Vilipia 1:10 - Tennet

¹⁰ kar atin niga a̱gga̱c gi̱i̱ ci abunna kar kize caala ci iróng anyak kaal cik gerzek zee ki̱ki̱ya̱ i̱i̱te̱ni̱ ci okko Ki̱ri̱sto̱ obodak lo̱o̱c,

Vilipia 1:10 ပူးပေါင်းရင်းမြစ်များ

Kananet 20:5

Ngen enne kizeya annit ne, ‘Een enne ngooni,’ ngen bo̱do̱k Sarah bu̱k kizeya annit ne, ‘Een enne gotona’? Ku̱tu̱gu̱ anna zoz necu zinine ci abunna ki azzin cik caalek.”

Ma̱te̱yo̱ 16:23

Egelem Ye̱su̱, Peturu kar kize ne, “A̱vvu̱ reena ngatinanni, Sitan! E̱e̱ni̱ i̱nna̱ e̱e̱t ci acazan zoza; iróng i̱nna̱ anyai zoz ci Ta̱mu̱ta̱dde̱no̱ zinina, abarik anyai i̱nna̱ zoz ci e̱e̱t ci diiri.”

Ma̱te̱yo̱ 26:33

Itinga Peturu, a̱nne̱k Ye̱su̱ ne, “Ming utungtei nuyaha i̱nne̱t do̱o̱k lo̱o̱c, iróng anna kungneki lo̱o̱c udut.”

Kaviyak wak Abunna Ta̱mu̱ta̱dde̱no̱ eher Joni 1:47

Baling icin Ye̱su̱ Nathanael ming a̱kku̱nna̱k nonno, izek nonno ne, “Cin e̱e̱t ci Israiloc de̱de̱, iróng anyak volong.”

Kaviyak wak Abunna Ta̱mu̱ta̱dde̱no̱ eher Joni 3:20

Abure ol ne̱k ogon mu̱nye̱n ko̱ tukulec, iróng orong ki̱vi̱ta̱k tukulec, eci o̱ngo̱o̱le̱ i̱ye̱la̱ atin mu̱nye̱n cigge̱k.

Buk wa To̱ni̱a̱u̱ 24:16

Kar zin zo̱ze̱ necu odohize korongi kanyik zinin cinanni kubunna ngu̱me̱ ci Ta̱mu̱ta̱dde̱no̱ ki bo̱do̱k ngati ol cik diirik.

Roma 12:2

Ma abakku baiz ci abahe ol cik lo̱o̱tu̱ ko̱, abarik aanycik Ta̱mu̱ta̱dde̱n kutuhu zi̱nze̱tti̱ ciggo̱k ki gool ci i̱no̱nnu̱ niga, kar izet ol cik ogon kaal cik abunna irez enne.

Roma 12:9

Abunna ming irezzu ol rezinet wa een de̱de̱ zi̱nze̱tti̱nne̱ cuggo̱k. Amartoi gi̱i̱ ci gerze; odokta gi̱i̱ye̱ ci abunna.

Roma 16:17

Gotonogga ki ngonogga tu̱we̱nta̱, kilalekkung kar icinnet ju̱rru̱m ol wak adiryung zoza baiza, anyaha ngero orgene cunno̱ng, kar bo̱do̱k ki̱ti̱tu̱ng tu̱ go̱o̱le̱ ci de̱mzi̱ne̱t ci tu̱we̱nto̱. A̱vvu̱t reena ngatinne̱ng.

Roma 2:18

ming a̱gga̱yyu̱ niga zoz cinne kar u̱tu̱gu̱z gi̱i̱ ci een de̱de̱ eci lo̱ti̱nno̱k cik i̱ye̱le̱kku̱ng;

Roma 7:16

Ma̱i̱je̱ nu̱nu̱n ming ku̱tu̱gu̱ gi̱i̱ ci iróng anna korongi kar ku̱tu̱gu̱, ngen anna kelemi niko een lo̱ti̱nno̱wa̱ kaal cik abunna.

Roma 7:22

Kelemi zin anna zinine cinanni do̱o̱k lo̱ti̱nno̱k cik Ta̱mu̱ta̱dde̱no̱.

