Vilipia 2:16 - Tennet

¹⁶ Ki i̱yo̱ko̱ ming anyikku niga ol kaviyak cik abunna anyaha zoz ci rugeto, kar atin ming okko Ki̱ri̱sto̱ oboda, katalne atin anna zo̱ze̱ cunno̱ng oroot. Kar anna ka̱gga̱ iróng li̱ngli̱ngo̱ni̱ cinanni okko ollin.

Vilipia 2:16 ပူးပေါင်းရင်းမြစ်များ

Ma̱te̱yo̱ 10:27

Ma̱i̱je̱ kaala wak ka̱du̱wa̱kku̱ng anna mu̱hu̱ra̱, u̱du̱kta̱k ol ngati voori. Imma zoz ci komomoti iziyyet iina cuggo̱k ju̱rru̱m, u̱du̱kta̱k ol do̱o̱k muluwe ci oroi.

Lu̱ka̱ 12:8

“Ka̱du̱wa̱kku̱ng anna i̱ge̱ta̱, imma e̱e̱ti̱ ci elemanna annit orgene ci ollu, okko atin Ngerrti E̱e̱to̱ elemna nonno orgene ci anjilonya cik Ta̱mu̱ta̱dde̱no̱.

Kaviyak wak Abunna Ta̱mu̱ta̱dde̱no̱ eher Joni 6:63

Aanyik Vongizi ol ruget, iróng ele aanyyet gi̱i̱ imma. Kaal cik ka̱du̱wa̱kku̱ng ko̱ een zoz ci Vongizo, aanyyet ruget.

Kaviyak wak Abunna Ta̱mu̱ta̱dde̱no̱ eher Joni 6:68

O̱bo̱de̱k zin Si̱mo̱ne̱ wa een zara uggak Peturu ko̱ Ye̱su̱, a̱nne̱k ne, “Manyi, kovvoya wo̱ye̱ naga ngati ngene? Anyai i̱nna̱ zoz ci een ruget wa aave udut.

Buk wa To̱ni̱a̱u̱ 13:26

“Gotonogga, doolik Aburahami, ki ol wak iróng een Ya̱u̱d o̱ngo̱o̱le̱ Ta̱mu̱ta̱dde̱n ko̱, izikttang da̱ ju̱rru̱m, i̱tto̱na̱i̱t Manyi agit do̱o̱k kaviyak cik ti̱ri̱ze̱nto̱ ko̱.

1 Ko̱ri̱nto̱ 1:8

Azunnung atin enne i̱ge̱t okkomit kak zee ki̱ki̱ya̱ Ye̱su̱ Ki̱ri̱sto̱, kar abait baiz ci a̱li̱le̱ rok i̱i̱te̱ne̱ ci okko Manyi Ye̱su̱ obodak lo̱o̱c.

1 Ko̱ri̱nto̱ 9:26

I̱yo̱ko̱ zin, iróng anna ka̱vi̱ri̱ ki i̱yo̱ko̱ e̱e̱ti̱ ci diiri ci a̱vi̱r gaganiko; iróng anna Pa̱u̱lo̱ kogonni ki e̱e̱ti̱ ci ogon kaal cik een kaalakreng.

2 Ko̱ri̱nto̱ 1:14

ki i̱yo̱ko̱ ming a̱gga̱yyu̱ zoz cinna̱ng lo̱lo̱i̱t ko̱, ovvo atin niga a̱gga̱yyu̱ do̱o̱k kar atin niga odongit e̱le̱tti̱ zo̱ze̱ cinna̱ng, kar naga bo̱do̱k kodongta e̱le̱tti̱ zo̱ze̱ cunno̱ng i̱i̱te̱ne̱ ci Manyi Ye̱su̱.

Ga̱la̱ti̱a̱ 2:2

Kokko rok orog neci eci Ta̱mu̱ta̱dde̱n i̱ye̱le̱ya̱ annit abunna ming kokko. Imma bali nginati, kurumtowa ki lo̱ddi̱ki̱re̱ cik ol wak a̱tu̱ Ye̱su̱ lo̱mu̱k, kar koobek nogo kaviyak cik abunna kiwagon kuwahek ol wak iróng een Ya̱u̱d do̱o̱k ko̱. Kogonni zoz necu niko ko̱ gerza ming amurya de̱mzi̱ne̱t necu.

