Vilipia 3:19 - Tennet

¹⁹ Ovvo ol ne̱k iróng azikne ko̱ een baizi cinne̱ng li̱be̱ne̱t, irez nege ke̱ngti̱ cigge̱k, odong abarik e̱le̱tti̱ ci iróng adak a̱li̱ya̱ni̱ nogo, i̱no̱n nege kaal cik lo̱o̱c cu do̱ niko.

Vilipia 3:19 ပူးပေါင်းရင်းမြစ်များ

Ma̱te̱yo̱ 16:23

Egelem Ye̱su̱, Peturu kar kize ne, “A̱vvu̱ reena ngatinanni, Sitan! E̱e̱ni̱ i̱nna̱ e̱e̱t ci acazan zoza; iróng i̱nna̱ anyai zoz ci Ta̱mu̱ta̱dde̱no̱ zinina, abarik anyai i̱nna̱ zoz ci e̱e̱t ci diiri.”

Ma̱te̱yo̱ 25:41

“Kar zin atin alaani ukce kicin ol wak aavtte a̱tte̱ ci angeto kar kize ne, ‘Ma a̱vvu̱na̱kka̱ng annita, niga ol balik otorteu ke̱, oot udut gwo̱o̱ye̱ bali idimane kar kize ci lo̱rye̱ni̱t ki anjilonya ciginnek!

Lu̱ka̱ 12:19

Kar atin anna kizek ele cinanni ne, “Anyai i̱nna̱ kaal cik abunna meelek giir eleno ki e̱rki̱nya̱ cik meelek. A̱vvu̱ labak baiza; daho, uude kar talo.”’

Lu̱ka̱ 16:19

“Anyak da̱ ba̱li̱ye̱ e̱e̱t imma ci een i̱to̱i̱t aburuc ru̱u̱m ci een lo̱ddi̱ng adak o̱ro̱bi̱ya̱ cik meelek, abak enne odohize baiz ci e̱e̱t ci een bo̱to̱ro̱c.

Lu̱ka̱ 18:4

“Imma gwo̱o̱nya̱ u̱gge̱ utubur alaani. Ma̱i̱je̱ vu̱rrta̱ izek ele cinne ne, ‘Ming iróng nu̱nu̱n anna ko̱ngo̱o̱le̱ Ta̱mu̱ta̱dde̱n icima iróng kazunne ol,

Roma 16:18

Iróng ol ne̱k ogon niko ko̱ a̱li̱ngli̱nge̱k Manyitinna Ki̱ri̱sto̱, abarik a̱li̱ngli̱ng gi̱i̱ ci orong zi̱nze̱tti̱ cigge̱k. A̱lu̱t ol zo̱ze̱ ci a̱ru̱we̱ nege muluk lo̱o̱c kar ku̱lu̱te̱t ol wak iróng a̱gga̱ zoz.

Roma 6:21

Amudannu i̱yo̱ko̱ niga nya ci abunna kaale cik anyahakku̱ng a̱li̱ya̱n ko̱? Ovvoyyung zin kaala ne̱ko̱ do̱o̱k go̱o̱le̱ ci daizo.

1 Ko̱ri̱nto̱ 3:3

Ngen zin niga abakku baiz ci olli lo̱o̱tu̱, eci ngen anyakku meder, adangonu e̱le̱tti̱ne̱ cuggo̱k. Imma zin go̱o̱le̱ necu abakku ko̱, o̱do̱wi̱nu̱ niga ki olli lo̱o̱tu̱. Ogonnu kaal cik ogon olli lo̱o̱tu̱.

1 Ko̱ri̱nto̱ 5:2

Kar abarik odongnyu e̱le̱tti̱ zo̱ze̱ necu. Omozinnu weete abarik, kar iróng ngen owowonu ki e̱e̱t ci ogon kaal cik gerzek ko̱.

1 Ko̱ri̱nto̱ 5:6

Gerza zin zoz ci odongnyu niga e̱le̱tti̱. A̱gga̱yyu̱ niga nyigit cik meertak cikidik ming adak lata do̱o̱k?

