Vilipia 2:15 - Tennet

¹⁵ kar zin niga izet ol cik anyakku zi̱nze̱tti̱ cik voorik, doolik Ta̱mu̱ta̱dde̱no̱ bu̱u̱le̱ ci gerze ko̱, kar ataranit baiz ci ollu ki i̱yo̱ko̱ munyunya ko̱.

Vilipia 2:15 ပူးပေါင်းရင်းမြစ်များ

Ma̱te̱yo̱ 10:16

“Ki̱tto̱nnu̱ng anna i̱ge̱t kiwagon a̱zza̱ cik ajalik ol zari orgene ci u̱du̱ma̱nnu̱. Abunna ming egenyyu kiwagon uwat, abunna bo̱do̱k ming e̱e̱ggi̱nnu̱ gunune kiwagon lu̱be̱nya̱.

Ma̱te̱yo̱ 17:17

O̱bo̱de̱k zin Ye̱su̱ nogo, a̱nne̱k ne, “Niga ol cik aditennung iina ko̱, iróng anyakku tu̱we̱ne̱t! Kabak atin anna ki i̱ge̱t rok atinga kar zin elemtta zoz ci Ta̱mu̱ta̱dde̱no̱? Anyaktang do̱le̱c ngatu.”

Ma̱te̱yo̱ 5:45

kar izet dooli cik Be̱e̱ti̱nno̱ng wa aave ta̱mu̱-kenga. Anyike enne i̱i̱ kiyowa kar kataran ol wak abunna ki ol wak iróng a̱tu̱we̱, kar bo̱do̱k anyike ta̱mu̱ ol wak ogon kaal cik abunna ki cik ogon kaal cik gerzek.

Ma̱te̱yo̱ 5:48

Abarik zin abunna ming abakku baiz ci abunna ki Ta̱mu̱ta̱dde̱n cinno̱ng wa een Be̱e̱ti̱nno̱ng wa aave ta̱mu̱-kenga ko̱.

Lu̱ka̱ 1:6

Abunna bali nege a̱gga̱m zoz ci Ta̱mu̱ta̱dde̱no̱ oroot. Acin bo̱do̱k ol nogo ming azunne lo̱ti̱nno̱k wak Manyi ki keerani cigge̱k.

Lu̱ka̱ 6:35

Abarik irezit mo̱ddo̱ cuggo̱k, u̱tu̱gu̱zze̱k nogo kaal cik abunna, aanycik nogo kaal labak ci iróng atin niga orongnyu nga̱bo̱lo̱. Kar atin Ta̱mu̱ta̱dde̱n ka̱a̱nyu̱ng kaal cik meelek, ovvo atin e̱e̱ggi̱nnu̱ dooli cik Manyi wa Ommog Veelek, eci enne een bunnatait ngati olli mu̱nye̱nu̱.

Kaviyak wak Abunna Ta̱mu̱ta̱dde̱no̱ eher Joni 5:35

Ogon ba̱li̱ye̱ Joni ki urez ci ataran lo̱o̱c, kar zin niga elemtau arrak urez neci do̱yo̱i̱t.”

Buk wa To̱ni̱a̱u̱ 2:40

U̱du̱wa̱k Peturu nogo zo̱zzo̱k cik meelek; kar kilalek nogo azi ne, “Eelta e̱le̱tti̱ ciggo̱k bu̱u̱le̱ ci gerze ko̱.”

Buk wa To̱ni̱a̱u̱ 20:30

Anyak atin ol orgene cunno̱ng cik ovvo uhu zoz wa een de̱de̱ kize volong, kar ku̱lu̱te̱t ol cik Ta̱mu̱ta̱dde̱no̱.

Roma 16:19

Iziyyet ol wak a̱tu̱we̱ do̱o̱k zoz ci azunnu niga zoz ci Ta̱mu̱ta̱dde̱no̱, katalne zin anna oroot ngatinno̱ng zo̱ze̱ necu; abarik korongnyung abunna ming egenyyu zo̱ze̱ ci een de̱de̱, abunna bo̱do̱k ming edewannu e̱le̱tti̱ zo̱ze̱ ci gerze.

