Vilipia 1:7 - Tennet

⁷ Aavtiyyu niga odohize zinine cinanni, kirezung anna i̱ge̱t oroot, abunna zin ming kabai anna go̱o̱le̱ necu ngatinno̱ng. Ming kaave ngati kapirnane lagama ko̱ icima kuwahek ol kaviyak cik abunna, eeltau niga do̱o̱k li̱ngli̱ngo̱n ci kozol naga ki i̱ge̱t deten ci Ta̱mu̱ta̱dde̱no̱ ki annit bu̱k.

Vilipia 1:7 ပူးပေါင်းရင်းမြစ်များ

Buk wa To̱ni̱a̱u̱ 20:23

Ka̱gga̱ anna eci a̱du̱wa̱ka̱ Vongizi ci A̱li̱le̱ o̱no̱zo̱we̱ o̱ro̱gjo̱we̱ cik kokkoye, azi ne, okko atin gi̱de̱ne̱t ki piryanzet i̱i̱na̱ka̱ annit lagama.

Buk wa To̱ni̱a̱u̱ 21:33

I̱ki̱ya̱ ddi̱ki̱ryo̱i̱ti̱ wa a̱ddi̱ki̱re̱ eceb Pa̱u̱lo̱ kar zin enne ku̱du̱wa̱k ol kecebit nonno diditai cik e̱e̱ggi̱n rama. Kar zin enne ki̱jji̱no̱, een enne ngene, u̱tu̱gu̱ enne nyaa?

1 Ko̱ri̱nto̱ 13:7

Eela rezinet ol, alam kaal cik gerzek a̱vvu̱na̱k e̱e̱t ci anyak rezinet zinina. Iróng tu̱we̱ne̱t ci e̱e̱t ci anyak rezinet aṯurneke. Aanyik rezinet nonno karik zinin deten ci Ta̱mu̱ta̱dde̱no̱ kar kanyik bo̱do̱k kinim no̱ngi̱tto̱n cik a̱vvu̱na̱k nonno.

1 Ko̱ri̱nto̱ 9:23

Kogonni anna kaal ne̱ko̱ do̱o̱k kar kaviyaha cik abunna katakuza ol do̱o̱k. Kar anna bu̱k kozol ki nogo ma̱yu̱we̱ne̱t ci Ta̱mu̱ta̱dde̱no̱.

2 Ko̱ri̱nto̱ 3:2

E̱e̱ggi̱nnu̱ niga e̱le̱tti̱ne̱ ol cik ibbacu zoz cinna̱ng, e̱he̱rye̱ zoz cinna̱ng zi̱nze̱tti̱nne̱ cuggo̱k, a̱gga̱ ol kar bo̱do̱k kikebit do̱o̱k.

2 Ko̱ri̱nto̱ 7:3

Iróng ka̱du̱wa̱ zoz necu kar kapahekung zoz ci gerze. Abarik ki baling ku̱du̱wa̱ arrak oowa ke̱, ki̱no̱nnu̱ng odohize ngati ka̱da̱kne̱ icima karugne nga̱to̱de̱.

Ga̱la̱ti̱a̱ 5:6

Ming ke̱e̱ggi̱n ol wak ka̱tu̱ Ye̱su̱ Ki̱ri̱sto̱, i̱llo̱i̱ gi̱i̱ ci kamuda ming ketted wucic vi̱ca̱vi̱ca̱, icima iróng kettedi. Tu̱we̱ne̱t zin ci aanyyet kirezit ol.

Evesos 3:1

Ku̱tu̱gu̱ anna Pa̱u̱lo̱ ki e̱e̱ti̱ ci kecebje, eci atahala Ye̱su̱ Ki̱ri̱sto̱ annit abunna ming keela ol cik iróng een Ya̱u̱d kuwahek nogo zoz ci Ta̱mu̱ta̱dde̱no̱.

Evesos 4:1

Eci kaale cik u̱tu̱gu̱we̱u̱ng Manyi Ye̱su̱, kecebje zin anna zo̱ze̱ ci ka̱li̱ngli̱ngo̱ni̱ke̱ nonno, kilalekkung zin anna i̱ge̱t abait baiz ci ol wak a̱tu̱we̱ balik atahalak Ta̱mu̱ta̱dde̱n ele cinne.

Evesos 6:20

Eci ke̱e̱ni̱ zin anna to̱na̱i̱t ci kar kuwahek ol kaviyak cik Ta̱mu̱ta̱dde̱no̱ abunna, ming kecebje nu̱nu̱n ko̱. Alayeang Ta̱mu̱ta̱dde̱n kar kuwahek ol zoz ci Ta̱mu̱ta̱dde̱no̱ mazeta labak.

Vilipia 1:12

Gotonogga ki ngonogga, i̱yo̱ko̱ korongnyung a̱gga̱c zoz bali ogonika ol annit ke̱ ci aanyik kaviyak cik abunna koot oowa.

Vilipia 1:13

I̱yo̱ko̱ zin, i̱ye̱la̱i̱ zoz necu ju̱rru̱m ngati ol wak ebek ce̱e̱z ci alaano ki ol do̱o̱k, ming kecebje anna lagama zo̱ze̱ ci Ki̱ri̱sto̱.

Vilipia 1:14

Eci zo̱ze̱ ci kecebine anna ko̱, aanyik zoz necu komiz gotonogget cik meelek a̱tu̱ Manyi kuwaktek ol zoz ci Ta̱mu̱ta̱dde̱no̱ oroot kodoit zi̱nze̱tti̱ kak, iróng nege ngen o̱ngo̱o̱le̱ gi̱i̱ imma.

