Vilipia 3:15 - Tennet

¹⁵ Imma naga ol wak kanyak tu̱we̱ne̱t ci okkomi ko̱, abunna ming ki̱no̱ne̱ go̱o̱le̱ necu do̱o̱k. Kar ming anyak ol u̱gge̱ cik iróng elemi zoz necu, okko atin Ta̱mu̱ta̱dde̱n i̱ye̱le̱ke̱ nogo gool necu ju̱rru̱m.

Vilipia 3:15 ပူးပေါင်းရင်းမြစ်များ

Ma̱te̱yo̱ 5:48

Abarik zin abunna ming abakku baiz ci abunna ki Ta̱mu̱ta̱dde̱n cinno̱ng wa een Be̱e̱ti̱nno̱ng wa aave ta̱mu̱-kenga ko̱.

Lu̱ka̱ 11:13

Ming e̱e̱ggi̱nnu̱ niga olli mu̱nye̱nu̱ nu̱nu̱n, a̱gga̱yyu̱ niga muci cik abunna anyikku dooli ciggo̱k, anyike atin Be̱e̱ti̱nno̱ng wa aave ta̱mu̱-kenga ko̱ Vongiz ci A̱li̱le̱ ol wak a̱jji̱n nonno ko̱ ku̱?”

Kaviyak wak Abunna Ta̱mu̱ta̱dde̱no̱ eher Joni 6:45

Eher a̱ri̱tto̱wa̱ zoz ci azi ne, ‘Edemez atin Ta̱mu̱ta̱dde̱n nogo do̱o̱k.’ Imma ol do̱o̱k wak aziye zoz ci Baba kar bo̱do̱k kelemtta de̱mzi̱ne̱t cinne, a̱vvu̱na̱ka̱ atin annita.

Kaviyak wak Abunna Ta̱mu̱ta̱dde̱no̱ eher Joni 7:17

Ming anyak e̱e̱t ci orong ki̱li̱ngli̱nge̱ de̱mzi̱ne̱t ci Ta̱mu̱ta̱dde̱no̱, amuda atin enne keng ci de̱mzi̱ne̱t necu a̱kku̱ ngati Ta̱mu̱ta̱dde̱no̱ icima kozozi de̱mzi̱ne̱t ci a̱kku̱ o̱o̱we̱ cinanni do̱.

Roma 15:1

Imma naga ol wak ka̱tu̱we̱ ju̱rru̱m ko̱, abunna bu̱k ka̱ti̱ri̱z ol wak ngen tu̱we̱ne̱t cinne̱ng idica. Gerza ming kogon kaal cik katalne naga do̱.

1 Ko̱ri̱nto̱ 14:20

Gotonogga ki ngonogga tu̱we̱nta̱, ma i̱no̱nnu̱ kaal cik gerzek ki i̱yo̱ko̱ dooli cikidik ko̱. Utungtek i̱no̱ni̱ ci gerze lo̱o̱c, abarik abunna ming anyakku i̱no̱ni̱ ci abunna ki ol wak a̱ddi̱ki̱re̱.

1 Ko̱ri̱nto̱ 2:6

Imma ol wak a̱gga̱ zoz ci Ta̱mu̱ta̱dde̱no̱, a̱gga̱ nege uwai cinna̱ng ko̱ ming anyak genyiz wa een de̱de̱. Kar genyizi neci iróng een genyiz ci lo̱o̱c necu, iróng bu̱k een genyiz ci alaat wak anyak doiz ci abale lo̱o̱c necu, eci doizi ci anyak nege ko̱ aṯurneke atin.

Ga̱la̱ti̱a̱ 5:10

Ka̱gga̱ iróng atin niga elemnyyu zoz ci de̱me̱zzo̱k wak volongak, eci naga ka̱tu̱ Ta̱mu̱ta̱dde̱n. Okko atin Manyi etted lo̱ki̱ko̱ ci ol wak a̱ti̱kku̱ng tu̱.

Evesos 1:17

Ka̱jji̱nni̱ Ta̱mu̱ta̱dde̱n wa Manyitinna Ye̱su̱ Ki̱ri̱sto̱ kar Be̱e̱ti̱nna̱ wa a̱di̱ngdi̱nge̱ ka̱a̱nyu̱ng Vongiz cinne ci atin a̱a̱nyu̱ng genyiz kar a̱gga̱c zoz ci riili obod ki Ta̱mu̱ta̱dde̱n.

Kolosiya 1:28

Kuwaheka zin naga ol zoz ci Ki̱ri̱sto̱, ki̱lo̱tta̱ ol kar bo̱do̱k kedemezta nogo kaal cik aanyik nogo genyiz, kar atin ol cik meelek ka̱gga̱c Ta̱mu̱ta̱dde̱n ju̱rru̱m zo̱ze̱ ci Ki̱ri̱sto̱.

Kolosiya 4:12

I̱tto̱na̱kku̱ng zin bo̱do̱k e̱e̱ti̱ ci een zara Epaphras zawinet cinne i̱ge̱ta̱, een enne e̱e̱t ci orog cunno̱ng kar kize du̱ca̱i̱t ci a̱li̱ngli̱ng zoz ci Ye̱su̱ Ki̱ri̱sto̱. Alawekkung gon enne i̱ge̱t Ta̱mu̱ta̱dde̱n odohize kar ibilet ju̱rru̱m tu̱we̱nta̱ zo̱ze̱ ci Ta̱mu̱ta̱dde̱no̱, ngati ogonnu zoz ci orong enne i̱ge̱t u̱tu̱gu̱z do̱o̱k.

1 Te̱se̱lo̱ni̱ka̱ 4:9

Ma̱i̱je̱ ming een lemanet wa irezzu gotonogget wak a̱tu̱we̱, iróng keherikung zoz ci obod ki o̱to̱n neci, ma̱rri̱t ba̱li̱ye̱ ming een Ta̱mu̱ta̱dde̱n eliya ci edemezung gool ci irezzu e̱le̱tti̱.

2 Ti̱mo̱te̱yo̱ 3:17

kar zin e̱e̱ti̱ ci a̱li̱ngli̱nge̱k Ta̱mu̱ta̱dde̱n kuruba arizet ci ogone kaal cik abunna.

I̱bu̱ru̱ 5:14

Imma ol cik i̱ddi̱ki̱rre̱t adak á̱há̱t ci okkomi, eci e̱le̱tti̱ cigge̱k a̱gga̱yye̱k da̱i̱ne̱t ne̱ke̱. A̱gga̱ nege zoz ci abunna ki ci gerze.

1 Jon 2:5

Ma̱i̱je̱ e̱e̱ti̱ ci azunne zoz ci Ta̱mu̱ta̱dde̱no̱, okko rezinet ci Ta̱mu̱ta̱dde̱no̱ aave baize cinne do̱o̱k de̱de̱. Kar zin go̱o̱le̱ necu ka̱gga̱ ke̱e̱ggi̱n naga olli Ta̱mu̱ta̱dde̱no̱.