Vilipia 1:8 - Tennet

⁸ A̱gga̱ Ta̱mu̱ta̱dde̱n bu̱k korongi anna ki̱vo̱nnu̱ng kar kirezung ki i̱yo̱ko̱ ming irez Ye̱su̱ Ki̱ri̱sto̱ ol ko̱.

Vilipia 1:8 ပူးပေါင်းရင်းမြစ်များ

Lu̱ka̱ 1:78

eci bunnati ki deten ci Ta̱mu̱ta̱dde̱n cinna, go̱o̱le̱ ci iyowane atin koor ngatinna ta̱mu̱-kenga,

Roma 1:9

A̱gga̱ Ta̱mu̱ta̱dde̱n ming kalawekku̱ng anna i̱ge̱t Ta̱mu̱ta̱dde̱n zinine cinanni do̱o̱k odohize, kuwahek ol kaviyak cik abunna obod ki Ngerinne.

Roma 9:1

Kozozi anna zoz ci een de̱de̱ zare cik Ye̱su̱ Ki̱ri̱sto̱, iróng ka̱du̱wa̱ zoz ci een volong, eci Vongizi ci A̱li̱le̱ i̱ye̱le̱ka̱ zoz wa een de̱de̱.

2 Ko̱ri̱nto̱ 13:9

Ming iróng naga kokkomi nu̱nu̱n, katalninna eci niga okkomnu, kalayya Ta̱mu̱ta̱dde̱n abunna ming ogonnu ju̱rru̱m kommog baiz necu.

2 Ko̱ri̱nto̱ 6:12

Iróng naga kabaka ki ci iróng kirezzung, abarik i̱ge̱t cik iróng irezettu.

2 Ko̱ri̱nto̱ 7:15

I̱yo̱ko̱, atalne Ti̱to̱ oroot eci u̱tu̱gu̱zzu̱ gi̱i̱ ci orongnyung enne abunna ming ogonnu. Atalne bo̱do̱k eci i̱ti̱ri̱zttu̱ niga nonno ba̱li̱ye̱ ju̱rru̱m. Ming okko enne i̱no̱n zoz neci, irezzung oroot.

Ga̱la̱ti̱a̱ 1:20

Ki̱tto̱ni̱k Ta̱mu̱ta̱dde̱n, een zoz ci ka̱du̱wa̱kku̱ng ko̱ de̱de̱, iróng een volong.

Ga̱la̱ti̱a̱ 3:26

Ke̱e̱ggi̱n naga do̱o̱k doolik Ta̱mu̱ta̱dde̱no̱ ngati ka̱tu̱we̱ Ye̱su̱ Ki̱ri̱sto̱.

Ga̱la̱ti̱a̱ 4:19

Eeh, dooli cigannik tu̱we̱nta̱, kapirna zo̱ze̱ cunno̱ng kiwagon ngaa ci anyakce a̱u̱ce̱ do̱le̱c ngati orong ukcane. Kapirna zo̱ze̱ necu zee kar zoz ci Ki̱ri̱sto̱ ka̱vvu̱ zi̱nze̱tti̱nne̱ cuggo̱k.

Vilipia 2:1

Anyaha baizi cunno̱ng ngati Ki̱ri̱sto̱ zoz ci i̱lo̱ttu̱ niga ol de̱de̱? Anyak rezinet cinne zoz ci irezzu niga ol u̱gge̱ de̱de̱? Anyakku niga de̱de̱ wowonet ki Vongiz? Anyakku i̱rrke̱ne̱t zi̱nze̱tti̱nne̱ cuggo̱k de̱de̱?

Vilipia 2:26

Ma̱i̱je̱ i̱yo̱ko̱ orong enne oroot kar ki̱vo̱nnu̱ng i̱ge̱ta̱. Abile nonno zinin je̱e̱na̱ eci iziktu niga omori enne ba̱li̱ye̱.

Vilipia 4:1

Gotonogga ki ngonogga wak zinino, korongi gon anna kar kurumte ki i̱ge̱ta̱, eci gon aanyang niga annita talninet kar bo̱do̱k anna kodong ele ngatinno̱ng. Ibilet zin ju̱rru̱m ngati Manyi.

Kolosiya 2:1

Korongi anna abunna ming a̱gga̱yyu̱ ka̱li̱ngli̱ngi̱ anna kipira zo̱ze̱ cunno̱ng ki ol wak a̱tu̱we̱ abak lo̱o̱ce̱ ci een Laodicea, ki ol cik ngen anna kicin bu̱k.

Kolosiya 3:12

I̱yo̱ko̱ zin, ki ming atahalaung Ta̱mu̱ta̱dde̱n kar izet ol ciginnek a̱li̱le̱ ko̱, irezung zin enne i̱ge̱ta̱. Abunna zin ming amanikku ol, anyait bunnat, izet ol cik gununik, kar inimet no̱ngi̱tto̱n.

1 Te̱se̱lo̱ni̱ka̱ 2:5

A̱gga̱yyu̱ bo̱do̱k niko iróng ba̱li̱ye̱ kovolongnya zoza, icima ka̱ru̱ka̱ talaben kar kalabtaung da̱i̱ne̱t. Ta̱mu̱ta̱dde̱n do̱ niko ci een bbacait cinna̱ng.

1 Te̱se̱lo̱ni̱ka̱ 2:8

Ngiwa kirezzung oroot, iróng ba̱li̱ye̱ korongnya koobteung kaviyak cik Ta̱mu̱ta̱dde̱no̱ abunna do̱, abarik ki̱ti̱ri̱yye̱u̱ng baiz cinna̱ng do̱o̱k.

2 Ti̱mo̱te̱yo̱ 1:4

Ka̱a̱da̱ gon u̱lu̱wa̱ bali a̱lu̱we̱ ngati kengerone ke̱, kazi gon ne aanya wo̱ye̱ bo̱do̱k kurumto kar katalto oroot.

Vilomene 1:12

Ming nu̱nu̱n kirezi anna Onesimos oroot, ki̱tto̱na̱ki̱ zin anna nonno kobodain.

Vilomene 1:20

Korongi anna de̱de̱, gotona tu̱we̱nta̱ kar kuruba gi̱i̱ imma ngatunne ngati Manyi; anyik zinin cinanni katalo ngati Ki̱ri̱sto̱.

1 Jon 3:17

Ming anyak e̱e̱ti̱ kaal cik meelek, kar kicin gooni imma ci amati, kar iróng enne eela nonno, aave wo̱ye̱ rezinet ci Ta̱mu̱ta̱dde̱no̱ ngatinne ku̱?