Ti̱to̱ 2:14 - Tennet

¹⁴ Aanyik enne ele cinne kize wawac, kar keelawet ba̱ci̱no̱we̱, kar kidimanit kizet caale, kar zin kaanyyet kizet ol ciginnek, kar koronggit ku̱tu̱gu̱z oroot kaal cik abunna do̱ niko.

Ti̱to̱ 2:14 ပူးပေါင်းရင်းမြစ်များ

Kananet 48:16

Anjilo wa eelanna annit kaale cik gerzek do̱o̱k, anyik bai nonno ka̱mu̱yu̱k logoz ne̱ko̱. Anyik bai ol kutu nogo zare cigannik ki zar cik be̱e̱ti̱ga̱ni̱k Aburaham ki I̱sa̱ko̱, anyik bai nogo ki̱ti̱rre̱t kizeto meele giir lo̱o̱ta̱ ngatu.”

Lu̱ge̱z 15:16

okko atin bba̱ri̱to̱ni̱ i̱i̱na̱k nogo. Eci doize ci Ta̱mu̱ta̱dde̱no̱, okkomi atin nege kiwagon be, zee ki̱vi̱ta̱ ol cigunnek kozoroc, Manyi, zee kozoroc ol balik anyaha i̱nna̱ ke̱.

Ma̱te̱yo̱ 1:21

Imma atin vu̱rrta̱, ming i̱ti̱rya̱i̱, a̱ka̱tte̱k do̱le̱c zar cik azi ne Ye̱su̱, eci okko atin enne eela ol ciginnek mu̱nye̱ne̱.”

Ma̱te̱yo̱ 20:28

Imma Ngerrti E̱e̱to̱ iróng a̱kku̱ ki̱vi̱ta̱ ol ki̱li̱ngli̱ngte̱k nonno, abarik, a̱kku̱ ki̱ki̱ya̱ ki̱li̱ngli̱nge̱k ol, kar kaanyik baiz cinne kize wawac ci ol cik meelek.”

Ma̱te̱yo̱ 3:12

Ogon enne ki e̱e̱ti̱ ci anyak uduc ci aanye labi kar kidima lotulany kutuz gwo̱o̱ye̱ ci iróng adite, kar kidima labi cik caalek ku̱du̱te̱k de̱he̱r.”

Kaviyak wak Abunna Ta̱mu̱ta̱dde̱no̱ eher Joni 10:15

Ki i̱yo̱ko̱ ming a̱gga̱ya̱ Baba annit ko̱, ka̱gga̱ anna bu̱k nonno. Ka̱da̱i̱ vu̱rrte̱ ci eeza cigannik.

Kaviyak wak Abunna Ta̱mu̱ta̱dde̱no̱ eher Joni 6:51

Ke̱e̱ni̱ anna da̱i̱ne̱t wa rugeto, kalucai ta̱mu̱-kenga. Ming adak e̱e̱ti̱ imma da̱i̱ne̱t ne̱ko̱, abak atin enne udut. Een da̱i̱ne̱t ciko ele cinanni, ci kanyike kize ruget ci olli lo̱o̱tu̱.”

Buk wa To̱ni̱a̱u̱ 15:14

Oobekket Si̱mo̱ne̱ zoz wa a̱kku̱na̱ke̱ Ta̱mu̱ta̱dde̱n ol cik iróng een Ya̱u̱d, orong kanyaha ol ne̱ko̱ u̱gge̱ kizeto ciginnek.

Buk wa To̱ni̱a̱u̱ 15:9

Katubo naga do̱o̱k ngu̱me̱ cinne, eci enne adiman zi̱nze̱tti̱ cigge̱k kizeto caale tu̱we̱nte̱ ci anyak nege.

Buk wa To̱ni̱a̱u̱ 20:28

U̱zu̱tte̱ e̱le̱tti̱ ciggo̱k ki ol wak a̱a̱nyu̱ng Vongizi ci A̱li̱le̱, abunna ming aballu nogo. Izet tuwayok cik ke̱le̱ci̱a̱ ci Ta̱mu̱ta̱dde̱no̱, wak balik uuta Ye̱su̱ bi̱ye̱te̱ ciginnek ke̱.

