Vilipia 1:27 - Tennet

²⁷ Ming i̱na̱ku̱ng no̱ngi̱tto̱na̱ uggak, abait baiz ci abunna anyahak bunnat kaviyaha cik Ki̱ri̱sto̱. Ming ki̱vo̱nnu̱ng icima iróng ka̱kku̱ni̱, ka̱gga̱ atin anna abakku niga baiz ju̱rru̱m nga̱to̱de̱, okkomnu kak, ogon ki e̱e̱ti̱ co̱de̱ ming a̱tu̱ kaviyak cik abunna.

Vilipia 1:27 ပူးပေါင်းရင်းမြစ်များ

Ma̱te̱yo̱ 12:25

A̱gga̱ Ye̱su̱ kaal cik i̱no̱n nege ko̱ veelek, kar zin kize ne, “Ming oorto ol cik alaan co̱de̱, a̱li̱be̱ alaanzet cinne̱ng, kar zin bo̱do̱k ce̱e̱z ci engerone ol, iróng ce̱e̱z neci angida.

Buk wa To̱ni̱a̱u̱ 2:46

Alute nege odohize reene ci Ce̱e̱z wa Ta̱mu̱ta̱dde̱no̱, kar zin kozolit da̱i̱ne̱t ce̱e̱zi̱nne̱, adakce talninta, zi̱nze̱tti̱nne̱ cik abunna,

Buk wa To̱ni̱a̱u̱ 24:24

Baling e̱de̱cca̱ i̱i̱nya̱ u̱gge̱, i̱vi̱ta̱ Ve̱li̱ce̱ ki ngaa cinne een zara Drusilla, een enne Ya̱u̱do̱c. I̱tto̱n ol koot kanyakta Pa̱u̱lo̱ ki̱ki̱ya̱ kuwahek nogo zoz ci obod ki tu̱we̱ne̱t ngati Ye̱su̱ Ki̱ri̱sto̱.

Buk wa To̱ni̱a̱u̱ 4:32

O̱do̱ye̱ da̱ ol wak a̱tu̱we̱ zi̱nze̱tti̱ cigge̱k ne ṯok. I̱llo̱i̱ rok e̱e̱t co̱de̱ ci azi ne, een ba̱li̱ye̱ i̱jjo̱ ne̱ke̱ ciginnek, abarik nege ozol kaal cik anyak do̱o̱k.

Roma 1:16

Iróng anna ko̱ngo̱o̱le̱ kar kuwahek ol kaviyak cik abunna, eci kaviyaha anyak doiz ci Ta̱mu̱ta̱dde̱no̱ anyike ol wak elemi nonno do̱o̱k ti̱ri̱ze̱ne̱t. Kuwahek anna kaviyak ne̱ko̱ arrak Ya̱u̱d, kar zin ol wak iróng een Ya̱u̱d.

Roma 1:5

Imma zin ngati Ye̱su̱ Manyi bunnat, aanya enne annit deten ci keene to̱ni̱a̱t ci kar kuwahek ol kaviyak waginnek abunna, kar ol wak iróng een Ya̱u̱d do̱o̱k ku̱tu̱we̱t nonno, kar ku̱zu̱tte̱ zoz neci.

Roma 1:9

A̱gga̱ Ta̱mu̱ta̱dde̱n ming kalawekku̱ng anna i̱ge̱t Ta̱mu̱ta̱dde̱n zinine cinanni do̱o̱k odohize, kuwahek ol kaviyak cik abunna obod ki Ngerinne.

Roma 10:8

Abarik ol wak a̱tu̱ Ye̱su̱ a̱du̱wa̱ zoz ci azi ba̱li̱ye̱ bo̱do̱k Musesi ne, “Ojon zoz ci Ta̱mu̱ta̱dde̱no̱ ngatinno̱ng, anyakku niga u̱tu̱ge̱tti̱ne̱ icima zi̱nze̱tti̱nne̱,” kozoz zoz neci odohize. Een necu zoz ci tu̱we̱nto̱ kuwaheka naga ol.

