Vilipia 3:20 - Tennet

²⁰ Ma̱i̱je̱ naga ke̱e̱ggi̱n ol cik ta̱mu̱-kengo. Kere zin naga oroot Ti̱ri̱zo̱i̱t Manyi Ye̱su̱ Ki̱ri̱sto̱ ci atin a̱kku̱ ta̱mu̱-kenga.

Vilipia 3:20 ပူးပေါင်းရင်းမြစ်များ

Ma̱te̱yo̱ 19:21

Abariz zin Ye̱su̱, “Ming orongi i̱nna̱ ize e̱e̱t ci iróng anyai mu̱nye̱n, bit tuwoyi i̱jjo̱ cigunnek do̱o̱k, kar anyik o̱ro̱bi̱ya̱ ol cik amati, kar zin kaala cigunnek kadazze ta̱mu̱-kenga. Kar i̱jja̱ zin nuwan.”

Lu̱ka̱ 12:21

“Ogon atin niko ngati e̱e̱t imma ci adazek kaal ele cinne, ma̱i̱je̱ ngatu iróng enne een jaitot ngati Ta̱mu̱ta̱dde̱no̱.”

Lu̱ka̱ 14:14

kar atin i̱nna̱ ma̱yu̱we̱. Ming iróng nege wo̱ye̱ a̱ru̱k nga̱bo̱lo̱, okko atin Manyi a̱ru̱we̱ki̱ nga̱bo̱lo̱ ming ovvo atin ol cik abunna ingazi daiza.”

Buk wa To̱ni̱a̱u̱ 1:11

Azi nege ne, “Ol cik Ga̱li̱li̱, abillu ette ngatu angamniku ta̱mu̱-keng nya? Ye̱su̱ cu ele, ci odonge ngatinno̱ng uk ta̱mu̱-kenga ko̱, okko atin oboda go̱o̱le̱ ci acinnu niga nonno ming okko ta̱mu̱-kenga ko̱.”

1 Ko̱ri̱nto̱ 1:7

I̱yo̱ko̱ zin, i̱llo̱i̱ ma̱yu̱we̱ne̱t imma ci iróng niga anyakku ngati e̱re̱yyu̱ niga de̱de̱ Manyi Ye̱su̱ Ki̱ri̱sto̱ kar kobodak lo̱o̱c.

1 Ko̱ri̱nto̱ 15:48

Anyak olli lo̱o̱tu̱ do̱o̱k e̱le̱tti̱ cik ogon ki e̱e̱ti̱ wa een oo bali eenyca Ta̱mu̱ta̱dde̱n todowai ke̱. Imma ollik ta̱mu̱-kengo ko̱ ogon nege ki e̱e̱ti̱ ci a̱kku̱ ta̱mu̱-kenga.

2 Ko̱ri̱nto̱ 4:18

Iróng ngen ki̱no̱n zoz ci kapirnane naga i̱yo̱ko̱ niko, imma kaala ne̱k kacin naga eberene i̱yo̱ko̱ niko ko̱, iróng aavtte udut. Abunna ki̱no̱n karike zi̱nze̱tti̱ zoz ci iróng kacin eberene adimanekket Manyi aavtte ta̱mu̱-kenga, abak atin udut.

2 Ko̱ri̱nto̱ 5:8

Ki i̱yo̱ko̱ ming ka̱du̱wa̱ ko̱, karikka naga zi̱nze̱tti̱ Ta̱mu̱ta̱dde̱n, korongnyya ko̱do̱tte̱yya̱ e̱le̱tti̱ cik kabahe naga i̱yo̱ko̱ ko̱ lo̱o̱c, kar ka̱vvu̱tta̱ ki Manyi ce̱e̱za̱, ta̱mu̱-kenga.

Ga̱la̱ti̱a̱ 4:26

Ma̱i̱je̱ ngaa ci een zara Sarah ko̱, i̱ya̱bzo̱ni̱k nonno orogi ci een Jerusalem tu̱we̱nta̱ ci aave ta̱mu̱-kenga, ci i̱llo̱i̱ e̱e̱t imma ci een du̱ca̱i̱t. Een enne e̱e̱ti̱nna̱, ol wak a̱tu̱ Ye̱su̱ do̱o̱k,

Evesos 2:19

Niga ol wak iróng e̱e̱ggi̱n Ya̱u̱d, iróng niga e̱e̱ggi̱nnu̱ mo̱ddo̱ icima i̱do̱ngi̱ ngu̱me̱ ci Ta̱mu̱ta̱dde̱no̱, abarik izetu niga boor co̱de̱ ki i̱yo̱ko̱ ol wak een boor ci Ta̱mu̱ta̱dde̱no̱ a̱tu̱ nonno ko̱.