Vilipia 1:5

Imma zo̱ze̱ ci kozol naga ki i̱ge̱ta̱ ngati kuwahek ol kaviyak cik abunna balik iziktu niga bali oowa ke̱.

Vilipia 2:22

Imma Ti̱mo̱te̱yo̱, a̱gga̱yyu̱ niga arizet cinne, ka̱li̱ngli̱ngnya̱ ki nonno bu̱k ngati kuwaheka ol kaviyak cik abunna, ogon enne ngatinanni ki do̱le̱c ci a̱li̱ngli̱ng ki baatinne.

Vilipia 4:14

Abarik niga u̱tu̱gu̱zzu̱ zoz ci abunna eci ozoltu pirnanet cinanni.

Vilipia 4:15

Imma niga olli lo̱o̱c ci Vilipi a̱gga̱yyu̱ ri̱t niga ba̱li̱ye̱ zoz ci kaviyak cik abunna, baling kokko anna kungnek lo̱o̱c ci een zara Macedonia lo̱o̱c, i̱llo̱i̱ ke̱le̱ci̱a̱ co̱de̱ ci amucan, i̱ge̱t do̱ niko cik eelannang kaale.

Vilipia 4:3

Ka̱jji̱ni̱n goona de̱de̱, kar eela ngaai ne̱k arike e̱le̱tti̱ ki annita li̱ngli̱ngo̱ne̱ ci kaviyak cik abunna, ki bo̱do̱k e̱e̱t ci een Kelemen ki ol u̱gge̱ wak ka̱li̱ngli̱ngnya̱ bu̱k, ol wak e̱he̱rye̱ zara cigge̱k buwe ci rugeto.

Kolosiya 4:18

Annita Pa̱u̱lo̱ ci keherakkung i̱ge̱t zawinet cu a̱tte̱ cinanni. Abunna zin ming a̱a̱da̱nnu̱ ce̱bi̱ne̱t cinanni lagama. Anyik deten ci Ta̱mu̱ta̱dde̱no̱ ka̱vvu̱ ngatinno̱ng.

Kolosiya 4:3

Kar alayettu agit bu̱k Ta̱mu̱ta̱dde̱n, kar enne koowet gool ci kuwaheka ol kaviyak cik abunna, kar ku̱du̱kta̱k ol zoz ci Ye̱su̱ Ki̱ri̱sto̱ bali a̱lu̱gnye̱ ke̱. Kecebje zin anna lagama zo̱ze̱ necu.

1 Te̱se̱lo̱ni̱ka̱ 5:5

Kazi niko eci naga do̱o̱k ke̱e̱ggi̱n ol cik ka̱gga̱ zoz ci Ta̱mu̱ta̱dde̱no̱ abakku zin baiz ci abunna ogone kaala waz.

2 Ti̱mo̱te̱yo̱ 1:8

Ma zin anyike a̱li̱ya̱n kadayin ngati uwaheke ol zoz ci Manyi, icima a̱gga̱mnyi̱ a̱li̱ya̱ni̱ ngatinanni bali kecebine anna zo̱ze̱ cinne. Abarik nyak komiz ci aanyi Ta̱mu̱ta̱dde̱n ko̱, kar i̱jja̱ kipirta nga̱to̱de̱ ngati kuwahek ol kaviyak cik abunna.

2 Ti̱mo̱te̱yo̱ 2:9

Kapirna zo̱ze̱ ci kuwaheke ol kaviyak cik abunna ko̱. Kecebje lagama kiwagon mu̱ju̱li̱, iróng zin zoz ci Ta̱mu̱ta̱dde̱no̱ bu̱k e̱ce̱bje̱.

Vilomene 1:13

Kirezi anna oroot ming kaavtiya bu̱k ngatu kar enne karagiz ngintunne keelawa zo̱ze̱ ci kaviyak cik abunna ko̱, ogon ki ci kecebje lagama zo̱ze̱ necu.

I̱bu̱ru̱ 3:1

Gotonogga ki ngonogga wak tu̱we̱nta̱k balik awuyyung Ta̱mu̱ta̱dde̱n wa a̱li̱le̱ ta̱mu̱-kenga, i̱no̱ni̱t zoz ci Ye̱su̱ ko̱, wa een to̱ni̱a̱t ci Ta̱mu̱ta̱dde̱no̱ kar bo̱do̱k kize alaan ci a̱ddi̱ki̱re̱ wawaco wa ka̱tu̱ naga zoz cinne.

1 Peturu 4:13

Ataltto go̱o̱le̱ ci apirnannu ko̱ ki baling apirna Ki̱ri̱sto̱ ke̱. Okko atin zoz neci apirnannu niga ko̱, anyaha talinet ci a̱ppwe̱ oroot atin ming okko di̱ngdi̱ngo̱ni̱ cinne i̱ye̱la̱i̱.

1 Peturu 5:1

Niga ddi̱ki̱rze̱t ci ke̱le̱ci̱o̱, ki ming karume anna ki i̱ge̱t ko̱, kilalekkung ke̱e̱ni̱ bbacait ci Ki̱ri̱sto̱ wa bali a̱gi̱d ol lo̱o̱ta̱ ngatu ke̱ ka̱da̱k, kokko atin anna kozola imma nonno di̱ngdi̱ngo̱n ci okko atin i̱ye̱la̱i̱ ke̱.

2 Peturu 1:13

Ki̱no̱ni̱ anna abunna ka̱a̱da̱ku̱ng zoz necu zee nginti ka̱da̱kne̱.

1 Jon 3:14

Ka̱gga̱ kiyokta naga daiza, kar ki̱vi̱ta̱k ruget wa aave udut, eci kirez naga gotonogget tu̱we̱nta̱. Imma e̱e̱ti̱ ci iróng irez ol, ngen enne erahek daiza.