Roma 8:7

Okko e̱e̱ti̱ ci i̱no̱n kaal cik gerzek amin zinin cinne ko̱, ooro enne ki Ta̱mu̱ta̱dde̱n, eci iróng enne o̱ngo̱o̱le̱ lo̱ti̱nno̱k ciginnek, iróng o̱ngo̱o̱le̱ i̱yo̱ko̱ niko, icima iróng bo̱do̱k enne o̱ngo̱o̱le̱ atin udut.

1 Ko̱ri̱nto̱ 1:8

Azunnung atin enne i̱ge̱t okkomit kak zee ki̱ki̱ya̱ Ye̱su̱ Ki̱ri̱sto̱, kar abait baiz ci a̱li̱le̱ rok i̱i̱te̱ne̱ ci okko Manyi Ye̱su̱ obodak lo̱o̱c.

1 Ko̱ri̱nto̱ 10:32

Abait baiz ci abunna, ci iróng acazu e̱e̱t imma, icima olli Ya̱u̱do̱, icima olli Gi̱ri̱yo̱, icima ol wak a̱tu̱ Ta̱mu̱ta̱dde̱n.

1 Ko̱ri̱nto̱ 8:13

I̱yo̱ko̱ zin, ming kanyike anna gotona tu̱we̱nta̱ kadak gi̱i̱ ci iróng enne orong kar ku̱tu̱gu̱ mu̱nye̱n, iróng bo̱do̱k anna ngen kadai da̱i̱ne̱t ne̱ke̱ udut, gerza ming kanyike nonno ku̱tu̱gu̱ mu̱nye̱n.

2 Ko̱ri̱nto̱ 1:12

Katalninna gi̱i̱ye̱ co̱de̱ baize cinna, i̱ye̱le̱kke̱t zi̱nze̱tti̱ cigga̱c kabakta baiz ci abunna ki̱ti̱ri̱ztta̱ ol ju̱rru̱m, ommogje baling ngen kabak ki i̱ge̱t ke̱. Aanyyet Ta̱mu̱ta̱dde̱n deten ci kabahe, iróng een genyize ci lo̱o̱tu̱.

2 Ko̱ri̱nto̱ 2:17

Iróng naga kogonna ki ol uggak cik uwahek ol zoz ci Ta̱mu̱ta̱dde̱no̱ go̱o̱le̱ ci oronge ba̱a̱li̱ne̱t. Abarik zin naga do̱o̱k iróng kogon niko, kuwahekka ol zoz ci Ye̱su̱ Ki̱ri̱sto̱ wa een de̱de̱, kogon ki ol wak i̱tto̱na̱i̱ Ta̱mu̱ta̱dde̱na̱.

2 Ko̱ri̱nto̱ 6:3

Iróng naga kalamnyya ol ngati a̱tu̱we̱ zoz ci Ye̱su̱, abunna iróng ol atin ibbez li̱ngli̱ngo̱n cinna ngati ka̱li̱ngli̱nge̱k Ta̱mu̱ta̱dde̱n.

2 Ko̱ri̱nto̱ 8:8

Iróng anna kadangekkung abunna ming ogonnu kaal ne̱ke̱. Eci kicina ol wak a̱tu̱we̱ o̱ro̱gjo̱we̱ ugganik ming anyak zi̱nze̱tti̱ cik voorik orongnyet keeltta ol wak a̱tu̱we̱, korongi ku̱du̱wa̱u̱ng katimani anna rezinet cunno̱ng ming irezzu niga ol de̱de̱.

Ga̱la̱ti̱a̱ 5:11

Gotonogga ki ngonogga tu̱we̱nta̱, ming ngen anna ke̱de̱me̱zi̱ ol zoz ci ettede ol vi̱ca̱vi̱cce̱t kize gool ci amudanne ol baiz ci abunna Ta̱mu̱ta̱dde̱no̱, inya bo̱do̱k ming a̱gi̱dda̱ ol ko̱? Ka̱gga̱ ngen ol a̱gi̱dda̱ annit eci kuwahek ol zoz ci a̱ti̱ri̱ze̱ Ta̱mu̱ta̱dde̱n nogo go̱o̱le̱ ci a̱da̱kne̱ Ye̱su̱ ta̱la̱ke̱ca̱ do̱ niko kar kaara ol mu̱nye̱n.

