Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Vilipia 2:22 - Tennet

22 Imma Ti̱mo̱te̱yo̱, a̱gga̱yyu̱ niga arizet cinne, ka̱li̱ngli̱ngnya̱ ki nonno bu̱k ngati kuwaheka ol kaviyak cik abunna, ogon enne ngatinanni ki do̱le̱c ci a̱li̱ngli̱ng ki baatinne.

အခန်းကိုကြည့်ပါ။ ကော်ပီ




Vilipia 2:22
20 ပူးပေါင်းရင်းမြစ်များ  

Atali ol wak a̱tu̱we̱ aavtte o̱ro̱gjo̱we̱ cik Lystra ki Iconium Ti̱mo̱te̱yo̱ oroot.


okko nimenet no̱ngi̱tto̱n amad e̱e̱t ju̱rru̱m, kar kaanyyet kartik zi̱nze̱tti̱ Ta̱mu̱ta̱dde̱n.


Ming uzucaung i̱ge̱t Ti̱mo̱te̱yo̱, a̱gga̱mtta̱ nonno talninta. A̱li̱ngli̱ng enne li̱ngli̱ngo̱n ci Manyi Ye̱su̱ ki i̱yo̱ko̱ anna ko̱.


Imma zin zo̱ze̱ necu ki̱tto̱na̱kku̱ng anna i̱ge̱t Ti̱mo̱te̱yo̱ wa een ngeranni tu̱we̱nta̱, kirezi anna nonno eci alali zinin zo̱ze̱ ci Manyi. A̱du̱wa̱kku̱ng atin enne i̱ge̱t baiz cinanni ngati Ki̱ri̱sto̱ Ye̱su̱, a̱du̱wo̱ baizi cinanni ki de̱mzi̱ne̱t ci kedemeze anna ol ke̱le̱ci̱a̱nya̱i̱ lo̱o̱co̱we̱ do̱o̱k.


Keherakkung anna waraga necu korongi kuruba de̱de̱ ming o̱ngo̱o̱li̱nna̱ng.


Imma bo̱do̱k ki̱tto̱nna̱ gotonet imma ci a̱tu̱we̱ korkorrit ki Ti̱to̱ ki gonoggi u̱gge̱. Kicinnta li̱ngli̱ngo̱n ci e̱e̱t necu lak cik meelek giir, anyak zinin ci orong keelai ol cik a̱tu̱we̱. I̱yo̱ko̱ eci orong ovvoye muci rok ol wak a̱tu̱we̱, orong zin enne kuk bu̱k eci enne arikkung zinin oroot.


I̱yo̱ko̱ zin, i̱ye̱lte̱k ol ne̱ko̱ rezinet cunno̱ng, ki zoz ci kirezung naga i̱ge̱ta̱, kar ke̱le̱ci̱a̱nya̱ do̱o̱k kicinttung.


Iróng anna kadangekkung abunna ming ogonnu kaal ne̱ke̱. Eci kicina ol wak a̱tu̱we̱ o̱ro̱gjo̱we̱ ugganik ming anyak zi̱nze̱tti̱ cik voorik orongnyet keeltta ol wak a̱tu̱we̱, korongi ku̱du̱wa̱u̱ng katimani anna rezinet cunno̱ng ming irezzu niga ol de̱de̱.


Gotonogga ki ngonogga, i̱yo̱ko̱ korongnyung a̱gga̱c zoz bali ogonika ol annit ke̱ ci aanyik kaviyak cik abunna koot oowa.


Ogon nege rezinta, a̱gga̱ kecebje anna zo̱ze̱ ci kaviyak cik abunna ko̱.


Imma zo̱ze̱ ci kozol naga ki i̱ge̱ta̱ ngati kuwahek ol kaviyak cik abunna balik iziktu niga bali oowa ke̱.


