Vilipia 2:29 - Tennet

²⁹ I̱va̱tta̱ nonno ju̱rru̱m kiwagon gotoneti ci aave zo̱ze̱ ci Ki̱ri̱sto̱, u̱tu̱gu̱z nonno kiwagon e̱e̱ti̱ ci a̱tu̱ zoz ci Manyi.

Vilipia 2:29 ပူးပေါင်းရင်းမြစ်များ

Lu̱ka̱ 9:5

Ming iróng ol cik o̱rgu̱ a̱gga̱ma̱nu̱ng i̱ge̱ta̱, u̱tu̱ru̱rta̱ tu̱du̱wa̱c zoone ciggo̱k ming ovvo niga ungneku orog cinne̱ng lo̱o̱c, kize zoz ci aburnnu niga nong.”

Kaviyak wak Abunna Ta̱mu̱ta̱dde̱no̱ eher Joni 13:20

Ka̱du̱wa̱kku̱ng zoz ci een de̱de̱, ming elem e̱e̱ti̱ e̱e̱t ci ki̱tto̱nna̱ anna, elemnya annita, ming elemnya e̱e̱ti̱ imma annita, elemi enne bu̱k e̱e̱t bali i̱tto̱na̱na̱ annita ke̱.”

Buk wa To̱ni̱a̱u̱ 2:46

Alute nege odohize reene ci Ce̱e̱z wa Ta̱mu̱ta̱dde̱no̱, kar zin kozolit da̱i̱ne̱t ce̱e̱zi̱nne̱, adakce talninta, zi̱nze̱tti̱nne̱ cik abunna,

Buk wa To̱ni̱a̱u̱ 28:10

I̱di̱ngdi̱nga̱nte̱t nege agit go̱o̱lo̱we̱ cik meelek oroot. Ma baling kotodda naga i̱bo̱ korongnya kar ko̱o̱tta̱, aanycet zin nege agit kaal cik meelek.

Buk wa To̱ni̱a̱u̱ 8:8

Anyak ba̱li̱ye̱ talninet ci a̱ppwe̱ oroot o̱rge̱ neci.

Roma 10:15

Uwahek wo̱ye̱ e̱e̱ti̱ imma nogo kaviyak cik abunna ko̱ ming ngen Ta̱mu̱ta̱dde̱n kodola ki̱tto̱n e̱e̱t neci? E̱he̱rye̱ waraga ci Ta̱mu̱ta̱dde̱no̱ azi ne “A̱zi̱ze̱ zoona cik ol wak anyahak ol kaviyak cik abunna.”

Roma 16:2

Ming okko enne arawanung, a̱gga̱mtta̱ nonno ju̱rru̱m kiwagon ming a̱gga̱m ol wak a̱tu̱we̱ e̱re̱nno̱i̱t cinne̱ng zare cik Manyi. Eelta nonno kaale cik orong enne, eci enne gon eela ol cik meelek giir, rok annit bu̱k.

1 Ko̱ri̱nto̱ 16:10

Ming uzucaung i̱ge̱t Ti̱mo̱te̱yo̱, a̱gga̱mtta̱ nonno talninta. A̱li̱ngli̱ng enne li̱ngli̱ngo̱n ci Manyi Ye̱su̱ ki i̱yo̱ko̱ anna ko̱.

1 Ko̱ri̱nto̱ 16:18

Aanycik nege zinin cinanni katalo ki cuggo̱k bu̱k. Abunna ming irezzu ol cik ogon ki nege.

2 Ko̱ri̱nto̱ 10:18

Iróng een ol ne̱ke̱ cik odong e̱le̱tti̱ azi ne kabunanna, iróng een nogo cik elemi Manyi azi ne abunna, abarik ol cik elemi Manyi abunna, nogo do̱ niko cik abunna.

2 Ko̱ri̱nto̱ 7:2

Abunna ming irezettu niga agit zi̱nze̱tti̱nne̱ cuggo̱k do̱o̱k, eci ngen naga ku̱tu̱gu̱zza̱ e̱e̱t imma gerzet. Ngen bo̱do̱k kalabta e̱e̱t imma gi̱i̱ cinne.

Vilipia 2:28

Korongi zin anna oroot kar ki̱tto̱na̱u̱ng nonno ataman, kar ming ovvo niga acinnu nonno bo̱do̱k, atalninnu atin oroot, kar atin iróng zinin cinanni ngen abile je̱e̱na̱.

Kolosiya 4:10

I̱tto̱na̱kku̱ng zin bo̱do̱k e̱e̱ti̱ ci een Aristarkas wa kecebina ki annit ko̱ bu̱k zawinet cinne, izayung e̱e̱ti̱ ci een Marko bu̱k, een enne ngerrti a̱zi̱ti̱ Barnabasi. Ki̱lo̱te̱u̱ng ba̱li̱ye̱ zoz cinne; ming i̱ki̱ya̱u̱ng, a̱gga̱mtta̱ nonno.

1 Te̱se̱lo̱ni̱ka̱ 5:12

Kilalekkung gotonogga, o̱to̱ngo̱o̱ltte̱ ol cik a̱li̱ngli̱ngngo̱ni̱kku̱ng oroot, ki ming abal ol cik a̱ddi̱ki̱re̱ ol cik a̱tu̱ Manyi, kar kedemezung abunna ming ogonnu kaal cik abunna.

1 Ti̱mo̱te̱yo̱ 5:17

Anyik ol cik a̱tu̱we̱ ki̱ti̱ri̱ze̱t lo̱ddi̱ki̱re̱ cik a̱li̱ngli̱ng Ce̱e̱ze̱ wa Ta̱mu̱ta̱dde̱no̱ ju̱rru̱m eci nege a̱li̱ngli̱ng ju̱rru̱m. Ommogje ming uwahek ol kar ke̱de̱me̱zi̱t zoz ci Ta̱mu̱ta̱dde̱no̱.

I̱bu̱ru̱ 13:17

O̱to̱ngo̱o̱ltte̱ lo̱ddi̱ki̱re̱ cuggo̱k, u̱tu̱gu̱z zoz ci a̱du̱wa̱ nege. Een li̱ngli̱ngo̱ni̱ cinne̱ng ci ebekkung nege i̱ge̱ta̱ ju̱rru̱m, ming iróng ebekkung ju̱rru̱m, okko atin Ta̱mu̱ta̱dde̱n a̱jji̱n nogo kaale cik ogon nege do̱o̱k. Ma anyike nogo komozte ming ogon li̱ngli̱ngo̱n cinne̱ng. Anyik nogo katalto. U̱zzu̱tte̱, abunna atin nege eelannung.

3 Jon 1:10

Ming ki̱ki̱ya̱u̱ng, kokko atin kozozi zoz cinne, ovolong enne egerzan zar cigga̱c. Abarik abure kar kurumte ki gotonogget tu̱we̱nta̱, iróng orong kar kivata gotonogget. Ottok zin enne ol wak ogon niko ke̱le̱ci̱a̱.