Ga̱la̱ti̱a̱ 4:11

Ko̱to̱ngo̱o̱le̱u̱ng, kicina umurya li̱ngli̱ngo̱ni̱ cinanni ngatinno̱ng.

Vilipia 1:10

kar atin niga a̱gga̱c gi̱i̱ ci abunna kar kize caala ci iróng anyak kaal cik gerzek zee ki̱ki̱ya̱ i̱i̱te̱ni̱ ci okko Ki̱ri̱sto̱ obodak lo̱o̱c,

Vilipia 1:6

Ka̱gga̱ anna zoz ci kozozi ko̱, edeccak atin Ta̱mu̱ta̱dde̱n bali akane zoz ci abunna baize cunno̱ng ke̱, li̱ngli̱ngo̱n cinne zee ki̱ki̱ya̱ i̱i̱te̱ni̱ ci okko Ye̱su̱ Ki̱ri̱sto̱ obodak lo̱o̱c.

1 Te̱se̱lo̱ni̱ka̱ 2:19

Eci nya ci karike naga zi̱nze̱tti̱, ki talninet cinna, icima luluk ci alaanzetu ci atin kovvo naga ka̱di̱ngdi̱nga̱ne̱ Manyitinna Ye̱su̱ ming okko enne a̱kku̱? Iróng een i̱nne̱ta̱?

1 Te̱se̱lo̱ni̱ka̱ 3:5

Gi̱i̱ ci zin bali ki̱tto̱na̱ne̱ Ti̱mo̱te̱yo̱ ko̱ nenen necu, baling ommoga zoz ci kengerone u̱u̱mu̱c, okko atin enne acinnung ogonnu ku̱ tu̱we̱nte̱ ci a̱tu̱yyu̱ Ye̱su̱ wa atahalai. A̱wu̱ce̱ gon zinin kazi ne icima lo̱rye̱nti̱ alabaung i̱ti̱ku̱ng tu̱, kar kumurya li̱ngli̱ngo̱ni̱ bali nang ke̱.

I̱bu̱ru̱ 4:12

Eci zoz ci Ta̱mu̱ta̱dde̱no̱ een ci abak udut kar bo̱do̱k ki̱li̱ngli̱ng udut. Leheda kommog illa wa lehedi abanyo do̱o̱k, i̱i̱zo̱ kenger zinin ki vongiz ci e̱e̱to̱ ecito. Etted zoz ci Ta̱mu̱ta̱dde̱no̱ zoz ki vongiz ci aave zinina ki zoz ci i̱no̱n e̱e̱ti̱.

1 Peturu 1:23

Eci Ta̱mu̱ta̱dde̱n a̱a̱nyu̱ng i̱ti̱rrtta̱i̱ bo̱do̱k, iróng een kaale cik aditai, abarik iróng aditai udut, go̱o̱le̱ ci kabahe kar kinimet zoz ci Ta̱mu̱ta̱dde̱no̱.

1 Jon 1:1

Keherakkung naga i̱ge̱t zoz ci een ruget wa bali la̱du̱n aave kanante ci lo̱o̱tu̱ ke̱. Kizikta naga zoz neci, kicinnta naga nonno eberene cigga̱k kar bo̱do̱k ku̱u̱mta̱ nonno azzine.

O̱no̱zzo̱k 22:17

Ize Vongizi ci Ta̱mu̱ta̱dde̱no̱ ki nyatiran ci Nyoono ne, “I̱jja̱!” Anyik e̱e̱t ci aziye kize ne “I̱jja̱.” Ming anyak e̱e̱t ci a̱ru̱k koor, anyik nonno ki̱ki̱ya̱; kar ming orong e̱e̱ti̱ imma maam, anyik nonno kidima muci ci maam cik rugeto ollin.