2 Ko̱ri̱nto̱ 11:12

Anyak ol u̱gge̱ orgene cunno̱ng cik odong e̱le̱tti̱ azi ne ka̱li̱ngli̱ngnyya̱ ki i̱ge̱ta̱ ki i̱yo̱ko̱ ming kogonni anna ko̱. Kodola zin anna li̱ngli̱ngo̱ne̱ cinanni, kar zin i̱llo̱i̱ gool ci ovvo ol ne̱ke̱ odonge e̱le̱tti̱ ngati ogone li̱ngli̱ngo̱n neci ele kogonni anna ko̱.

2 Ko̱ri̱nto̱ 11:15

Iróng wo̱ye̱ ka̱ku̱le̱k je̱e̱n gi̱i̱ye̱ necu, a̱gga̱ to̱ni̱a̱ha̱ cik lo̱rye̱nto̱ uhu e̱le̱tti̱ azi ne kogonna kaal cik abunna. Ngen atin Ta̱mu̱ta̱dde̱n apahek anjilonya cik lo̱rye̱nta̱k lo̱ki̱ko̱ kaale ne̱ko̱ i̱i̱te̱n co̱de̱.

Ga̱la̱ti̱a̱ 6:13

Imma ol wak Ya̱u̱do̱ orong kettedit ol vi̱ca̱vi̱cce̱t ko̱, iróng azunne lo̱ti̱nno̱k wak Musesi do̱o̱k; abarik orong ol kettedit vi̱ca̱vi̱cce̱t, kar zin kodongit e̱le̱tti̱ kizeto ne annu ol ne̱ko̱ zoz cinne̱ng.

Vilipia 2:21

Eci ol do̱o̱k acin li̱ngli̱ngo̱no̱k cigge̱k, iróng een li̱ngli̱ngo̱n ci Ye̱su̱ Ki̱ri̱sto̱.

Kolosiya 3:2

Aartik zi̱nze̱tti̱ cuggo̱k kaal cik aavtte ta̱mu̱-kenga, iróng een kaal cik aavtte lo̱o̱ta̱ ngatu.

2 Te̱se̱lo̱ni̱ka̱ 1:9

Edez atin Manyi nogo udut kar kanyik ka̱vvu̱to̱ reena alaanzete cinne.

2 Te̱se̱lo̱ni̱ka̱ 2:12

kar atin ol do̱o̱k wak iróng a̱tu̱ zoz ci een de̱de̱ kettedozik lo̱ki̱ko̱ nogo, ma̱i̱je̱ ngatu nege atali mu̱nye̱n.

2 Te̱se̱lo̱ni̱ka̱ 2:8

Kar atin e̱e̱ti̱ ci mu̱nye̱nu̱ ko̱ ki̱ye̱la̱i̱, okko atin Manyi Ye̱su̱ ottok nonno ngoote ci utug cinne kar kegerzan we̱t ci a̱kku̱nne̱ enne.

1 Ti̱mo̱te̱yo̱ 6:5

anyaha ol wak e̱e̱ggi̱n giilcak dango ki̱zzi̱ zoz ci een de̱de̱. I̱no̱n ol ne̱ke̱ azi ne, okko e̱e̱ti̱ een bo̱to̱ro̱c go̱o̱le̱ ci annuwe enne Ta̱mu̱ta̱dde̱n.

2 Ti̱mo̱te̱yo̱ 3:4

Ovolonge atin nege gonoggi, kar zin ku̱tu̱gu̱zzo̱ kaal cik e̱e̱ggi̱n darace, odong e̱le̱tti̱. Irez kaal cik lo̱o̱tu̱, abarik uunge Ta̱mu̱ta̱dde̱n.

Je̱mi̱s 4:16

Ki i̱yo̱ko̱ odongnyu niga e̱le̱tti̱ ko̱, een donginet e̱le̱tti̱ zoz ci lo̱rye̱nto̱.

2 Peturu 2:1

Anyak ba̱li̱ye̱ a̱ri̱tto̱k cik volongak orgene ci olli Israilo. A̱vvu̱na̱kku̱ng atin bo̱do̱k de̱me̱zzo̱wa̱ wak volongak kar ku̱du̱ktta̱u̱ng zoz ci volongo. Edemezek atin nege ol de̱mzi̱ne̱t ci gerze lo̱mu̱k. Iróng de̱me̱zzo̱wa̱ ne̱ko̱ elemi zoz ci Manyi wa a̱ti̱ri̱z nogo mu̱nye̱ne̱, egerzan atin zoz neci e̱le̱tti̱ cigge̱k.