Evesos 4:15

Abarik gon ming kozoz zoz ci een de̱de̱ rezinta, aanyet ku̱du̱kta̱ zoz ci een de̱de̱. Kar zin naga kitilizet ju̱rru̱m ki i̱yo̱ko̱ Ki̱ri̱sto̱ ko̱, ming een oo

Evesos 5:10

U̱tu̱gu̱z kaal cik aanyik Manyi katalo.

Evesos 5:27

Ogon Ki̱ri̱sto̱ zoz necu kar atin ki̱di̱ngdi̱nga̱ni̱t ke̱le̱ci̱a̱ ci a̱li̱le̱ ko̱, ki̱zzi̱ rok gi̱i̱ imma ci anganye ol nonno to.

Evesos 6:24

Anyik Ta̱mu̱ta̱dde̱n kanyik deten ol do̱o̱k wak irez Manyitinna Ye̱su̱ Ki̱ri̱sto̱ rezinte ci iróng a̱da̱i̱.

Vilipia 1:16

Ogon nege rezinta, a̱gga̱ kecebje anna zo̱ze̱ ci kaviyak cik abunna ko̱.

Vilipia 1:6

Ka̱gga̱ anna zoz ci kozozi ko̱, edeccak atin Ta̱mu̱ta̱dde̱n bali akane zoz ci abunna baize cunno̱ng ke̱, li̱ngli̱ngo̱n cinne zee ki̱ki̱ya̱ i̱i̱te̱ni̱ ci okko Ye̱su̱ Ki̱ri̱sto̱ obodak lo̱o̱c.

Vilipia 2:16

Ki i̱yo̱ko̱ ming anyikku niga ol kaviyak cik abunna anyaha zoz ci rugeto, kar atin ming okko Ki̱ri̱sto̱ oboda, katalne atin anna zo̱ze̱ cunno̱ng oroot. Kar anna ka̱gga̱ iróng li̱ngli̱ngo̱ni̱ cinanni okko ollin.

1 Te̱se̱lo̱ni̱ka̱ 3:13

Ma̱i̱je̱ go̱o̱le̱ neci a̱a̱nyu̱ng Ta̱mu̱ta̱dde̱n elemit ol ko̱, a̱a̱nyu̱ng atin okkomit tu̱we̱nta̱ bu̱k, kar izet ol cik i̱llo̱i̱ rok ba̱ci̱nno̱k ngu̱me̱ ci Ta̱mu̱ta̱dde̱n Be̱e̱ti̱nna̱, ming okko Ye̱su̱ Manyi oboda, orkora atin ki ollinne wak a̱li̱le̱ do̱o̱k.

1 Te̱se̱lo̱ni̱ka̱ 5:21

Abarik erenyyit no̱ngi̱tto̱n ne̱ke̱ ju̱rru̱m kar atahaltta wak abunna a̱vvu̱ Ta̱mu̱ta̱dde̱na̱.

1 Te̱se̱lo̱ni̱ka̱ 5:23

Kala Ta̱mu̱ta̱dde̱n manyi gano ka̱a̱nyu̱ng abait labak, kidimanung izet caale udut. Ka̱a̱nyu̱ng baiz ki vongiz cunno̱ng do̱o̱k ki̱zze̱c ba̱ci̱no̱wa̱ zee kobodak Manyitinna Ye̱su̱ Ki̱ri̱sto̱ lo̱o̱c.

1 Jon 4:1

Gotonogga ki ngonogga tu̱we̱nta̱, ma a̱tu̱yyu̱ zoz ci ol cik azi ne kanyaka Vongiz ci Ta̱mu̱ta̱dde̱no̱, abarik abunna ming atimanu vongizzok ming e̱e̱ggi̱n cik Ta̱mu̱ta̱dde̱no̱ de̱de̱, eci anyak a̱ri̱tto̱k cik meelek volongak i̱vi̱tta̱k lo̱o̱c cu.

O̱no̱zzo̱k 2:2

Ka̱gga̱ anna li̱ngli̱ngo̱n cunno̱ng ki nimenet no̱ngi̱tto̱n. Ka̱gga̱ iróng niga elemnyyu ol cik mu̱nye̱nu̱, itimanttu niga ol cik azi ne ke̱e̱ggi̱nna̱ to̱ni̱a̱k cik Ye̱su̱, iróng zin een de̱de̱, amuda e̱e̱ggi̱n nege volongnyok iróng e̱e̱ggi̱n to̱ni̱a̱k cigannik.