Evesos 2:6

Ma zin i̱yo̱ko̱ kurumtozik naga ki Ye̱su̱ bali itingawe Ta̱mu̱ta̱dde̱n nonno daiza ke̱. Kar kaanyyet nginti aave ojonun ki Ye̱su̱ Ki̱ri̱sto̱, ta̱mu̱-kenga.

Vilipia 1:10

kar atin niga a̱gga̱c gi̱i̱ ci abunna kar kize caala ci iróng anyak kaal cik gerzek zee ki̱ki̱ya̱ i̱i̱te̱ni̱ ci okko Ki̱ri̱sto̱ obodak lo̱o̱c,

Vilipia 1:27

Ming i̱na̱ku̱ng no̱ngi̱tto̱na̱ uggak, abait baiz ci abunna anyahak bunnat kaviyaha cik Ki̱ri̱sto̱. Ming ki̱vo̱nnu̱ng icima iróng ka̱kku̱ni̱, ka̱gga̱ atin anna abakku niga baiz ju̱rru̱m nga̱to̱de̱, okkomnu kak, ogon ki e̱e̱ti̱ co̱de̱ ming a̱tu̱ kaviyak cik abunna.

Kolosiya 1:5

Een tu̱we̱ne̱t necu ki rezinet ci a̱kku̱ zo̱ze̱ ci arikku niga zi̱nze̱tti̱ zoz ci e̱re̱yyu̱ niga aave ta̱mu̱-kenga, iziktu niga zoz neci zo̱ze̱ ci een de̱de̱, kaviyahe cik abunna

1 Te̱se̱lo̱ni̱ka̱ 1:10

ngati e̱re̱yyu̱ Ye̱su̱ Ngerinne, wa atin obodak lo̱o̱c ta̱mu̱-kenga, bali ingane enne daiza. Eelannet atin agit do̱o̱k kar kilittet mozinet ci Ta̱mu̱ta̱dde̱no̱ ci atin okko enne edeze ol cik abure iróng a̱tu̱ zoz ci Ye̱su̱.

1 Te̱se̱lo̱ni̱ka̱ 4:16

Eci Manyi Ye̱su̱ eliya alucak lo̱o̱c ta̱mu̱-kenga kar ddi̱ki̱ryo̱i̱ti̱ ci anjilonyau kozoz muluwe ci a̱bu̱le̱, kar zin ol kiziyet ture ci Ta̱mu̱ta̱dde̱no̱ ming abuwe. Ma̱i̱je̱ ol balik a̱da̱i̱to̱ ngati elemtta zoz ci Ki̱ri̱sto̱ ke̱, ingazi atin daiza kuruget.

2 Ti̱mo̱te̱yo̱ 4:8

I̱yo̱ko̱ kere gi̱i̱ ci okko Ta̱mu̱ta̱dde̱n aanya luluk ci abunna alaanzetu, eci anna kelemi zoz cinne. Aanya atin Manyi i̱i̱te̱ne̱ ci okko enne obodak lo̱o̱c, iróng enne anyak mu̱nye̱n, etted atin lo̱ki̱ko̱ labak. Iróng zin atin Manyi amuca annit do̱, amuc ol do̱o̱k wak irez nonno kar kerec i̱i̱te̱n ci okko enne obodane.

Ti̱to̱ 2:13

ming kere naga ma̱yu̱we̱ne̱t niko, a̱kku̱ atin ki di̱ngdi̱ngo̱n ming okko Ta̱mu̱ta̱dde̱n wa a̱ddi̱ki̱re̱ Ti̱ri̱zo̱i̱t cinna Ye̱su̱ Ki̱ri̱sto̱ obodak lo̱o̱c.

I̱bu̱ru̱ 12:22

Imma ngatu, i̱vi̱ta̱u̱ niga bee ci een Zion, lo̱o̱c ci Ta̱mu̱ta̱dde̱no̱, Jerusalem ci aave ta̱mu̱-kenga, aavtte anjilonya cik e̱e̱ggi̱n i̱bbo̱nge̱t cik meelek giir, atalne oroot.

I̱bu̱ru̱ 9:28

Imma zin i̱yo̱ko̱, a̱da̱i̱ Ye̱su̱ Ki̱ri̱sto̱ lak co̱de̱ kize wawac ci aara ol cik meelek mu̱nye̱n. Obodak atin enne lo̱o̱c kar ki̱ki̱ya̱ kanyahak ti̱ri̱ze̱ne̱t ol wak ere nonno.

O̱no̱zzo̱k 1:7

Icinnet, orkora enne ki di̱i̱z, kar ebere do̱o̱k kicinnet atin nonno, acin rok ol balik akati nonno; anyak atin olli lo̱o̱tu̱ do̱o̱k u̱lu̱wa̱ zo̱ze̱ cinne. De̱de̱, ogone atin! Amen.