2 Peturu 2:13

A̱ru̱k atin Ta̱mu̱ta̱dde̱n nga̱bo̱lo̱, edez nogo mu̱nye̱ne̱ cik u̱tu̱gu̱zzo̱ nege. Abarik nege i̱no̱n azi ne, kadak kwo̱o̱r kar ku̱tu̱gu̱z kaal cik gerzek een gi̱i̱ ci abunna ngatinne̱ng.

2 Peturu 2:3

Anyak atin ol ne̱ke̱ zi̱nze̱tti̱ cik a̱ppi̱nte̱k kaale, ozoziku̱ng u̱tu̱ge̱tti̱ne̱ cik emede. Ettedik Ta̱mu̱ta̱dde̱n nogo lo̱ki̱ko̱ zo̱ze̱ necu, iróng zin enne adunge.

Ju̱da̱ 1:10

Imma ol ne̱ko̱ odomnye zo̱ze̱ ci iróng nege bu̱k a̱gga̱, ogon nege kiwagon elegje cik iróng i̱no̱ne̱. Gi̱i̱ zin ci egerzan nogo ko̱ nenen necu.

Ju̱da̱ 1:16

E̱e̱ggi̱n ol ne̱ko̱ ol cik acucut tu̱p niko; annu nege kaal cik gerzek lo̱rye̱nto̱ amin zi̱nze̱tti̱ cigge̱k; odong e̱le̱tti̱ kar kalabta ol u̱tu̱ge̱tti̱ne̱ cik emede kar kurubta kaal cik orong nege ngatinne̱ng.

Ju̱da̱ 1:4

Eci anyak ol u̱gge̱ cik eher zoz ci adange nege Ta̱mu̱ta̱dde̱n, iniktozeung nege orgen cunno̱ng. Abarik zin ol ne̱ko̱ aminye deten ci Ta̱mu̱ta̱dde̱n cinna kize gool ci ogone nege kaal cik gerzek, kar kimigtoi Manyi cinna Ye̱su̱ Ki̱ri̱sto̱ O̱de̱ Ṯok niko. Ettede zin lo̱ki̱ko̱ ci ol ne̱ko̱ bali reena.

O̱no̱zzo̱k 18:7

Aanycik nonno pirnanet ci a̱ppwe̱ ki matiz ki baling aanyik enne ele cinne di̱ngdi̱ngo̱n ki botorzet. Imma zinine cinne odong enne ele, ‘Kaave anna kize alaan; iróng anna ke̱e̱ni̱ ngaa ci boye, kar iróng atin anna ka̱lu̱ u̱lu̱wa̱.’

O̱no̱zzo̱k 19:20

Ma̱i̱je̱ zin da̱ e̱le̱gi̱ti̱ a̱gga̱me̱, nonno ki a̱ri̱to̱i̱t ci volongo, ogonek nege kaal cik a̱vu̱la̱ ko̱ e̱le̱gi̱t. Imma zo̱ze̱ ci a̱vu̱la̱ u̱tu̱gu̱ enne ke̱, alaba enne ol wak anyak baayenit ci e̱le̱gto̱ kar ki̱di̱ngdi̱nga̱ni̱t ri̱ri̱to̱n cinne. Kar rama ngatinne̱ng ku̱ju̱kto̱zi̱k rugetet gwo̱o̱ ci apadpadi oroot.

O̱no̱zzo̱k 21:8

Ma̱i̱je̱ ol wak o̱ngo̱o̱le̱ ol ko̱, ki ol wak iróng a̱tu̱we̱, ki ol wak mu̱nye̱nu̱, ki ol wak amuny ol, ki ol wak e̱e̱ggi̱n a̱li̱ya̱k, ki ol wak irez agura, ki ol wak ala to̱do̱yyo̱k ki volongnyok, een gwa̱a̱ ci apadpadi oroot ko̱ cinne̱ng. Een necu daiz ci vu̱rrto̱.”

O̱no̱zzo̱k 22:15

Imma ol cik ogon kiwagon urzi aavtte reene ci orog ci a̱ddi̱ki̱re̱ ko̱, a̱ru̱k agura, e̱e̱ggi̱n a̱li̱ya̱k, amuny ol, ala to̱do̱yyo̱k kize ta̱mu̱ta̱dde̱ne̱t cigge̱k, kar kabaito volonga.