Vilipia 1:6 - Tennet

⁶ Ka̱gga̱ anna zoz ci kozozi ko̱, edeccak atin Ta̱mu̱ta̱dde̱n bali akane zoz ci abunna baize cunno̱ng ke̱, li̱ngli̱ngo̱n cinne zee ki̱ki̱ya̱ i̱i̱te̱ni̱ ci okko Ye̱su̱ Ki̱ri̱sto̱ obodak lo̱o̱c.

Vilipia 1:6 ပူးပေါင်းရင်းမြစ်များ

Kaviyak wak Abunna Ta̱mu̱ta̱dde̱no̱ eher Joni 6:29

O̱bo̱de̱k Ye̱su̱ nogo, a̱nne̱k ne, “Li̱ngli̱ngo̱n ci Ta̱mu̱ta̱dde̱no̱ icu: Abunna ming a̱tu̱we̱nu̱ ngati e̱e̱t bali o̱de̱ i̱tto̱na̱i̱ ke̱.”

Buk wa To̱ni̱a̱u̱ 11:18

Baling ming ovvo nege aziye zoz cu, iróng zin nege ngen adang Peturu, abarik innatit Ta̱mu̱ta̱dde̱n, kar kizeto ne, “Kar zin anyik Ta̱mu̱ta̱dde̱n ol cik e̱e̱ggi̱n i̱do̱ngi̱ kuturta mu̱nye̱n cigge̱k kar kanyait ruget ci aave udut ko̱ bu̱k.”

Buk wa To̱ni̱a̱u̱ 16:14

Ngaane ne̱k azikne ke̱, een imma zara Lydia ci orog ci een Thyatira, utene da̱ gon ru̱u̱ma̱ni̱ cik een lo̱ddi̱ng adak o̱ro̱bi̱ya̱ cik meelek. Een da̱ gon enne ngaa ci ala Ta̱mu̱ta̱dde̱n, oo Manyi zinin cinne abunna aziye zoz ci a̱du̱wa̱ Pa̱u̱lo̱.

1 Ko̱ri̱nto̱ 1:8

Azunnung atin enne i̱ge̱t okkomit kak zee ki̱ki̱ya̱ Ye̱su̱ Ki̱ri̱sto̱, kar abait baiz ci a̱li̱le̱ rok i̱i̱te̱ne̱ ci okko Manyi Ye̱su̱ obodak lo̱o̱c.

2 Ko̱ri̱nto̱ 1:15

Ka̱gga̱wa̱ zin anna zoz ci atalninnu niga ngatinna̱ng, korongi zin arrak ki̱vo̱nnu̱ng, kar atin Ta̱mu̱ta̱dde̱n ka̱mu̱yu̱ng lak rama.

2 Ko̱ri̱nto̱ 2:3

Zoz zin ci ketehera waraga ba̱li̱ye̱ ko̱, abunna ming kokko anna ka̱kku̱ni̱, gerza ming iróng ol ne̱ke̱ aanya ka̱vvu̱ labak, aburnekka nong. Korongi zin anna abunna ming atalninnu niga kar anna bu̱k katalo. Karikku̱ng anna i̱ge̱t zinin do̱o̱k, abunna ming kozol talninet cinanni ko̱ ki i̱ge̱t nga̱to̱de̱.

2 Ko̱ri̱nto̱ 7:16

Imma ngatinanni, katalne anna ngatinno̱ng oroot, aave zinin cinanne ngatinno̱ng oroot, eci anna ka̱gga̱ ngen niga ogonnu kaal cik abunna.

2 Ko̱ri̱nto̱ 9:4

Ming korkortta ki olli Macedonia u̱gge̱ rok i̱ge̱ta̱, abunna ming kamudanna ulutau niga o̱ro̱bi̱ya̱ ne̱ke̱ do̱o̱k. Ming ngen e̱de̱cca̱ lutenet o̱ro̱bi̱ya̱ ne̱ke̱, okko adakket a̱li̱ya̱ni̱, abarik adakkung a̱li̱ya̱ni̱ i̱ge̱t oroot.

Ga̱la̱ti̱a̱ 5:10

Ka̱gga̱ iróng atin niga elemnyyu zoz ci de̱me̱zzo̱k wak volongak, eci naga ka̱tu̱ Ta̱mu̱ta̱dde̱n. Okko atin Manyi etted lo̱ki̱ko̱ ci ol wak a̱ti̱kku̱ng tu̱.

Evesos 4:12

kar ol ciginnek ke̱de̱me̱zi̱t zoz ci a̱li̱ngli̱nge̱k nege Ta̱mu̱ta̱dde̱n kar ke̱le̱ci̱a̱ ci Ki̱ri̱sto̱ kanyak ol cik meelek.

Vilipia 1:10

kar atin niga a̱gga̱c gi̱i̱ ci abunna kar kize caala ci iróng anyak kaal cik gerzek zee ki̱ki̱ya̱ i̱i̱te̱ni̱ ci okko Ki̱ri̱sto̱ obodak lo̱o̱c,

Vilipia 1:29

A̱a̱nyu̱ng enne baiz ci ogon niko zo̱ze̱ ci Ki̱ri̱sto̱, ma a̱tu̱yyu̱ nonno do̱ niko, abarik bo̱do̱k amudannu atin pirnanet zo̱ze̱ cinne,

Vilipia 2:12

Gonogga wak zinino, gon ba̱li̱ye̱ ming kaavtte ki i̱ge̱t ojonun, o̱ngo̱o̱li̱nnu̱ niga Ta̱mu̱ta̱dde̱n odohize. I̱yo̱ko̱ zin kaave anna reena, abunna zin ming o̱ngo̱o̱li̱nnu̱ oroot. Abait zin go̱o̱le̱ ci amudannu niga ti̱ri̱ze̱ne̱t ko̱ ngo̱li̱nta̱ ki baritona,

Vilipia 2:13

eci Ta̱mu̱ta̱dde̱n ci a̱li̱ngli̱ng baize cunno̱ng kar ka̱a̱nyu̱ng zinin ci ogonnu kaal cik abunna ki ming a̱du̱wa̱ zoz cinne.

