Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Vilipia 2:13 - Tennet

13 eci Ta̱mu̱ta̱dde̱n ci a̱li̱ngli̱ng baize cunno̱ng kar ka̱a̱nyu̱ng zinin ci ogonnu kaal cik abunna ki ming a̱du̱wa̱ zoz cinne.

အခန်းကိုကြည့်ပါ။ ကော်ပီ




Vilipia 2:13
39 ပူးပေါင်းရင်းမြစ်များ  

“Ma o̱ngo̱o̱li̱nnu̱ gi̱i̱ imma, niga demezyaha cikidik ko̱, eci Be̱e̱ti̱nno̱ng wa aave ta̱mu̱-kenga atalne oroot ngati a̱a̱nyu̱ng ba̱a̱li̱ne̱t cinne.


“Anycik di̱ngdi̱ngo̱n Ta̱mu̱ta̱dde̱n, ta̱dde̱na̱, kar lo̱o̱ta̱ gano ci ol cik diirik cik elemi Ta̱mu̱ta̱dde̱n.”


O̱bo̱de̱k zin Joni nogo, a̱nne̱k ne, “Iróng e̱e̱ti̱ ci diiri anyak gi̱i̱ imma, amuda gi̱i̱ necu do̱ ta̱mu̱-kenga.”


Eher a̱ri̱tto̱wa̱ zoz ci azi ne, ‘Edemez atin Ta̱mu̱ta̱dde̱n nogo do̱o̱k.’ Imma ol do̱o̱k wak aziye zoz ci Baba kar bo̱do̱k kelemtta de̱mzi̱ne̱t cinne, a̱vvu̱na̱ka̱ atin annita.


Oobek zin Ye̱su̱ nogo zoz ci azi ne, “Zoz zin bali ka̱du̱wa̱kku̱ng kazi ne i̱llo̱i̱ e̱e̱t imma ci a̱kku̱nna̱ka̱ ming ngen Baba kaanyik gool.”


Aave bali komizi ci Manyi ki nogo, u̱tu̱we̱t ol cik meelek kar zin kunuwet Manyi Ye̱su̱.


Ka̱gga̱wa̱ bunnat ci Ta̱mu̱ta̱dde̱no̱ aanya kize to̱ni̱a̱t cinne. Ka̱nne̱k zin ol do̱o̱k ne: Ma odongnyu e̱le̱tti̱ aniyyu ne, ke̱e̱ggi̱nna̱ ol cik riilik oroot. Abarik abunna gon e̱e̱ti̱ angamnik ele cinne go̱o̱le̱ ci abunna. Abunna gon ming iyab e̱e̱ti̱ ci riili ele cinne tu̱we̱nte̱ ci aanyik Ta̱mu̱ta̱dde̱n nonno.


Baling ngen cuudena ne̱ke̱ ki̱ti̱rtta̱i̱, ngen bu̱k ka̱gga̱c gi̱i̱ ci abunna ki ci gerze, kar tahalinet ci Ta̱mu̱ta̱dde̱no̱ ki̱ye̱la̱i̱, a̱nne̱k Ta̱mu̱ta̱dde̱n e̱e̱ti̱nne̱ng ne, “Okko atin ngerunne wa een a̱bu̱ ko̱ a̱li̱ngli̱nge̱k gooni wa dici.”


Iróng Ta̱mu̱ta̱dde̱n a̱mu̱yu̱k ol li̱ngli̱ngo̱nte̱ ci ogon nege, icima orong nege oroot, abarik enne u̱mu̱yu̱k ol wak orong zinin cinne eci enne e̱de̱te̱.


Anyak bo̱do̱k ol do̱o̱k li̱ngli̱ngo̱no̱k cik aavtte do̱ do̱, abarik zin Ta̱mu̱ta̱dde̱n co̱de̱ ci aanyik ol ki̱li̱ngli̱nge̱t li̱ngli̱ngo̱no̱k ne̱ke̱ ngati ol do̱o̱k.


