Roma 9:5 - Tennet

⁵ A̱rri̱ta̱ nogo alaata wak a̱ddi̱ki̱re̱, a̱vvu̱ ji̱ji̱ti̱k Ki̱ri̱sto̱ tatuge necu, wa een Ta̱mu̱ta̱dde̱n ci kaal do̱o̱k. Kinnatit zar cik Ta̱mu̱ta̱dde̱no̱ udut. Amen.

Roma 9:5 ပူးပေါင်းရင်းမြစ်များ

Kananet 12:3

Ka̱mu̱yu̱i̱ atin anna ol cik a̱mu̱yu̱ki̱ i̱nne̱ta̱, kar e̱e̱ti̱ ci otoryi i̱nne̱ta̱, kotori atin anna nonno bu̱k; kar ol lo̱o̱ta̱ ngatu do̱o̱k ku̱mu̱dda̱ atin ma̱yu̱we̱ne̱t zo̱ze̱ cunne.”

Kananet 49:10

Iróng atin alaanzet ungnek Ju̱da̱ lo̱o̱c, icima keet ci alaanzetu aave zone ciginnek, zee ki̱ki̱ya̱k enne manyi alaanzet kar ngo̱o̱li̱ne̱t ci lo̱o̱cco̱k do̱o̱k een cinne.

Ma̱te̱yo̱ 28:20

Edemezit nogo abunna ming o̱ngo̱o̱le̱ kaal cik ka̱du̱wa̱kku̱ng anna i̱ge̱t ko̱ do̱o̱k. Kaave atin ngati een i̱ge̱t odohize, rok nginti aṯurneke looci.”

Ma̱te̱yo̱ 6:13

Ma anyike ol kitimanteta, abarik eelawet lo̱rye̱nta̱.’

Lu̱ka̱ 20:44

Awu Da̱vi̱de̱ nonno kize ‘Manyi.’ Okko bo̱do̱k enne een Ngerinne ku̱?”

Kaviyak wak Abunna Ta̱mu̱ta̱dde̱no̱ eher Joni 10:30

Kodowina anna ki Baba.”

Buk wa To̱ni̱a̱u̱ 20:28

U̱zu̱tte̱ e̱le̱tti̱ ciggo̱k ki ol wak a̱a̱nyu̱ng Vongizi ci A̱li̱le̱, abunna ming aballu nogo. Izet tuwayok cik ke̱le̱ci̱a̱ ci Ta̱mu̱ta̱dde̱no̱, wak balik uuta Ye̱su̱ bi̱ye̱te̱ ciginnek ke̱.

Buk wa To̱ni̱a̱u̱ 3:13

Eci Ta̱mu̱ta̱dde̱n ci Aburahami, ki I̱sa̱ko̱ ki Ya̱ko̱bo̱ ki ji̱ji̱ti̱gga̱c nenen wa aanyik Ye̱su̱ wa een du̱ca̱i̱t cinne di̱ngdi̱ngo̱n wa ta̱mwo̱. Abarik zin ba̱li̱ye̱ a̱gga̱me̱kku̱ nonno gaala, utuburtu nonno ngu̱me̱ ci Pilato ddi̱ki̱ryo̱i̱t ci gaala cik Romi, bak bali nu̱nu̱n ming orong Pilato koog kar kutung nonno ke̱.

Roma 1:25

Eci utuhuwet nege zoz ci Ta̱mu̱ta̱dde̱no̱ wa een de̱de̱ kize volong, ala kaal wak eenyca Ta̱mu̱ta̱dde̱n, abarik weda nege innat Manyi udut. Nonno nenen.

Roma 1:3

Een kaviyaha ne̱k a̱li̱le̱ ko̱ zoz ci obod ki Ngerinne wa a̱rri̱ta̱i̱ kize e̱e̱t ci diiri tatuge ci alaan wa een Da̱vi̱de̱.

Roma 10:12

I̱llo̱i̱ zoz imma ci gerze. Ming een e̱e̱ti̱ Ya̱u̱d icima iróng een Ya̱u̱d, kanyak Manyi co̱de̱ ṯok, i̱i̱rke̱ enne ngati ol wak a̱jji̱n nonno do̱o̱k.