1 Ko̱ri̱nto̱ 1:8

Azunnung atin enne i̱ge̱t okkomit kak zee ki̱ki̱ya̱ Ye̱su̱ Ki̱ri̱sto̱, kar abait baiz ci a̱li̱le̱ rok i̱i̱te̱ne̱ ci okko Manyi Ye̱su̱ obodak lo̱o̱c.

2 Ko̱ri̱nto̱ 6:17

Azi bo̱do̱k Manyi ne, “Engertta zin e̱le̱tti̱ ngati ol ne̱k iróng a̱tu̱we̱ ko̱. Ma u̱u̱mnyu̱ kaal cik anyak mu̱nye̱n gon ngoronyik ko̱. Kar zin atin anna kelemaung.

Evesos 5:27

Ogon Ki̱ri̱sto̱ zoz necu kar atin ki̱di̱ngdi̱nga̱ni̱t ke̱le̱ci̱a̱ ci a̱li̱le̱ ko̱, ki̱zzi̱ rok gi̱i̱ imma ci anganye ol nonno to.

Vilipia 1:10

kar atin niga a̱gga̱c gi̱i̱ ci abunna kar kize caala ci iróng anyak kaal cik gerzek zee ki̱ki̱ya̱ i̱i̱te̱ni̱ ci okko Ki̱ri̱sto̱ obodak lo̱o̱c,

Vilipia 3:6

Eci kanyai anna zinin ci kireze li̱ngli̱ngo̱n cinanni, ki̱gi̱da̱ zin olli Ki̱ri̱sto̱ ke̱le̱ci̱a̱k. Imma zo̱ze̱ ci abunna orong lo̱ti̱nno̱wa̱, i̱llo̱i̱ gi̱i̱ imma ci kabaci eci anna kazunne Lo̱ti̱nno̱k cik Musesi veelek.

1 Te̱se̱lo̱ni̱ka̱ 5:23

Kala Ta̱mu̱ta̱dde̱n manyi gano ka̱a̱nyu̱ng abait labak, kidimanung izet caale udut. Ka̱a̱nyu̱ng baiz ki vongiz cunno̱ng do̱o̱k ki̱zze̱c ba̱ci̱no̱wa̱ zee kobodak Manyitinna Ye̱su̱ Ki̱ri̱sto̱ lo̱o̱c.

1 Ti̱mo̱te̱yo̱ 3:10

Iróng kanyik e̱e̱t kize kuye ming ngen kicinnet baiz cinne. Korota arrak oowa baiz cinne abahe ki ol ka̱gga̱c ju̱rru̱m. Ming anyak baiz ci a̱zi̱ze̱ kar zin a̱gga̱mte̱k li̱ngli̱ngo̱n kize kuye Ce̱e̱ze̱ ci Ta̱mu̱ta̱dde̱no̱.

1 Ti̱mo̱te̱yo̱ 3:2

Abunna zin alaani ci Ce̱e̱z wa Ta̱mu̱ta̱dde̱no̱ een e̱e̱t ci abak baiz ci iróng anyak mu̱nye̱n. Abunna bo̱do̱k ming o̱de̱ ngaa ṯok niko. Abunna ming een e̱e̱t ci uwak ju̱rru̱m, abariz no̱ngi̱tto̱n ju̱rru̱m, abunna ming i̱i̱rke̱, abunna ming elemi de̱mzi̱ne̱t.

1 Ti̱mo̱te̱yo̱ 5:14

Korongi ngaai cik boyek wak ngen een uturtta ki̱ti̱ktte̱ kar ki̱ti̱rrtta̱ dooli bak azunne ju̱rru̱m, kar zin moddena iróng ngen aranne.

1 Ti̱mo̱te̱yo̱ 5:20

Imma ol wak anyak mu̱nye̱n, gerenyek, vocek zoz orgene ci ollu kar ol do̱o̱k ko̱to̱ngo̱o̱ltte̱ gerza ming ogon nege mu̱nye̱n.

1 Ti̱mo̱te̱yo̱ 5:7

Oobek ngaai cik boyek ti̱lo̱wi̱ne̱t cu, kar atin iróng ol angany nogo.

