Gamalieli annit oroot zo̱ze̱ ci lo̱ti̱nno̱k cik be̱e̱ti̱gga̱c, korongi bali anna bo̱do̱k ki̱li̱ngli̱ngo̱zi̱k Ta̱mu̱ta̱dde̱n zinine cinanni do̱o̱k ki i̱yo̱ko̱ niga ko̱.

Buk wa To̱ni̱a̱u̱ 23:6

A̱gga̱ Pa̱u̱lo̱ e̱e̱ggi̱n ol ciko uggak Saddocis, ovvo uggak e̱e̱ggi̱n Varacis, egerenyik olli lo̱ki̱ko̱, a̱nne̱k ne, “Gotonogga, ke̱e̱ni̱ anna Varacis, ngerrti Varacisoc. Kabili anna lo̱ki̱ka̱, eci karik anna zinin ngazi ci atin ingane ol wak a̱da̱i̱to̱.”

Buk wa To̱ni̱a̱u̱ 6:1

Imma i̱i̱nya̱we̱ ne̱ke̱, bali otorye nuyaha cik e̱e̱ggi̱n Ya̱u̱d ke̱, nuyaha balik ozoz Gi̱ri̱k ke̱ adangto ki nuyak balik ozoz Aramaik, eci ngaai cigge̱k boyek iróng amuda da̱i̱ne̱t wak enger ol gon odohize ko̱.

Roma 11:1

Ize zin Pa̱u̱lo̱ ne, ja ki̱jji̱nnu̱ng: Utubur Ta̱mu̱ta̱dde̱n ol ciginnek? Iróng een niko! Ke̱e̱ni̱ anna eliya e̱e̱t ci Israilo, ke̱e̱ni̱ do̱le̱c ci biilet ci Benjamini ci a̱kku̱ olle cik Aburahami.

2 Ko̱ri̱nto̱ 11:22

Ming e̱e̱ggi̱n nege olli I̱bu̱ru̱, ke̱e̱ni̱ anna bu̱k ol ne̱ke̱. Ming e̱e̱ggi̱n nege olli Israilo, ke̱e̱ni̱ anna bu̱k. Ming e̱e̱ggi̱n nege doolik Aburahami, ke̱e̱ni̱ anna bu̱k do̱le̱c ci do̱le̱c ci Aburahami.