Aavtiyyu niga odohize zinine cinanni, kirezung anna i̱ge̱t oroot, abunna zin ming kabai anna go̱o̱le̱ necu ngatinno̱ng. Ming kaave ngati kapirnane lagama ko̱ icima kuwahek ol kaviyak cik abunna, eeltau niga do̱o̱k li̱ngli̱ngo̱n ci kozol naga ki i̱ge̱t deten ci Ta̱mu̱ta̱dde̱no̱ ki annit bu̱k.


I̱llo̱i̱ e̱e̱t imma ngatu ci kaavtiya bu̱k ci anyak zinin ci abunna ki Ti̱mo̱te̱yo̱, nonno do̱ niko ci azunne baiz cunno̱ng.


Ti̱mo̱te̱yo̱ wa e̱e̱ni̱ ngeranni tu̱we̱nta̱, kamitaneki zoz necu niko kar zuute ele olle wak edemezek gonoggi volong azi ne zoz ci a̱kku̱ Ta̱mu̱ta̱dde̱na̱. Kozozi zin niko ngibali a̱du̱wa̱ne̱ a̱ri̱tto̱wa̱ muluk ci a̱kku̱ Ta̱mu̱ta̱dde̱na̱ obod ki i̱nne̱ta̱. Zik ti̱lo̱wi̱ne̱t necu ju̱rru̱m kar nyak tu̱we̱ne̱t, abunna atin ming u̱u̱li̱ a̱ri̱tto̱k ne̱k edemez ol volong ke̱.


Keheriki i̱nne̱t Ti̱mo̱te̱yo̱ wa een ngeranni de̱de̱ tu̱we̱nta̱. Kala Ta̱mu̱ta̱dde̱n Be̱e̱ti̱nna̱ ki Manyitinna Ye̱su̱ Ki̱ri̱sto̱ kar kaanyci deten ki bunnat ki a̱vvu̱ze̱t yahe.


Ming edemzike i̱nna̱ ti̱lo̱wi̱ne̱t ba̱li̱ye̱ ol wak a̱tu̱we̱, e̱e̱ni̱ atin du̱ca̱i̱t ci abunna ngati Ye̱su̱ Ki̱ri̱sto̱, adaizi i̱nna̱ ele, ogon ki i̱yo̱ko̱ ming adaizi i̱nna̱ ele zo̱ze̱ ci a̱tu̱we̱ Ta̱mu̱ta̱dde̱n ki de̱mzi̱ne̱t wa een de̱de̱ azunne i̱nna̱ ko̱, ki e̱e̱ti̱ ci adaiz ele da̱i̱nte̱.


Keherike waraga cu Ti̱mo̱te̱yo̱ wa kirezi ko̱, u̱tu̱gu̱ enne ki ngeranni tu̱we̱nta̱. Kala anna Ta̱mu̱ta̱dde̱n Be̱e̱ti̱nna̱ ki Manyitinna Ye̱su̱ Ki̱ri̱sto̱, kar kaanyci deten ki bunnat ki a̱vvu̱ze̱t yahe.


I̱yo̱ko̱, Ti̱mo̱te̱yo̱, a̱gga̱ i̱nna̱ de̱mzi̱ne̱t cinanni oroot, gool ci kowowene ki ol, ki gi̱i̱ ci korongi anna baize cinanni, ki tu̱we̱ne̱t cinanni ci ka̱tu̱we̱ Ta̱mu̱ta̱dde̱n, ki zinin ci alali, ki gool ci kireze ol, ki baiz ci kanime no̱ngi̱tto̱n.


Keheriki zin anna waraga necu i̱nne̱ta̱ Ti̱to̱, wa u̱tu̱gu̱ ki ngeranni tu̱we̱nte̱ ci kozol naga ko̱: Anyik Ta̱mu̱ta̱dde̱n wa een Be̱e̱ti̱nna̱ ki Ye̱su̱ Ki̱ri̱sto̱ Ti̱ri̱zo̱i̱t cinna kaanyi deten ki baiz yahe.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