Vilipia 2:3 - Tennet

³ Ma anyakku meder icima zoz ci odongnyu e̱le̱tti̱, abarik izet ol cik gununik kar aanycik ol u̱gge̱ kizeto riile kommogit e̱le̱tti̱ cuggo̱k.

Vilipia 2:3 ပူးပေါင်းရင်းမြစ်များ

Lu̱ka̱ 18:14

“Ka̱du̱wa̱kku̱ng anna i̱ge̱ta̱ okko e̱e̱ti̱ cu ce̱e̱za̱ labak, alalek Ta̱mu̱ta̱dde̱n ba̱ci̱nno̱k ciginnek. Eci ming odong e̱e̱ti̱ imma ele cinne, okko atin enne een gunun, kar e̱e̱ti̱ ci gununi, okko atin enne odongnye.”

Roma 12:10

Irezto niga do̱o̱k oroot, irez ol wak a̱tu̱we̱ oroot kommog ele cunne.

Roma 13:13

Abunna kabak baiz ci abunna ki i̱yo̱ko̱ ol wak abak vooritene ci wazino ko̱. Ma ovvoyyu ngati alutene ol cik aud merten kar kibbakte. Ma owowonu ki a̱li̱ya̱k. Ma oyohonu ki ol. Ma anyikku zi̱nze̱tti̱ kizeto a̱ppi̱nte̱k kaale cik ollu.

Roma 2:8

Imma ngati ol wak a̱ppi̱nte̱k zi̱nze̱tti̱, ogon kaal cik gerzek, i̱ye̱la̱ atin enne mozinet cinne ngati e̱e̱t ci abure zoz ci een de̱de̱.

1 Ko̱ri̱nto̱ 15:9

Eci anna ke̱e̱ni̱ vu̱rru̱t ci to̱ni̱a̱u̱ veelek, iróng agano ming awuya ol kize to̱na̱i̱t, eci anna ki̱gi̱da̱ ol wak a̱tu̱we̱ Ce̱e̱ze̱ wa Ta̱mu̱ta̱dde̱no̱.

1 Ko̱ri̱nto̱ 3:3

Ngen zin niga abakku baiz ci olli lo̱o̱tu̱, eci ngen anyakku meder, adangonu e̱le̱tti̱ne̱ cuggo̱k. Imma zin go̱o̱le̱ necu abakku ko̱, o̱do̱wi̱nu̱ niga ki olli lo̱o̱tu̱. Ogonnu kaal cik ogon olli lo̱o̱tu̱.

2 Ko̱ri̱nto̱ 12:20

Abile zinin je̱e̱na̱, ming kokko anna keronakkung, kamudannung iróng ol uggak abak baiz ci korongi anna. Ko̱ngo̱o̱le̱ anyak ol u̱gge̱ ngatinno̱ng cik adang e̱le̱tti̱, icima een mederyok, icima adunye zi̱nze̱tti̱, icima irez e̱le̱tti̱ cigge̱k do̱, icima ozoz ol, icima odom ol u̱gge̱. Odong uggak e̱le̱tti̱, ovvo uggak ogon kaal cabak.

Ga̱la̱ti̱a̱ 5:15

Ma̱i̱je̱ ming oronnu niga e̱le̱tti̱ne̱ adawanu gonoggu, u̱zu̱tte̱ e̱le̱tti̱, ma egerzannu gonoggu.

Ga̱la̱ti̱a̱ 5:26

Gerza ming kodong e̱le̱tti̱, icima kanyike e̱e̱t imma kutubur nong. Gerza ming kanyak meder kaale cik ollu.

Evesos 4:2

Ma odongnyu e̱le̱tti̱ cuggo̱k, izet gunune. Aanycik zi̱nze̱tti̱ kalalit. Abait ki ol rezinta.

Evesos 5:21

Izikto zin niga do̱o̱k zo̱ze̱ ci o̱ngo̱o̱li̱nnu̱ Ki̱ri̱sto̱.

Vilipia 2:14

U̱tu̱gu̱z kaal do̱o̱k ju̱rru̱m ki̱zzi̱ rok zoz ci adangonu,

Kolosiya 3:12

I̱yo̱ko̱ zin, ki ming atahalaung Ta̱mu̱ta̱dde̱n kar izet ol ciginnek a̱li̱le̱ ko̱, irezung zin enne i̱ge̱ta̱. Abunna zin ming amanikku ol, anyait bunnat, izet ol cik gununik, kar inimet no̱ngi̱tto̱n.

Kolosiya 3:8

Imma zin i̱yo̱ko̱, abunna ming odotekku kaal ne̱ko̱ do̱o̱k lo̱o̱c: burnenet nong, zi̱nze̱tti̱ cik mu̱hu̱ri̱k, baizzok cik a̱mu̱we̱, ki zoz ci volongo a̱mu̱we̱ iyowa u̱tu̱ge̱tti̱ne̱ cuggo̱k.

1 Ti̱mo̱te̱yo̱ 6:4

een enne e̱e̱t ci odong ele. Iróng enne a̱gga̱ gi̱i̱ imma. Abarik orong kadang ol gaganiko kar zin kanyaha jo̱o̱re̱. Anyaha zin dangonet neci meder, ki zoz ci irawone ol, ki to̱ri̱ne̱t, ki i̱no̱ni̱ ci gerze,

1 Peturu 3:8

I̱yo̱ko̱ zin, abunna niga do̱o̱k ming elemannu zoz necu. Irezit e̱le̱tti̱ kiwagon gotonoggeti ki ngonogget wak a̱tu̱we̱, izet ol cik i̱rrke̱nu̱, ma odongnyu e̱le̱tti̱ ciggo̱k.

1 Peturu 5:5

Niga dooli wak kidik, wak ngen ingannu, abunna ming o̱ngo̱o̱li̱nnu̱ ol cik a̱ddi̱ki̱re̱. Abunna ming o̱ngo̱o̱li̱nnu̱ e̱le̱tti̱, eci azi buwe ci Ta̱mu̱ta̱dde̱no̱ ne, “Adang Ta̱mu̱ta̱dde̱n e̱e̱t ci odong ele abarik aanyik deten e̱e̱t ci iróng odong ele.”