Vilipia 1:17 - Tennet

¹⁷ Imma ol wak een mederyok ko̱, uwahek ol zoz ci Ki̱ri̱sto̱ go̱o̱le̱ ci oronge nege kaal cik orong zi̱nze̱tti̱ cigge̱k, iróng een zoz ci een de̱de̱, orong nege kamarta annita nong ming kecebje lagama niko ko̱.

Vilipia 1:17 ပူးပေါင်းရင်းမြစ်များ

Lu̱ka̱ 21:14

Abarik odolta zi̱nze̱tti̱nne̱, ma o̱ngo̱o̱li̱nnu̱ zoz ci ovvo niga eelannu e̱le̱tti̱ ciggo̱k lo̱ki̱ka̱.

Buk wa To̱ni̱a̱u̱ 22:1

“Gotonogget ki be̱e̱ti̱ga̱ni̱k, izikttang annita, korongi koobekkung zoz cinanni ju̱rru̱m.”

Buk wa To̱ni̱a̱u̱ 26:1

Iizek zin Agirippa Pa̱u̱lo̱ ne, “Kaanyi zoz zoz cunne eliya.” Odong Pa̱u̱lo̱ a̱zzi̱t kar zin enne ku̱du̱wa̱ zoz cinne:

Buk wa To̱ni̱a̱u̱ 26:24

Baling ngen Pa̱u̱lo̱ ozozi, etteddek Vestusi Pa̱u̱lo̱ zoz, egerenyek a̱nne̱k ne, “Adaki ngamoni Pa̱u̱lo̱! Aanyi de̱mzi̱ne̱t ci a̱ppwe̱ ko̱ ngamon.”

Roma 2:8

Imma ngati ol wak a̱ppi̱nte̱k zi̱nze̱tti̱, ogon kaal cik gerzek, i̱ye̱la̱ atin enne mozinet cinne ngati e̱e̱t ci abure zoz ci een de̱de̱.

Vilipia 1:18

Abarik iróng zin zoz necu ogon gi̱i̱ imma, zoz ci riili icu, ming uwak ol zoz neci zi̱nze̱tti̱nne̱ cik gerzek icima cik abunna, uwahe zoz ci Ki̱ri̱sto̱. Kar zin zo̱ze̱ necu katalne zin anna. De̱de̱, katalne atin anna udut,

Vilipia 1:7

Aavtiyyu niga odohize zinine cinanni, kirezung anna i̱ge̱t oroot, abunna zin ming kabai anna go̱o̱le̱ necu ngatinno̱ng. Ming kaave ngati kapirnane lagama ko̱ icima kuwahek ol kaviyak cik abunna, eeltau niga do̱o̱k li̱ngli̱ngo̱n ci kozol naga ki i̱ge̱t deten ci Ta̱mu̱ta̱dde̱no̱ ki annit bu̱k.

Vilipia 2:3

Ma anyakku meder icima zoz ci odongnyu e̱le̱tti̱, abarik izet ol cik gununik kar aanycik ol u̱gge̱ kizeto riile kommogit e̱le̱tti̱ cuggo̱k.

1 Ti̱mo̱te̱yo̱ 2:7

Atahala Ta̱mu̱ta̱dde̱n annit kize zoc ki to̱ni̱a̱t ci kedemezek ol cik iróng een Ya̱u̱d tu̱we̱ne̱t ci een de̱de̱. Iróng kovolongi, ka̱du̱wa̱ zoz ci een de̱de̱.

2 Ti̱mo̱te̱yo̱ 2:9

Kapirna zo̱ze̱ ci kuwaheke ol kaviyak cik abunna ko̱. Kecebje lagama kiwagon mu̱ju̱li̱, iróng zin zoz ci Ta̱mu̱ta̱dde̱no̱ bu̱k e̱ce̱bje̱.

2 Ti̱mo̱te̱yo̱ 4:16

Imma i̱i̱te̱ne̱ bali kozoza lo̱ki̱ko̱ ke̱, kozozi zoz cinanni do̱, odoteya ol do̱o̱k annit lo̱o̱c, i̱llo̱i̱ e̱e̱t ci eelanna zoza. Anyik Manyi kalalek nogo.