Abarik kiize anna e̱e̱t imma bu̱k eci Ta̱mu̱ta̱dde̱n aanya deten cinne, iróng deteni ci Ta̱mu̱ta̱dde̱no̱ aave gaganiko ngatinanni. Ming ki̱li̱ngli̱nga̱ anna nu̱nu̱n oroot kommog to̱ni̱a̱k veelek, deten ci Ta̱mu̱ta̱dde̱no̱ ci a̱ma̱yu̱ka̱n.


Imma o̱to̱ne̱ cinna, iróng naga kanyak doiz ci kuule kaal do̱o̱k, iróng wo̱ye̱ ka̱du̱wa̱ kazi ne agit cik kanyak doiz. Abarik Ta̱mu̱ta̱dde̱n ci aanyyet doiz.


Ogone kaala do̱o̱k go̱o̱le̱ wa i̱no̱n Ta̱mu̱ta̱dde̱n, zoz ci ahalane enne Ye̱su̱, kar enne katahalait agit bu̱k, aanyik enne kaal do̱o̱k ku̱tu̱gu̱zze̱ go̱o̱le̱ ci orong enne.


Imma rezinte ci irezet enne agit ko̱, aanyet kizet dooli ciginnek ngati Ye̱su̱ Ki̱ri̱sto̱ go̱o̱le̱ ci odola enne kar katal ku̱tu̱gu̱.


I̱ye̱le̱kke̱t enne talninta gi̱i̱ bali a̱lu̱gu̱ny enne zinina la̱du̱n ke̱. Orong enne la̱du̱n gi̱i̱ neci kar ki̱ki̱ya̱ ku̱tu̱gu̱we̱ ngati Ki̱ri̱sto̱.


Kar zin zo̱ze̱ necu, urubtau niga ruget bunnate ci Ta̱mu̱ta̱dde̱no̱ tu̱we̱nta̱, nonno ci a̱ti̱ri̱zu̱ng oroot kommog baiz cunno̱ng. Een necu muci ci Ta̱mu̱ta̱dde̱no̱ ci aanyik e̱e̱t ci diiri, iróng aanyik go̱o̱le̱ ci ogone e̱e̱ti̱ kaal.


Kalawekku̱ng Ta̱mu̱ta̱dde̱n odohize, kar Ta̱mu̱ta̱dde̱n kize ne abakttu go̱o̱le̱ ci abunna baize ci korongi abait ki bali ka̱du̱wa̱kku̱ng ke̱. Kalawekku̱ng bo̱do̱k Ta̱mu̱ta̱dde̱n cinna ka̱a̱nyu̱ng komiz ci ogonnu kaal cik abunna orongnyu u̱tu̱gu̱z eci niga a̱tu̱yyu̱ zoz ci Manyi Ye̱su̱.


Eelawet Ta̱mu̱ta̱dde̱n kar zin katahalait kizet ol ciginnek A̱li̱le̱, iróng ahalanet gi̱i̱ye̱ ci da̱ abunna kogon naga, abarik idiman da̱ Manyi eci abunna enne la̱du̱n. Baling ngen keteehenye looci, i̱no̱n Ta̱mu̱ta̱dde̱n kar atin kaanyyet eezet go̱o̱le̱ ci atin i̱tto̱na̱kke̱t Ye̱su̱ Ki̱ri̱sto̱ wa atahalai.


nonno ci a̱a̱nyu̱ng kaal do̱o̱k eci niga a̱li̱ngli̱ngnyu̱ zoz cinne, kanycik bai nonno ki̱li̱ngli̱ng baize cinna kaale cik orong enne, go̱o̱le̱ ci Ye̱su̱ Ki̱ri̱sto̱, kanycik nonno ki̱di̱ngdi̱nga̱ne̱ udut. Amen.


Kinnatit Ta̱mu̱ta̱dde̱n wa een Be̱e̱ti̱ Manyitinna Ye̱su̱ Ki̱ri̱sto̱. Aanyyet enne agit ti̱ra̱ne̱t ci een jor detente cinne a̱ppwe̱ ci karike naga zi̱nze̱tti̱ go̱o̱le̱ ci ingane Ye̱su̱ Ki̱ri̱sto̱ daiza.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