Roma 15:16

Ahalana Ta̱mu̱ta̱dde̱n kar abunna ka̱li̱ngli̱nge̱k Ye̱su̱ Ki̱ri̱sto̱ kize tuwayoit orgene ci ol wak iróng een Ya̱u̱d, kar ki̱ye̱le̱k nogo kaviyak cik abunna. Ogon Ta̱mu̱ta̱dde̱n niko kar ol wak iróng een Ya̱u̱d kumucet Ta̱mu̱ta̱dde̱n, bak elemi enne muci ci aanyik nogo Vongizi ci A̱li̱le̱.

Roma 15:29

Ka̱gga̱ ming kokko ki̱vo̱nnu̱ng, a̱ma̱yu̱kke̱t atin Ki̱ri̱sto̱ agit do̱o̱k.

1 Ko̱ri̱nto̱ 1:10

Kilalekkung gotonogga ki ngonogga tu̱we̱nta̱, zare cik Manyitinna Ye̱su̱ Ki̱ri̱sto̱, abunna ming owowonu niga do̱o̱k kar ki̱zzi̱ zoz ci anyaha ngero orgen cunno̱ng kar abait baiz ngati arumenu nga̱to̱de̱ ki i̱no̱ni̱ co̱de̱.

1 Ko̱ri̱nto̱ 15:58

Gotonogga ki ngonogga tu̱we̱nta̱, ibilet ju̱rru̱m ci iróng gi̱i̱ imma omonung tu̱we̱nta̱. Abunna ming anyikku e̱le̱tti̱ cuggo̱k li̱ngli̱ngo̱n ci Manyi, eci li̱ngli̱ngo̱ni̱ cunno̱ng ngati Manyi iróng e̱de̱nye̱.

2 Ko̱ri̱nto̱ 13:11

I̱yo̱ko̱ zin, Gotonogga ki ngonogga tu̱we̱nta̱, a̱vvu̱t labak. U̱tu̱gu̱z kaal ju̱rru̱m, u̱zu̱tte̱ zoz ci ku̱du̱wa̱ anna ko̱. Abait ki ol labak. Kala Ta̱mu̱ta̱dde̱n wa anyak rezinet ki gano kar ka̱vvu̱ ngatinno̱ng.

2 Ko̱ri̱nto̱ 4:4

Okko lo̱rye̱nti̱ wa een manyi lo̱o̱c cu, eceba o̱o̱tti̱ cik ol wak iróng a̱tu̱we̱. Alam nogo gerza ming iróng a̱gga̱ vooriten ci kaviyak cik abunna ka̱di̱ngdi̱nga̱ne̱ naga Ki̱ri̱sto̱ ko̱. Ogon Ki̱ri̱sto̱ ki Ta̱mu̱ta̱dde̱n kaale do̱o̱k.

2 Ko̱ri̱nto̱ 9:13

Imma go̱o̱le̱ ci eelannu ollik Ta̱mu̱ta̱dde̱no̱ ko̱, ovvo atin nege innat Ta̱mu̱ta̱dde̱n. A̱tu̱yyu̱ niga zoz ci Ki̱ri̱sto̱, o̱ngo̱o̱li̱nnu̱ Manyi kar ozolit o̱ro̱bi̱ya̱ ki ol cik Ta̱mu̱ta̱dde̱no̱.

Ga̱la̱ti̱a̱ 1:7

Iróng kaviyaha ne̱ko̱ een de̱de̱. Abarik anyak ol cik u̱la̱llu̱ng i̱ba̱ti̱ne̱ orong abunna ming uhuyu kaviyak cik abunna obod ki Ki̱ri̱sto̱ ko̱.