Buk wa To̱ni̱a̱u̱ 9:36

Anyak nuyait imma ci nga̱a̱ye̱ een zara Tabita, azi keng cik zar ciginnek ne Dorkas, a̱kku̱ enne o̱rge̱ ci een zara Joppa, ogon da̱ gon kaal cik abunna kar bo̱do̱k keela ol wak amati.

Ga̱la̱ti̱a̱ 1:4

A̱gga̱yyu̱ niko aanyik Ye̱su̱ ele cinne kize wawac ci aara ol mu̱nye̱n ki bali ming odola Ta̱mu̱ta̱dde̱n wa een Be̱e̱ti̱nna̱, kar keelawet lo̱o̱ce̱ ci gerze kabahe anyak mu̱nye̱n ko̱.

Ga̱la̱ti̱a̱ 2:20

Ogon baizi bali nanni reeni ke̱ ki ci ka̱da̱ha̱ ki bali Ye̱su̱ Ki̱ri̱sto̱ ta̱la̱ke̱ca̱. Iróng ngen kabai baiz ki bali reena, abarik Ki̱ri̱sto̱ ci abak ngatinanni. I̱yo̱ko̱ zin kabai baiz ci karike Ngerrti Ta̱mu̱ta̱dde̱no̱ zinin tu̱we̱nta̱, ci ireza annit kar kutungek lo̱o̱c baiz ci abunna ta̱mu̱-kenga kar ki̱ki̱ya̱ keelawan.

Ga̱la̱ti̱a̱ 3:13

Ma̱i̱je̱ i̱yo̱ko̱ zin, eelawet Ki̱ri̱sto̱ to̱ri̱nte̱ ci anyaha lo̱ti̱nno̱wa̱ cik Musesi. Ogon enne zoz necu go̱o̱le̱ ci a̱da̱kne̱ enne keete wa een ta̱la̱ke̱c zo̱ze̱ ci gerze kogon naga, eci e̱he̱rye̱ lo̱ti̱nno̱we̱, azi ne, “Otore e̱e̱ti̱ ci a̱ru̱we̱k ol keet ci een ta̱la̱ke̱c.”

Evesos 1:11

Ogone kaala do̱o̱k go̱o̱le̱ wa i̱no̱n Ta̱mu̱ta̱dde̱n, zoz ci ahalane enne Ye̱su̱, kar enne katahalait agit bu̱k, aanyik enne kaal do̱o̱k ku̱tu̱gu̱zze̱ go̱o̱le̱ ci orong enne.

Evesos 2:10

Aruguzet Ta̱mu̱ta̱dde̱n kar naga ku̱tu̱gu̱z kaal cik abunna ngati Ye̱su̱ Ki̱ri̱sto̱. A̱rri̱ta̱nne̱t enne agit kar ki̱li̱ngli̱nge̱t li̱ngli̱ngo̱n cinne wa abunna lo̱o̱ta̱ ngatu.

Evesos 5:2

Abunna ming abakku baiz rezinta ki i̱yo̱ko̱ ming irezet Ki̱ri̱sto̱ ko̱, a̱kku̱ enne ta̱mu̱-kenga ki̱ki̱ya̱ kize wawac cinna ka̱da̱k zo̱ze̱ cinna, atalnet zin Ta̱mu̱ta̱dde̱n zo̱ze̱ cinne.

1 Ti̱mo̱te̱yo̱ 1:15

Een zoz cu de̱de̱, orong kelemtta, i̱ki̱ya̱k Ye̱su̱ Ki̱ri̱sto̱ wa atahalai lo̱o̱c kar ki̱ki̱ya̱ ki̱ti̱ri̱z ol wak mu̱nye̱nu̱ ki bali ming ke̱e̱ni̱ anna e̱e̱t ci mu̱nye̱nu̱ kommogo ke̱.

1 Ti̱mo̱te̱yo̱ 2:10

Abunna ngaai wak ala Ta̱mu̱ta̱dde̱n ming eela ol.

1 Ti̱mo̱te̱yo̱ 2:6

ci aanyik zin enne ele cinne kize wawac, ku̱ru̱we̱ ka̱da̱k kar kaara ol mu̱nye̱n, a̱kku̱ zoz necu go̱o̱le̱ ci orong Ta̱mu̱ta̱dde̱n.