Ti̱to̱ 1:6

Abunna e̱e̱ti̱ ci een nyakangan ming ogon kaal cik abunna. Abunna ming o̱de̱ nonno ngaa ṯok niko. Abunna dooli ciginnek ming a̱tu̱ Ye̱su̱, kar bo̱do̱k iróng a̱vi̱r o̱o̱tti̱.

Ti̱to̱ 2:10

Gerza bo̱do̱k ming ogoroz kaal cik ma̱ci̱gi̱nnu̱. Abarik abunna ming ogon kaal cik een de̱de̱, kar ol kelemtta de̱mzi̱ne̱t ci Ta̱mu̱ta̱dde̱no̱ wa een Ti̱ri̱zo̱i̱t cinna.

Ti̱to̱ 2:15

I̱yo̱ko̱ zin, Ti̱to̱, demezek zo̱zzo̱k ne̱ko̱ ol wak a̱tu̱we̱. Dimannek nogo zo̱zzo̱k, anyik ku̱tu̱gu̱zzo̱ kaal ne̱ko̱. Aanyai i̱nna̱ komiz ci i̱lo̱tte̱ ol zo̱zzo̱we̱ ne̱ko̱. Abunna ming o̱ngo̱o̱li̱nni̱ ol do̱o̱k.

I̱bu̱ru̱ 7:26

Een Ye̱su̱ alaan ci a̱ddi̱ki̱re̱ wawaco Ce̱e̱ze̱ wa Ta̱mu̱ta̱dde̱no̱ ci korong naga. A̱li̱le̱ enne iróng anyak ba̱ci̱ kar kize voor zinin, aave enne do̱ ngati e̱e̱t ci diiri mu̱nye̱nu̱. Irez Ta̱mu̱ta̱dde̱n nonno kize alaan ci a̱ddi̱ki̱re̱ wawaco ci ommog kaal do̱o̱k, aave ta̱mu̱-kenga.

1 Peturu 2:12

Aanycik ol kicinnet baiz cunno̱ng ming abunna orgene ci ol wak iróng a̱gga̱ Ta̱mu̱ta̱dde̱n, ma̱i̱je̱ nu̱nu̱n ming orong nege kimertung azi ne, abacu niga. Ovvo atin nege i̱i̱te̱ne̱ ci okko Ta̱mu̱ta̱dde̱n ettede lo̱ki̱ko̱, a̱di̱ngdi̱nga̱n Ta̱mu̱ta̱dde̱n kar koobtek Ta̱mu̱ta̱dde̱n kaal cik abunna ogonnu niga ba̱li̱ye̱.

1 Peturu 2:9

Abarik e̱e̱ggi̱nnu̱ niga zu̱we̱ ci atahala Ta̱mu̱ta̱dde̱n, olli wawaco ce̱e̱ze̱ cinne, zu̱we̱ ci a̱li̱le̱, ol cik Ta̱mu̱ta̱dde̱no̱, kar inatit nonno eci anyahaung ngati mu̱hu̱ri̱ kar icinnet ngintinne voori.

2 Peturu 3:14

Gotonogga ki ngonogga tu̱we̱nta̱, ming ngen niga erewinnu ko̱, abait baiz ci a̱li̱le̱, i̱llo̱i̱ rok gi̱i̱ imma ci gerze, kar bo̱do̱k abait yahe.

O̱no̱zzo̱k 2:5

I̱no̱ni̱t nginti bali aavtiyyu niga ke̱ baling ngen u̱yu̱kte̱, utungtek ba̱ci̱nno̱k lo̱o̱c kar u̱tu̱gu̱z kaal balik ogonnu niga oowa ke̱. Ming iróng niga ungneku mu̱nye̱n lo̱o̱c, kokko anna ka̱kku̱na̱ku̱ng kar kaara gi̱i̱ ci abilne tukuleci ngati aave ko̱.

O̱no̱zzo̱k 3:9

Imma ol wak annu zoz ci Sitano, ol wak azi ne ke̱e̱ggi̱nna̱ Ya̱u̱d, imma ngatu amire, abarik e̱e̱ggi̱n volongnyok, kanyike atin anna nogo ku̱yu̱kte̱ zoone cigunnek kar ka̱gga̱c de̱de̱ ming kirezung anna i̱ge̱ta̱.