Evesos 1:13

Anyahaung bo̱do̱k Ye̱su̱ zoz ci een de̱de̱, een zoz neci kaviyak cik abunna, i̱ye̱le̱kku̱ng gool ci a̱ti̱ri̱zu̱ng Ta̱mu̱ta̱dde̱n. Arikku niga zi̱nze̱tti̱ Ye̱su̱ kar zin Ta̱mu̱ta̱dde̱n ka̱a̱nyu̱ng Vongiz ci A̱li̱le̱ ki̱ye̱la̱ e̱e̱ggi̱nnu̱ niga ol ciginnek.

Evesos 1:15

Kiziya anna tu̱we̱ne̱t cunno̱ng a̱tu̱yyu̱ Manyi Ye̱su̱ ki rezinet ci irezzu niga olli Ta̱mu̱ta̱dde̱no̱ do̱o̱k.

Evesos 4:1

Eci kaale cik u̱tu̱gu̱we̱u̱ng Manyi Ye̱su̱, kecebje zin anna zo̱ze̱ ci ka̱li̱ngli̱ngo̱ni̱ke̱ nonno, kilalekkung zin anna i̱ge̱t abait baiz ci ol wak a̱tu̱we̱ balik atahalak Ta̱mu̱ta̱dde̱n ele cinne.

Vilipia 1:5

Imma zo̱ze̱ ci kozol naga ki i̱ge̱ta̱ ngati kuwahek ol kaviyak cik abunna balik iziktu niga bali oowa ke̱.

Vilipia 2:12

Gonogga wak zinino, gon ba̱li̱ye̱ ming kaavtte ki i̱ge̱t ojonun, o̱ngo̱o̱li̱nnu̱ niga Ta̱mu̱ta̱dde̱n odohize. I̱yo̱ko̱ zin kaave anna reena, abunna zin ming o̱ngo̱o̱li̱nnu̱ oroot. Abait zin go̱o̱le̱ ci amudannu niga ti̱ri̱ze̱ne̱t ko̱ ngo̱li̱nta̱ ki baritona,

Vilipia 2:24

Ka̱gga̱ zin anna zare cik Manyi keronakkung atin anna i̱ge̱ta̱ eliya ataman.

Vilipia 3:18

Ku̱du̱wa̱u̱ng anna i̱ge̱t zoz necu oowa lak cik meelek giir, anyak ol cik meelek abak kizeto mo̱ddo̱ cik ta̱la̱ke̱c ci Ki̱ri̱sto̱. Imma i̱yo̱ko̱ ki ti̱la̱lo̱ eberene kobodonik ka̱du̱wa̱kku̱ng dee.

Vilipia 3:20

Ma̱i̱je̱ naga ke̱e̱ggi̱n ol cik ta̱mu̱-kengo. Kere zin naga oroot Ti̱ri̱zo̱i̱t Manyi Ye̱su̱ Ki̱ri̱sto̱ ci atin a̱kku̱ ta̱mu̱-kenga.

Vilipia 4:1

Gotonogga ki ngonogga wak zinino, korongi gon anna kar kurumte ki i̱ge̱ta̱, eci gon aanyang niga annita talninet kar bo̱do̱k anna kodong ele ngatinno̱ng. Ibilet zin ju̱rru̱m ngati Manyi.

Kolosiya 1:10

Kalayya Ta̱mu̱ta̱dde̱n kar niga abait baiz ci abunna orong Manyi, kar enne katalo kaale cik ogonnu niga do̱o̱k: Anyak zoz ci a̱li̱ngli̱ngnyu̱ niga kaale cik abunna, amudannu zoz ci a̱gga̱yyu̱ Ta̱mu̱ta̱dde̱n ju̱rru̱m.

Kolosiya 1:4

eci kizikta naga tu̱we̱ne̱t ci anyakku ngati Ye̱su̱ Ki̱ri̱sto̱, ki rezinet ci irezzu niga ol cik Ta̱mu̱ta̱dde̱no̱ do̱o̱k.