1 Ti̱mo̱te̱yo̱ 6:18

Du̱wa̱k nogo ku̱tu̱gu̱zzo̱ kaal cik abunna, kar kizeto itok zo̱ze̱ ci abunna kar kizeto ol cik i̱i̱rke̱ orong kar kozolit kaal ki ol.

Ti̱to̱ 2:7

Abunna i̱nna̱ bu̱k ming ogoni kaal cik abunna kar ol kicinnet gool ci abunna ngatunne. Abunna kaala ne̱k ogoni ko̱ ming i̱ye̱la̱ de̱mzi̱ne̱t cunno̱ng.

Ti̱to̱ 3:8

Een zoz ci ka̱du̱wa̱kku̱ng ko̱ de̱de̱. Korongi abunna ming odolnannu zo̱zzo̱we̱ ne̱ko̱ oroot, kar zin ol wak a̱tu̱ Ta̱mu̱ta̱dde̱n ku̱zu̱tte̱ zoz neci, kar ku̱tu̱gu̱zzo̱ kaal cik abunna odohize. Abunna kaala ne̱ko̱ do̱o̱k ming eela ol do̱o̱k.

I̱bu̱ru̱ 1:3

I̱ye̱la̱ Ngerinne doiz ki di̱ngdi̱ngo̱n ci Ta̱mu̱ta̱dde̱no̱, ogon enne odohize ki Ta̱mu̱ta̱dde̱n. A̱gga̱m zin enne lo̱o̱c doize cinne. Baling utunya Ngerinne mu̱nye̱n cigga̱c do̱o̱k, a̱vvu̱ zin lo̱o̱ta̱ a̱tte̱ ci a̱zzo̱ di̱ngdi̱ngo̱nte̱ ci Ta̱mu̱ta̱dde̱no̱, ta̱mu̱-kenga.

I̱bu̱ru̱ 10:24

Abunna ming ki̱lo̱t ol zo̱ze̱ ci kirezonne bak kogon kaal cik abunna.

I̱bu̱ru̱ 9:14

Izikto zin ju̱rru̱m, ming anyak da̱ bi̱ye̱ta̱ cik kaal cik kapahek naga Ta̱mu̱ta̱dde̱n ko̱ doiz, imma ngati Vongiz ci A̱li̱le̱ udut, anyak bi̱ye̱ta̱ cik Ye̱su̱ komiz kommog bi̱ye̱ cik kaalu, aanyik enne ele cinne Ta̱mu̱ta̱dde̱n ngati a̱da̱kne̱ ki̱zze̱c rok mu̱nye̱n ngatinne. A̱vi̱la̱ atin bi̱ye̱ta̱ cik Ki̱ri̱sto̱ kaale cik kabaccit lo̱o̱ta̱ ngatu, kar atin kala icima ka̱li̱ngli̱ng zoz cinne ki̱zze̱c rok mu̱nye̱n cik okkoyyet daiza.

Je̱mi̱s 4:8

Ojongozit Ta̱mu̱ta̱dde̱n, kar enne kojongozung i̱ge̱t bu̱k. Utuunyet azzin cuggo̱k, niga olli mu̱nye̱nu̱, kar aanycik zi̱nze̱tti̱ kizeto caale, niga ol cik anyakku zi̱nze̱tti̱ rama ko̱.

1 Peturu 1:18

Eci a̱gga̱yyu̱ niga iróng Ta̱mu̱ta̱dde̱n eelanung ba̱li̱ye̱ baize ci gerze ji̱ji̱tu̱ggo̱k ke̱ kaale cik aditai ki i̱yo̱ko̱ o̱ro̱bi̱ya̱na̱ icima zu̱rte̱ne̱n cik een dhahab ko̱,

1 Peturu 1:22

I̱yo̱ko̱ i̱ti̱vi̱ltu̱ niga zi̱nze̱tti̱ cuggo̱k kizeto caale ngati elemnyyu zoz ci een de̱de̱, kar anyait rezinet ci een de̱de̱ ki gotonogget wak a̱tu̱we̱, irezit e̱le̱tti̱ cuggo̱k oroot, rezinet ci a̱kku̱ zinina.