Vilipia 2:16

Ki i̱yo̱ko̱ ming anyikku niga ol kaviyak cik abunna anyaha zoz ci rugeto, kar atin ming okko Ki̱ri̱sto̱ oboda, katalne atin anna zo̱ze̱ cunno̱ng oroot. Kar anna ka̱gga̱ iróng li̱ngli̱ngo̱ni̱ cinanni okko ollin.

Kolosiya 2:12

Eci ogon ki ci a̱da̱yo̱zi̱u̱ng ol lo̱o̱k ki bali Ki̱ri̱sto̱ ngati a̱gga̱mnyu̱ niga ba̱ti̱ti̱mo̱, kar itingta ki nonno daiza tu̱we̱nta̱ doize ci Ta̱mu̱ta̱dde̱no̱ bali ingane nonno daiza ke̱.

1 Te̱se̱lo̱ni̱ka̱ 1:3

Ka̱a̱da̱nnu̱ng gon lawinte ci kalayya Ta̱mu̱ta̱dde̱n Be̱e̱ti̱nna̱ zo̱ze̱ ci li̱ngli̱ngo̱n wa ogonnu niga ko̱ ngati a̱tu̱yyu̱ nonno, kar inimet no̱ngi̱tto̱n ngati arikku zi̱nze̱tti̱ Manyitinna Ye̱su̱ Ki̱ri̱sto̱.

2 Te̱se̱lo̱ni̱ka̱ 1:11

Kalawekku̱ng Ta̱mu̱ta̱dde̱n odohize, kar Ta̱mu̱ta̱dde̱n kize ne abakttu go̱o̱le̱ ci abunna baize ci korongi abait ki bali ka̱du̱wa̱kku̱ng ke̱. Kalawekku̱ng bo̱do̱k Ta̱mu̱ta̱dde̱n cinna ka̱a̱nyu̱ng komiz ci ogonnu kaal cik abunna orongnyu u̱tu̱gu̱z eci niga a̱tu̱yyu̱ zoz ci Manyi Ye̱su̱.

2 Te̱se̱lo̱ni̱ka̱ 3:4

Ka̱gga̱yya̱ niko ming ebekkung Manyi, u̱zu̱tte̱ kaal balik kedemezung ke̱ ju̱rru̱m.

Vilomene 1:21

Keheriki anna i̱nne̱t waraga cu eci kariki anna i̱nne̱t zinin, e̱e̱ni̱ e̱e̱t ci o̱ngo̱o̱li̱na̱n, ka̱gga̱ ogoni atin i̱nna̱ kaal cik meelek cik ngen anna ki̱jji̱n bu̱k.

I̱bu̱ru̱ 10:35

Ma zin odotekku zoz ci arikku niga Ta̱mu̱ta̱dde̱n zi̱nze̱tti̱ ko̱ lo̱o̱c, a̱a̱nyu̱ng atin Manyi kaal cik abunna.

I̱bu̱ru̱ 12:2

Abunna karike zi̱nze̱tti̱ do̱o̱k Ye̱su̱ wa anyahakket tu̱we̱ne̱t kar kidiman tu̱we̱ne̱t cinna kubunna ju̱rru̱m. Eci enne ere talninet ci okko enne a̱ti̱ri̱ze̱t agita, inim zin enne daiz keete ci een ta̱la̱ke̱c zo̱ze̱ ci talninet neci, iróng enne ngen o̱ngo̱o̱le̱ gi̱i̱ imma. I̱yo̱ko̱ aanyik Ta̱mu̱ta̱dde̱n nonno ka̱vvu̱ ngatinne a̱tte̱ ci a̱zzo̱ ta̱mu̱-kenga.

1 Peturu 5:10

Ma zin Ta̱mu̱ta̱dde̱n a̱a̱nyu̱ng i̱ge̱t deten do̱o̱k, ngati ipirtayyu niga, okko atin Ta̱mu̱ta̱dde̱n a̱a̱nyu̱ng okkomit kak kar bo̱do̱k ki̱ti̱ri̱zzu̱ng udut, nonno nenen ci i̱tto̱na̱ne̱ enne Ye̱su̱ Ki̱ri̱sto̱ kar ki̱ki̱ya̱ atahalaung ko̱.

2 Peturu 3:10

Abarik atin i̱i̱te̱ni̱ ci Manyi a̱kku̱ kiwagon ogoryaiti, iróng e̱e̱ti̱ imma a̱gga̱. Okko i̱i̱te̱ne̱ neci a̱zze̱ atin ta̱mu̱-kengi ne dakdak. Imma koor ki nye̱lo̱k ki munyuny atuze gwo̱o̱ya̱ ne lai. Atuze atin looci ki kaal do̱o̱k wak aavtte lo̱o̱ta̱ ngatu ko̱ ne lai, kar kaala do̱o̱k ki̱ye̱lta̱i̱.