1 Te̱se̱lo̱ni̱ka̱ 3:6

Obodait i̱yo̱ko̱ Ti̱mo̱te̱yo̱ anyahait kaviyak cik abunna obod ki tu̱we̱ne̱t ci a̱tu̱yyu̱ niga Ye̱su̱ wa atahalai. Ngen bo̱do̱k niga irezzu ol wak a̱tu̱we̱ ki ol u̱gge̱ bu̱k. A̱nne̱kke̱t ne i̱no̱nnu̱ gon zi̱nze̱tti̱nne̱, kar orongnyu i̱vo̱nte̱ttu̱ ki i̱yo̱ko̱ ming korongnya naga bu̱k kicinttung ko̱.

1 Te̱se̱lo̱ni̱ka̱ 4:1

Ma zin i̱yo̱ko̱ vu̱rrte̱ ci waraga cu, gotonogga ki ngonogga tu̱we̱nta̱, kedemezteung ri̱t gool ci abakku ju̱rru̱m katal Ta̱mu̱ta̱dde̱n. Ma̱i̱je̱ zin i̱yo̱ko̱ kilalekkung ki̱lo̱tu̱ng zare cik Manyi Ye̱su̱ kar abait ki ol labak kommog baiz necu.

1 Ti̱mo̱te̱yo̱ 1:11

orkor ki kaviyak cik abunna Ta̱mu̱ta̱dde̱no̱ manyi ma̱yu̱we̱ne̱t balik i̱lo̱ti̱ka̱ enne annit ke̱.

1 Ti̱mo̱te̱yo̱ 1:19

Anyak ol u̱gge̱ cik iróng arike tu̱we̱ne̱t zi̱nze̱tti̱, bak a̱ddu̱te̱ tu̱we̱ne̱t cinne̱ng ki i̱ra̱na̱ cik aavtte de̱e̱ra̱.

2 Ti̱mo̱te̱yo̱ 4:7

Ku̱tu̱gu̱ gi̱i̱ ci abunna li̱ngli̱ngo̱nte̱ ci Ta̱mu̱ta̱dde̱no̱. Kedeca li̱ngli̱ngo̱n bali orong Ta̱mu̱ta̱dde̱n kar kidimanek nonno lo̱o̱ta̱ ngatu ke̱. Kuzute tu̱we̱ne̱t zo̱ze̱ cinne oroot.

Ti̱to̱ 2:10

Gerza bo̱do̱k ming ogoroz kaal cik ma̱ci̱gi̱nnu̱. Abarik abunna ming ogon kaal cik een de̱de̱, kar ol kelemtta de̱mzi̱ne̱t ci Ta̱mu̱ta̱dde̱no̱ wa een Ti̱ri̱zo̱i̱t cinna.

Vilomene 1:5

eci anna kiziya tu̱we̱ne̱t ci a̱tu̱we̱ i̱nna̱ Manyi Ye̱su̱ ki rezinet ci ireze i̱nna̱ ol cik Ta̱mu̱ta̱dde̱no̱ do̱o̱k.

Je̱mi̱s 3:18

Imma ol cik anyaha gano ko̱, aanyik ol cik meelek kubunnta.

2 Peturu 3:11

Aditai atin kaala veelek go̱o̱le̱ necu. Abunna zin ming abakku baiz ci a̱li̱le̱ o̱ngo̱o̱li̱nnu̱ Ta̱mu̱ta̱dde̱n kar i̱li̱ngli̱nge̱t zoz cinne.

2 Peturu 3:14

Gotonogga ki ngonogga tu̱we̱nta̱, ming ngen niga erewinnu ko̱, abait baiz ci a̱li̱le̱, i̱llo̱i̱ rok gi̱i̱ imma ci gerze, kar bo̱do̱k abait yahe.

Ju̱da̱ 1:3

Gotonogga ki ngonogga wak zinino, korongi anna de̱de̱ ketehereung zoz ci obod ki ti̱ri̱ze̱ne̱t ci Ta̱mu̱ta̱dde̱no̱ kozol naga ko̱, abarik korongi ketehereung kilalekkung abunna ming keleno ki tu̱we̱ne̱t ci a̱kku̱ lak co̱de̱ ko̱, aanyik Manyi ol wak a̱tu̱we̱ ko̱.