1 Peturu 2:12

Aanycik ol kicinnet baiz cunno̱ng ming abunna orgene ci ol wak iróng a̱gga̱ Ta̱mu̱ta̱dde̱n, ma̱i̱je̱ nu̱nu̱n ming orong nege kimertung azi ne, abacu niga. Ovvo atin nege i̱i̱te̱ne̱ ci okko Ta̱mu̱ta̱dde̱n ettede lo̱ki̱ko̱, a̱di̱ngdi̱nga̱n Ta̱mu̱ta̱dde̱n kar koobtek Ta̱mu̱ta̱dde̱n kaal cik abunna ogonnu niga ba̱li̱ye̱.

1 Peturu 2:9

Abarik e̱e̱ggi̱nnu̱ niga zu̱we̱ ci atahala Ta̱mu̱ta̱dde̱n, olli wawaco ce̱e̱ze̱ cinne, zu̱we̱ ci a̱li̱le̱, ol cik Ta̱mu̱ta̱dde̱no̱, kar inatit nonno eci anyahaung ngati mu̱hu̱ri̱ kar icinnet ngintinne voori.

1 Peturu 3:18

Eci a̱da̱i̱ ba̱li̱ye̱ Ki̱ri̱sto̱ lak co̱de̱ mu̱nye̱ne̱ cigga̱c. Iróng bali enne abaci gi̱i̱ imma. Abarik zin bali enne a̱da̱i̱ zo̱ze̱ ci ol cik ogon kaal cik gerzek kar kanyahak nogo Ta̱mu̱ta̱dde̱n, a̱ru̱we̱ bali enne ka̱da̱k, ma̱i̱je̱ bali Vongizi aanyik nonno kurug.

1 Jon 1:7

Ma̱i̱je̱ ming kabak naga vooritena ki i̱yo̱ko̱ Ta̱mu̱ta̱dde̱n ming abak ko̱, kabak wo̱ye̱ naga baiz co̱de̱, kar bi̱ye̱ta̱ cik Ngerinne Ye̱su̱ Ki̱ri̱sto̱ ki̱ti̱vi̱la̱ mu̱nye̱n cigga̱c do̱o̱k.

1 Jon 1:9

Ma̱i̱je̱ ming kuturtak naga mu̱nye̱n cigga̱c Ta̱mu̱ta̱dde̱n, abunna enne kar atin kalaleita kar bo̱do̱k ki̱ti̱vi̱la̱ mu̱nye̱n cigga̱c ne veelek.

1 Jon 3:2

Gonogga wak zinino, ke̱e̱ggi̱n naga de̱de̱ dooli cik Ta̱mu̱ta̱dde̱no̱, iróng naga ka̱gga̱ ogon e̱le̱tti̱ cigga̱c ku̱. Abarik ka̱gga̱ atin naga e̱le̱tti̱ cigga̱c kogon naga ki i̱yo̱ko̱ Ki̱ri̱sto̱ ko̱, ming okko enne obodak lo̱o̱c, eci kacin atin naga nonno de̱de̱.

O̱no̱zzo̱k 1:5

kar bo̱do̱k ngati Ye̱su̱ Ki̱ri̱sto̱ kize bbacait wa abunna, wa een a̱bu̱ ci ingazi daiza oowa, kar bo̱do̱k kize Alaan ci alaat cik lo̱o̱tu̱ do̱o̱k. Irezet Ye̱su̱ Ki̱ri̱sto̱ kar zin kaara mu̱nye̱n cigga̱c bi̱ye̱te̱ ciginnek,

O̱no̱zzo̱k 5:9

Kar zin ke̱be̱ni̱t lo̱ng ci een jor, azi ne, “Aganonu i̱nna̱ ming adima waraga kar du̱l mutula ne̱ke̱, eci i̱nna̱ u̱ru̱we̱ ba̱li̱ye̱, kar bi̱ye̱te̱ cigunnek, atalau i̱nna̱ ol Ta̱mu̱ta̱dde̱n olle cik lo̱o̱tu̱ ki u̱tu̱ge̱tti̱ cik ozoz ol do̱o̱k lo̱o̱ta̱ ngatu do̱ do̱.