Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Vilipia 2:7 - Tennet

7 Abarik utungek enne kaal do̱o̱k lo̱o̱c, a̱vvu̱ enne gaganiko kar kize abarik du̱ca̱i̱t, a̱rri̱ta̱i̱ ku̱tu̱gu̱ kiwagon e̱e̱ti̱ ci diiri ko̱.

အခန်းကိုကြည့်ပါ။ ကော်ပီ




Vilipia 2:7
31 ပူးပေါင်းရင်းမြစ်များ  

“Icu du̱ca̱i̱t cinanni wa bali katahala anna ke̱, wa o̱de̱ ṯok kirezi anna, katalne zo̱ze̱ cinne, karike atin anna Vongiz cinanni nonno, kar atin enne keela ol lo̱o̱co̱we̱ do̱o̱k kurubta lo̱ki̱ko̱ ci een de̱de̱.


Imma Ngerrti E̱e̱to̱ iróng a̱kku̱ ki̱vi̱ta̱ ol ki̱li̱ngli̱ngte̱k nonno, abarik, a̱kku̱ ki̱ki̱ya̱ ki̱li̱ngli̱nge̱k ol, kar kaanyik baiz cinne kize wawac ci ol cik meelek.”


Abariz zin Ye̱su̱ zoz neci: “Een de̱de̱, a̱kku̱ E̱li̱ja̱ arrak, kar kidiman kaal do̱o̱k. Nya zin ming e̱he̱rye̱ azi ne apirna atin Ngerrti E̱e̱to̱, kar kutubure ko̱?


Eci ngene ci a̱ddi̱ki̱re̱ kommog veelek, e̱e̱t ci aave lo̱o̱ta̱ ngati da̱i̱nto̱ icima e̱e̱t ci aanyik ol da̱i̱ne̱t? Iróng een e̱e̱t ci aave lo̱o̱ta̱ ngati da̱i̱nto̱ ko̱? Ma̱i̱je̱ anna kaave orgene cunno̱ng kogonni kiwagon du̱ca̱i̱ti̱.


I̱ki̱ya̱ Zoz neci ize e̱e̱t ci diiri kar zin kabak orgene cinna, anyak deten ki zoz ci een de̱de̱. Kicinnet naga komiz cinne, komiz ci anyak enne do̱ Ngerrti Ta̱mu̱ta̱dde̱no̱ wa o̱de̱ ṯok wa a̱kku̱ ngati Baatinne.


Een kaviyaha ne̱k a̱li̱le̱ ko̱ zoz ci obod ki Ngerinne wa a̱rri̱ta̱i̱ kize e̱e̱t ci diiri tatuge ci alaan wa een Da̱vi̱de̱.


Eci Ki̱ri̱sto̱ eliya ngen ku̱tu̱gu̱ kaal cik anyike nonno katalo do̱, ki i̱yo̱ko̱ ming e̱he̱rye̱ Warage ci Ta̱mu̱ta̱dde̱no̱, azi ne, “Eeh Ta̱mu̱ta̱dde̱n, dominet ci odomnyi ol i̱nne̱ta̱, i̱ta̱ha̱ annita bu̱k.”


Ka̱du̱wa̱kku̱ng a̱kku̱ bali Ki̱ri̱sto̱ kar ki̱ki̱ya̱ kize du̱ca̱i̱t ci a̱li̱ngli̱nge̱k olli Ya̱u̱do̱, go̱o̱le̱ ci i̱ye̱le̱ke̱ nogo zoz ci een de̱de̱ Ta̱mu̱ta̱dde̱no̱ bali u̱du̱wa̱k enne ji̱ji̱ti̱gge̱k ke̱,


Iróng lo̱ti̱nno̱wa̱ balik aanyik Ta̱mu̱ta̱dde̱n Muses ke̱ aruguzeta eci mu̱nye̱na̱ amunyeta, ki i̱yo̱ko̱, eci naga ol cik diirik iróng kanime ku̱zu̱tte̱ nogo. Abarik zin Ta̱mu̱ta̱dde̱n aanyyet ruget ngati i̱tto̱na̱ne̱ Ngerinne kize e̱e̱t ci diiri ki olli mu̱nye̱nu̱ kar ki̱ki̱ya̱ kize wawac ci aara ol mu̱nye̱n. Aanyik Ta̱mu̱ta̱dde̱n ele ci Ye̱su̱ kize ci edeze enne mu̱nye̱n.


Ming alali enne nu̱nu̱n ngati odode ol nonno ta̱la̱ke̱ca̱, itinga daiza, abak komize ci Ta̱mu̱ta̱dde̱no̱. Kalali naga ki bali Ki̱ri̱sto̱ ke̱. Abarik atin kabaito naga doize ci Ta̱mu̱ta̱dde̱no̱, ki bali Ki̱ri̱sto̱ ke̱, abunna ka̱li̱ngli̱nge̱kku̱ng.


A̱gga̱yyu̱ een ba̱li̱ye̱ Manyitinna Ye̱su̱ Ki̱ri̱sto̱ bunnatait oroot, utungek baiz ci abunna ta̱mu̱-kenga kar ki̱ki̱ya̱ katamat lo̱o̱ta̱ ngatu, abunna ming amuda e̱e̱ti̱ ci diiri baiz ci abunna Vongize ci A̱li̱le̱.


Baling utube i̱i̱te̱ni̱ ci odola Ta̱mu̱ta̱dde̱n, i̱tto̱na̱ zin Ngerinne, a̱rri̱ta̱i̱ ngati e̱e̱t ci diiri, kar enne bu̱k ko̱to̱ngo̱o̱le̱ lo̱ti̱nno̱k.


Een bali Ki̱ri̱sto̱ Ta̱mu̱ta̱dde̱n de̱de̱. Iróng zin bali enne atubuz ele cinne ki Ta̱mu̱ta̱dde̱n.


Abunna karike zi̱nze̱tti̱ do̱o̱k Ye̱su̱ wa anyahakket tu̱we̱ne̱t kar kidiman tu̱we̱ne̱t cinna kubunna ju̱rru̱m. Eci enne ere talninet ci okko enne a̱ti̱ri̱ze̱t agita, inim zin enne daiz keete ci een ta̱la̱ke̱c zo̱ze̱ ci talninet neci, iróng enne ngen o̱ngo̱o̱le̱ gi̱i̱ imma. I̱yo̱ko̱ aanyik Ta̱mu̱ta̱dde̱n nonno ka̱vvu̱ ngatinne a̱tte̱ ci a̱zzo̱ ta̱mu̱-kenga.


Eelta ol cik e̱ce̱bje̱ lagama, u̱tu̱gu̱z ki ci een i̱ge̱t e̱le̱tti̱ne̱ cik e̱ce̱bi̱nnu̱ lagama. Eelta ol wak a̱gi̱d ol, ogon ki i̱yo̱ko̱ a̱gi̱ddu̱ng ol i̱ge̱t e̱le̱tti̱ne̱.


Kanyak alaan ci a̱ddi̱ki̱re̱ wawaco ci a̱gga̱ ming ke̱e̱ggi̱n naga olli mu̱nye̱nu̱, itiman zin lo̱rye̱nti̱ nonno go̱o̱lo̱we̱ do̱o̱k ki i̱yo̱ko̱ naga do̱o̱k ko̱, anyak gi̱i̱ co̱de̱, ngen enne kabac zoz imma udut.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