Vilipia 2:17 - Tennet

¹⁷ Een tu̱we̱ne̱t cunno̱ng wawac ci li̱ngli̱ngo̱n ci Ta̱mu̱ta̱dde̱no̱, ming a̱ddu̱te̱ bi̱ye̱ta̱ cigannik wawac neci, katalne anna kar niga bu̱k ataltto ki anna.

Vilipia 2:17 ပူးပေါင်းရင်းမြစ်များ

Buk wa To̱ni̱a̱u̱ 20:24

Abarik zin anna iróng karik zinin zoz ci atin okko i̱i̱na̱k baiz cinanni, ming kedeca anna li̱ngli̱ngo̱n bali aanya Manyi Ye̱su̱ ke̱, kar kuwahek ol kaviyak cik abunna anyak deten ci Ta̱mu̱ta̱dde̱no̱.

Buk wa To̱ni̱a̱u̱ 21:13

A̱nne̱kke̱t zin Pa̱u̱lo̱ agit ne, “Nyaa niga ming a̱lu̱yyu̱ egerzannu zinin cinanni ko̱? Iróng anna korongi kecebe niko, abarik korongi ka̱da̱k zo̱ze̱ ci Manyi Ye̱su̱ Jerusalema.”

Roma 12:1

Gotonogga ki ngonogga tu̱we̱nta̱, eci Ta̱mu̱ta̱dde̱n i̱ti̱ri̱zze̱t bunnate cinne, kilalekkung zin aanycik e̱le̱tti̱ ciggo̱k do̱o̱k nonno, aanycik kizeto caale kar kubunnta ki wawa cik kapahek Ta̱mu̱ta̱dde̱n kar enne katalo ngatinno̱ng. Een necu gool ci a̱di̱ngdi̱nga̱nnu̱ niga Ta̱mu̱ta̱dde̱n.

Roma 15:16

Ahalana Ta̱mu̱ta̱dde̱n kar abunna ka̱li̱ngli̱nge̱k Ye̱su̱ Ki̱ri̱sto̱ kize tuwayoit orgene ci ol wak iróng een Ya̱u̱d, kar ki̱ye̱le̱k nogo kaviyak cik abunna. Ogon Ta̱mu̱ta̱dde̱n niko kar ol wak iróng een Ya̱u̱d kumucet Ta̱mu̱ta̱dde̱n, bak elemi enne muci ci aanyik nogo Vongizi ci A̱li̱le̱.

2 Ko̱ri̱nto̱ 12:15

Korongi zin ka̱a̱nyu̱ng i̱ge̱t kaal ne̱k kanyai anna ke̱ do̱o̱k rok ele cinanni bu̱k. Ming kirezzung anna i̱ge̱t oroot ke̱, iróng wo̱ye̱ niga irezang annit bu̱k?

2 Ko̱ri̱nto̱ 4:12

Ming ahacet daizi agit to̱ni̱a̱k cik Ye̱su̱ ko̱ odohize nu̱nu̱n, eci niga elemttau baiz ci Ta̱mu̱ta̱dde̱no̱ aave udut.

2 Ko̱ri̱nto̱ 6:10

Ming kapirna naga nu̱nu̱n, kaavtte naga talninta. Ming kamati niko, izeto ol bo̱to̱ro̱ ngati kuwaheka kaviyak cik Ye̱su̱. Ming nu̱nu̱n, iróng kanyak kaal, e̱e̱ggi̱n kaala ne̱ko̱ do̱o̱k cigga̱c.

2 Ko̱ri̱nto̱ 7:4

Karikku̱ng anna i̱ge̱t zinin oroot. Ke̱e̱ni̱ bo̱to̱ro̱c zo̱ze̱ cunno̱ng, imma no̱ngi̱tto̱ne̱ cik karuba kar kinim ko̱, katalne oroot.

Vilipia 1:20

Gi̱i̱ zin ci korongi anna oroot ko̱ icu, karike zinin oroot, kar zin iróng adaka a̱li̱ya̱ni̱, abarik kanyai komiz ci kanime zoz, kar zoz ci Ki̱ri̱sto̱ ki̱di̱ngdi̱nga̱ne̱ eliye cinanni, go̱o̱le̱ ci ngen anna karugi icima ka̱da̱ha̱.

Vilipia 2:18

Kar zin go̱o̱le̱ necu ataltto niga do̱o̱k ki annita.

Vilipia 2:30

Eci ize ojon kar enne ka̱da̱k li̱ngli̱ngo̱nte̱ ci zoz ci Ki̱ri̱sto̱, kar bo̱do̱k ku̱ju̱ke̱k ele cinne tu̱ ngati a̱li̱ngli̱nge̱ka̱ enne annita li̱ngli̱ngo̱n ci iróng niga wo̱ye̱ u̱u̱lu̱.

Vilipia 4:18

I̱yo̱ko̱ zin, kuruba kaal cik korongi anna do̱o̱k, otorte abarik, aanya e̱e̱ti̱ ci een Epaphroditus muci balik i̱tto̱na̱kka̱ng niga ke̱. Ongooli muci ne̱ke̱ mediz ci aanyik Ta̱mu̱ta̱dde̱n katalo.

Kolosiya 1:24

I̱yo̱ko̱ zin, katalne anna eci kipira zo̱ze̱ cunno̱ng, eci u̱ce̱zi̱ ci eliye cinanni ko̱, korongi anna kedecak piryanzet bali apirnane Ki̱ri̱sto̱ zo̱ze̱ ci ol wak a̱tu̱we̱.

1 Te̱se̱lo̱ni̱ka̱ 2:8

Ngiwa kirezzung oroot, iróng ba̱li̱ye̱ korongnya koobteung kaviyak cik Ta̱mu̱ta̱dde̱no̱ abunna do̱, abarik ki̱ti̱ri̱yye̱u̱ng baiz cinna̱ng do̱o̱k.

2 Ti̱mo̱te̱yo̱ 4:6

Imma i̱yo̱ko̱, i̱ki̱ya̱ i̱i̱te̱ni̱ ci ovvo ol otodongnya kize wawac. I̱ki̱ya̱ i̱i̱te̱ni̱ ci kungneke baiz cu lo̱o̱c, kokko ta̱mu̱-kenga.

1 Peturu 2:5

I̱yo̱ko̱ zin, niga bu̱k izetu biyen wak abak udut wak eenyconik kize ce̱e̱z ci abahe Vongizi ci Ta̱mu̱ta̱dde̱no̱. Izetu niga olli wawaco wak a̱li̱le̱ bu̱k. Ma go̱o̱le̱ ci a̱ti̱ri̱zu̱ng Ye̱su̱ Ki̱ri̱sto̱ ko̱, ovvo atin niga anyikku Ta̱mu̱ta̱dde̱n muci ci atin aanyik nonno katalo.

1 Jon 3:16

Gool zin ci ka̱gga̱we̱ naga rezinet ci een de̱de̱ ko̱ necu: A̱da̱i̱ Ye̱su̱ Ki̱ri̱sto̱ zo̱ze̱ cinna. Abunna zin naga bu̱k baize cinna ming ka̱da̱i̱ zo̱ze̱ ci gotonogget ki ngonogget tu̱we̱nta̱.