Vilipia 3:11 - Tennet

¹¹ kar atin anna bu̱k kitinga daiza kurug ki bali enne ke̱.

Vilipia 3:11 ပူးပေါင်းရင်းမြစ်များ

Lu̱ka̱ 14:14

kar atin i̱nna̱ ma̱yu̱we̱. Ming iróng nege wo̱ye̱ a̱ru̱k nga̱bo̱lo̱, okko atin Manyi a̱ru̱we̱ki̱ nga̱bo̱lo̱ ming ovvo atin ol cik abunna ingazi daiza.”

Kaviyak wak Abunna Ta̱mu̱ta̱dde̱no̱ eher Joni 11:24

O̱bo̱de̱k zin Marta nonno, izek ne, “Ka̱gga̱ niko ming ingazi atin enne wazin wa ingane ol do̱o̱k daiza.”

Buk wa To̱ni̱a̱u̱ 23:6

A̱gga̱ Pa̱u̱lo̱ e̱e̱ggi̱n ol ciko uggak Saddocis, ovvo uggak e̱e̱ggi̱n Varacis, egerenyik olli lo̱ki̱ko̱, a̱nne̱k ne, “Gotonogga, ke̱e̱ni̱ anna Varacis, ngerrti Varacisoc. Kabili anna lo̱ki̱ka̱, eci karik anna zinin ngazi ci atin ingane ol wak a̱da̱i̱to̱.”

Buk wa To̱ni̱a̱u̱ 26:7

Een necu zoz ci u̱du̱ya̱i̱ ere booryowa cik e̱e̱ggi̱n omoto ki rama, arike zi̱nze̱tti̱ cigge̱k abunna kaala ne̱ko̱ ming ogone ming a̱li̱ngli̱nge̱k nege Ta̱mu̱ta̱dde̱n wazin ki ba̱a̱li̱n. Oh alaan, eci zo̱ze̱ ci karikka naga zi̱nze̱tti̱ ko̱, adawana zin olli Ya̱u̱do̱ annita.

Buk wa To̱ni̱a̱u̱ 27:12

Imma nginti abile i̱bo̱ ko̱, iróng een nginti abunna ming ize tagiz, izeto ol cik meelek ne, kotozo eci korong naga ku̱zu̱cca̱ orog ci een Phoenis ming ngen kize tagiz. Een necu bali nginti abunna abilne i̱be̱tta̱ ngati een Crete, edevo ki o̱to̱n ci i̱do̱li̱yo̱ ki nyege ki bo̱do̱k i̱do̱ ki nyege.

Roma 11:14

Korongi zin gool neci kanyike ol wak iróng e̱e̱ggi̱n Ya̱u̱d kaviyak cik abunna kar ol uggak cigannik kanyait meder kar ki̱vi̱ta̱k Ta̱mu̱ta̱dde̱n bak amuda ti̱ri̱ze̱ne̱t.

1 Ko̱ri̱nto̱ 15:23

Ogone atin kaala ne̱ko̱ i̱i̱nya̱we̱ cik aavtte do̱ do̱ olle do̱o̱k. Ki̱ri̱sto̱ bali ci ingazi daiza oowa, ovvo zin ol ciginnek a̱tu̱ nonno ko̱ ingazi daiza ming okko enne obodak lo̱o̱c.

1 Ko̱ri̱nto̱ 9:22

Imma ming ka̱li̱ngli̱ngnya̱ ki e̱e̱t ci iróng a̱tu̱we̱ ju̱rru̱m, kobodane anna ele cinanni kar kanyahak nonno tu̱we̱ne̱t ci okkomi. Ku̱tu̱gu̱ anna kaal do̱o̱k kar ki̱ti̱ri̱z ol u̱gge̱ ki̱vi̱ta̱k Ki̱ri̱sto̱ kanyait tu̱we̱ne̱t ci okkomi.

1 Ko̱ri̱nto̱ 9:27

Korongi anna kedemez ele cinanni ko̱ kokkom kak kar kuwahek ol kaviyak cik Ta̱mu̱ta̱dde̱no̱ ju̱rru̱m. Kar atin anna ki nogo bu̱k kurubta ma̱yu̱we̱ne̱t ngati Ta̱mu̱ta̱dde̱no̱.

2 Ko̱ri̱nto̱ 11:3

Ma̱i̱je̱ i̱yo̱ko̱, ko̱ngo̱o̱le̱ anna alabanung atin uwat ki bali ming alaba ogonikket Eva, ngaa ci Adami nyaate ci een Eden ke̱. Kar i̱yo̱ko̱, ecebannung atin uwat o̱o̱tti̱ kar iróng ngen arikku zi̱nze̱tti̱ Ki̱ri̱sto̱ de̱de̱ ki ba̱li̱ye̱.

1 Te̱se̱lo̱ni̱ka̱ 3:5

Gi̱i̱ ci zin bali ki̱tto̱na̱ne̱ Ti̱mo̱te̱yo̱ ko̱ nenen necu, baling ommoga zoz ci kengerone u̱u̱mu̱c, okko atin enne acinnung ogonnu ku̱ tu̱we̱nte̱ ci a̱tu̱yyu̱ Ye̱su̱ wa atahalai. A̱wu̱ce̱ gon zinin kazi ne icima lo̱rye̱nti̱ alabaung i̱ti̱ku̱ng tu̱, kar kumurya li̱ngli̱ngo̱ni̱ bali nang ke̱.

2 Te̱se̱lo̱ni̱ka̱ 2:3

Ma anyikku e̱e̱t imma ku̱lu̱ttu̱ng go̱o̱le̱ emani; iróng atin i̱i̱te̱ni̱ neci a̱kku̱ ming ngen ol kutuburret nong ka̱ka̱te̱ kar e̱e̱ti̱ ci mu̱nye̱nu̱ ko̱ ki̱ye̱la̱i̱, e̱e̱t ci okko ditenta.

2 Ti̱mo̱te̱yo̱ 4:8

I̱yo̱ko̱ kere gi̱i̱ ci okko Ta̱mu̱ta̱dde̱n aanya luluk ci abunna alaanzetu, eci anna kelemi zoz cinne. Aanya atin Manyi i̱i̱te̱ne̱ ci okko enne obodak lo̱o̱c, iróng enne anyak mu̱nye̱n, etted atin lo̱ki̱ko̱ labak. Iróng zin atin Manyi amuca annit do̱, amuc ol do̱o̱k wak irez nonno kar kerec i̱i̱te̱n ci okko enne obodane.

I̱bu̱ru̱ 11:35

Imma bali gi̱i̱ye̱ neci, icinnet ngaai uggak wak a̱tu̱we̱ ol cigge̱k ming obodai Manyi daiza. Ma̱i̱je̱ ngatu, i̱gi̱dde̱ ol uggak, abure ngati odotik zoz ci Ta̱mu̱ta̱dde̱no̱ lo̱o̱c, kar ol ne̱ke̱ koogtta nogo. Aartik nege zi̱nze̱tti̱ baiz ci abunna oroot a̱kku̱ atin vu̱rrta̱ ngati itingazze ol daiza.

O̱no̱zzo̱k 20:5

Ovvo ol balik abal lo̱o̱c ki Ye̱su̱ ke̱ ingazi daize ci o̱o̱wu̱. Ma̱i̱je̱ ol uggak balik a̱da̱i̱to̱ ke̱ iróng ngen bo̱do̱k obodak ruget zee kutubte e̱rki̱to̱wa̱ cik e̱e̱ggi̱n i̱bbo̱ng co̱de̱ (1,000).