Vilipia 2:6 - Tennet

⁶ Een bali Ki̱ri̱sto̱ Ta̱mu̱ta̱dde̱n de̱de̱. Iróng zin bali enne atubuz ele cinne ki Ta̱mu̱ta̱dde̱n.

Vilipia 2:6 ပူးပေါင်းရင်းမြစ်များ

Ma̱te̱yo̱ 1:23

“Okko atin do̱le̱c ci nga̱a̱ye̱ ngen ka̱ta̱gu̱zzo̱ ki e̱e̱t imma ko̱, anyak atin do̱le̱c ci maci, akanonik atin ol zara cik een Immanuwel” azi keng cinne ne, “Aave Ta̱mu̱ta̱dde̱n ngati een agita.”

Kaviyak wak Abunna Ta̱mu̱ta̱dde̱no̱ eher Joni 1:18

Ngen e̱e̱ti̱ imma kicin Ta̱mu̱ta̱dde̱n udut, Ngerinne wa zinino o̱de̱ ṯok een Ta̱mu̱ta̱dde̱n bu̱k ci aanyyet ka̱gga̱c Ta̱mu̱ta̱dde̱n Baatinne.

Kaviyak wak Abunna Ta̱mu̱ta̱dde̱no̱ eher Joni 10:30

Kodowina anna ki Baba.”

Kaviyak wak Abunna Ta̱mu̱ta̱dde̱no̱ eher Joni 10:33

O̱bo̱dde̱k zin ol nonno, a̱nne̱k ne, “Iróng naga kovvocci zo̱ze̱ ci abunna ogoni i̱nna̱ ko̱, abarik korongnya kovvocci zo̱ze̱ ci ibbeze Ta̱mu̱ta̱dde̱n, azi i̱nna̱ e̱e̱ti̱ ci diiri gaganiko ne e̱e̱ni̱ i̱nna̱ bu̱k Ta̱mu̱ta̱dde̱n.”

Kaviyak wak Abunna Ta̱mu̱ta̱dde̱no̱ eher Joni 10:38

Abarik ming kogonni zoz ci Baba, ming iróng a̱tu̱yyu̱ nu̱nu̱n, elemtta zin kaal cik a̱vu̱la̱ kogonni anna ko̱, kar abunna ming a̱gga̱yyu̱ ming kodowina anna ki Baba nga̱to̱de̱.”

Kaviyak wak Abunna Ta̱mu̱ta̱dde̱no̱ eher Joni 14:28

“Izekttang wanai ming ka̱nne̱kku̱ng ne ‘Kokko anna izong kar zin kuk kobodaung.’ Ming irezang niga annit a̱gga̱yyu̱ niko ming kokko ngati Baba, ma̱rri̱t Baba ming a̱ddi̱ki̱re̱ ngatinanni.

Kaviyak wak Abunna Ta̱mu̱ta̱dde̱no̱ eher Joni 14:9

O̱bo̱de̱k Ye̱su̱ nonno, a̱nne̱k ne, “Vilip, kabak nga̱to̱de̱ e̱rki̱nya̱ cik meelek, iróng i̱nna̱ a̱gga̱ya̱n? Ming icinna e̱e̱ti̱ imma annita, ogon niko icin enne Baba bu̱k.” Kar bo̱do̱k kize ne, “Nya ci azi i̱nna̱ ne, ‘Ye̱le̱kke̱t Baba ko̱’?

Kaviyak wak Abunna Ta̱mu̱ta̱dde̱no̱ eher Joni 17:5

I̱yo̱ko̱ zin Baba, anyik zar cigannik ku̱bu̱lte̱ ngu̱me̱ cunne bu̱le̱nte̱ bali kanyak ki i̱nne̱ta̱ la̱du̱n baling ngen keteehenye looci ke̱.

Kaviyak wak Abunna Ta̱mu̱ta̱dde̱no̱ eher Joni 20:28

O̱bo̱de̱k zin Tomasi nonno zoz ci azi ne, “Manyi ki Ta̱mu̱ta̱dde̱n wananni!”

Kaviyak wak Abunna Ta̱mu̱ta̱dde̱no̱ eher Joni 5:18

Imma abarik zo̱ze̱ necu, utuburtek ol cik Ya̱u̱do̱ nonno nong oroot, bak odolta kar atin ku̱ru̱we̱t nonno ka̱da̱k. Orongit zin ku̱ru̱we̱t nonno zo̱ze̱ ci a̱li̱ngli̱nge̱ enne I̱i̱te̱ne̱ wa Yu̱bze̱nto̱ akaka, abarik zo̱ze̱ ci awenne enne Ta̱mu̱ta̱dde̱n kize Baatinne, kar zin go̱o̱le̱ necu, aanyik enne ele cinne kutubto ki Ta̱mu̱ta̱dde̱n.

Kaviyak wak Abunna Ta̱mu̱ta̱dde̱no̱ eher Joni 5:23

Kar zin ol do̱o̱k ko̱to̱ngo̱o̱ltte̱ Ngerinne ki i̱yo̱ko̱ ming o̱ngo̱o̱le̱ nege Baba ko̱. Ming iróng e̱e̱ti̱ o̱ngo̱o̱le̱ Ngerinne, iróng o̱ngo̱o̱le̱ Baba bali i̱tto̱na̱na̱ ke̱.”

Roma 9:5

A̱rri̱ta̱ nogo alaata wak a̱ddi̱ki̱re̱, a̱vvu̱ ji̱ji̱ti̱k Ki̱ri̱sto̱ tatuge necu, wa een Ta̱mu̱ta̱dde̱n ci kaal do̱o̱k. Kinnatit zar cik Ta̱mu̱ta̱dde̱no̱ udut. Amen.

2 Ko̱ri̱nto̱ 4:4

Okko lo̱rye̱nti̱ wa een manyi lo̱o̱c cu, eceba o̱o̱tti̱ cik ol wak iróng a̱tu̱we̱. Alam nogo gerza ming iróng a̱gga̱ vooriten ci kaviyak cik abunna ka̱di̱ngdi̱nga̱ne̱ naga Ki̱ri̱sto̱ ko̱. Ogon Ki̱ri̱sto̱ ki Ta̱mu̱ta̱dde̱n kaale do̱o̱k.

2 Ko̱ri̱nto̱ 8:9

A̱gga̱yyu̱ een ba̱li̱ye̱ Manyitinna Ye̱su̱ Ki̱ri̱sto̱ bunnatait oroot, utungek baiz ci abunna ta̱mu̱-kenga kar ki̱ki̱ya̱ katamat lo̱o̱ta̱ ngatu, abunna ming amuda e̱e̱ti̱ ci diiri baiz ci abunna Vongize ci A̱li̱le̱.

1 Ti̱mo̱te̱yo̱ 1:17

Kala alaan kar bo̱do̱k ki̱di̱ngdi̱nga̱n nonno wa abak udut, wa iróng a̱da̱i̱, wa iróng kacin eberene, nonno Ta̱mu̱ta̱dde̱n o̱de̱ ṯok! Ko̱to̱ngo̱o̱ltte̱ nonno udut. I̱i̱ny.

1 Ti̱mo̱te̱yo̱ 3:16

I̱llo̱i̱ gi̱i̱ imma ci ommog li̱ngli̱ngo̱n wa obod ki gool wa Ta̱mu̱ta̱dde̱no̱ bali arrak a̱lu̱gnye̱ ke̱. I̱ye̱la̱i̱ Ye̱su̱ wa atahalai lo̱o̱ta̱ kize e̱e̱t ci diiri. Kar Vongizi ci Ta̱mu̱ta̱dde̱no̱ ki̱ye̱la̱ een enne de̱de̱ Ngerrti Ta̱mu̱ta̱dde̱no̱. Kar zin anjilonya wak Ta̱mu̱ta̱dde̱no̱ bu̱k kicinnet nonno. Uwakttek ol zoz wa obod ki nonno lo̱o̱cco̱k do̱o̱k. U̱tu̱we̱t zin ol cik meelek nonno lo̱o̱cco̱k do̱o̱k, kar zin Ta̱mu̱ta̱dde̱n kodong nonno kuuwe ta̱mu̱-kenga.

Ti̱to̱ 2:13

ming kere naga ma̱yu̱we̱ne̱t niko, a̱kku̱ atin ki di̱ngdi̱ngo̱n ming okko Ta̱mu̱ta̱dde̱n wa a̱ddi̱ki̱re̱ Ti̱ri̱zo̱i̱t cinna Ye̱su̱ Ki̱ri̱sto̱ obodak lo̱o̱c.

I̱bu̱ru̱ 1:3

I̱ye̱la̱ Ngerinne doiz ki di̱ngdi̱ngo̱n ci Ta̱mu̱ta̱dde̱no̱, ogon enne odohize ki Ta̱mu̱ta̱dde̱n. A̱gga̱m zin enne lo̱o̱c doize cinne. Baling utunya Ngerinne mu̱nye̱n cigga̱c do̱o̱k, a̱vvu̱ zin lo̱o̱ta̱ a̱tte̱ ci a̱zzo̱ di̱ngdi̱ngo̱nte̱ ci Ta̱mu̱ta̱dde̱no̱, ta̱mu̱-kenga.

I̱bu̱ru̱ 1:6

Baling i̱tto̱na̱k Ta̱mu̱ta̱dde̱n Ngerinne wa o̱de̱ ṯok lo̱o̱c, “I̱lo̱te̱k anjilonya waginnek do̱o̱k abunna ming a̱di̱ngdi̱nga̱n nonno.”

I̱bu̱ru̱ 1:8

Abarik Ta̱mu̱ta̱dde̱n ozoz zoz ci obod ki Ngerinne, azi ne, “E̱e̱ni̱ i̱nna̱ Ta̱mu̱ta̱dde̱n, abali atin lo̱o̱c ize alaan ci abak udut! Okko alaanzet cunne apahek ol lo̱ki̱ko̱ ju̱rru̱m.

I̱bu̱ru̱ 13:8

Iróng Ye̱su̱ Ki̱ri̱sto̱ uhu zoz cinne! Aave niko baliwaz, wazin necu kar bo̱do̱k ka̱vvu̱ udut.

O̱no̱zzo̱k 21:6

Ize zin enne ne, “Ubunntta kaala do̱o̱k. Ke̱e̱ni̱ anna Kananet ki Ṯurnenet, kakane anna kar kedecak. Imma ngati e̱e̱t ci a̱ru̱k koor, kanyike atin anna maam ollin e̱be̱re̱ce̱ ci maam cik rugeto.