Roma 11:28

Imma zo̱ze̱ ci aburne nege kaviyak cik abunna Ta̱mu̱ta̱dde̱no̱ ko̱, amarto zin nege ki Ta̱mu̱ta̱dde̱n. Irez Ta̱mu̱ta̱dde̱n nogo zo̱ze̱ ci ji̱ji̱ti̱gge̱k.

1 Ko̱ri̱nto̱ 14:16

Ming inati i̱nna̱ Ta̱mu̱ta̱dde̱n vongize cunne, iróng wo̱ye̱ e̱e̱ti̱ ci aavtiyyu ki i̱nne̱t ojonun ko̱ a̱gga̱ gool kar kize ne, “Amen” eci enne iróng a̱gga̱ inati i̱nna̱ Ta̱mu̱ta̱dde̱n zo̱ze̱ ci niyo.

2 Ko̱ri̱nto̱ 11:31

Ka̱du̱wa̱ zoz ci een de̱de̱, i̱tto̱ni̱k Ta̱mu̱ta̱dde̱n Be̱e̱ti̱ Manyi Ye̱su̱, abunna kinnat Ta̱mu̱ta̱dde̱n udut, a̱gga̱ enne iróng anna kovolongi.

1 Ti̱mo̱te̱yo̱ 3:16

I̱llo̱i̱ gi̱i̱ imma ci ommog li̱ngli̱ngo̱n wa obod ki gool wa Ta̱mu̱ta̱dde̱no̱ bali arrak a̱lu̱gnye̱ ke̱. I̱ye̱la̱i̱ Ye̱su̱ wa atahalai lo̱o̱ta̱ kize e̱e̱t ci diiri. Kar Vongizi ci Ta̱mu̱ta̱dde̱no̱ ki̱ye̱la̱ een enne de̱de̱ Ngerrti Ta̱mu̱ta̱dde̱no̱. Kar zin anjilonya wak Ta̱mu̱ta̱dde̱no̱ bu̱k kicinnet nonno. Uwakttek ol zoz wa obod ki nonno lo̱o̱cco̱k do̱o̱k. U̱tu̱we̱t zin ol cik meelek nonno lo̱o̱cco̱k do̱o̱k, kar zin Ta̱mu̱ta̱dde̱n kodong nonno kuuwe ta̱mu̱-kenga.

1 Ti̱mo̱te̱yo̱ 6:15

Aanyik atin Ta̱mu̱ta̱dde̱n zoz neci ki̱tta̱ i̱i̱te̱ne̱ ci a̱gga̱ enne, a̱ma̱yu̱we̱ enne kar kize ba̱a̱lo̱i̱t co̱de̱ ṯok, Alaan ci alaatu, Manyi ci ta̱mu̱ta̱dde̱ne̱t do̱o̱k.

2 Ti̱mo̱te̱yo̱ 2:8

I̱no̱na̱ Ye̱su̱ Ki̱ri̱sto̱ odohize, wa een ngerrti Da̱vi̱de̱ wa atahalai bali ingane Ta̱mu̱ta̱dde̱n nonno daiza. Een ne̱ko̱ kaviyak cik abunna cigannik.

I̱bu̱ru̱ 7:24

ma̱i̱je̱ Ye̱su̱ aruge udut, odokna enne een e̱e̱t ci wawaco Ce̱e̱ze̱ wa Ta̱mu̱ta̱dde̱no̱ udut.

1 Jon 5:20

Ka̱gga̱ naga do̱o̱k a̱kku̱ Ngerrti Ta̱mu̱ta̱dde̱no̱ lo̱o̱c kar ki̱ki̱ya̱ kaanyyet gool ci een de̱de̱ ka̱gga̱we̱ Manyi wa een de̱de̱. Karume zin naga ki nonno, ki bo̱do̱k Ngerinne Ye̱su̱ Ki̱ri̱sto̱, Manyi wa een de̱de̱ ki ruget ci aave udut.

O̱no̱zzo̱k 1:18

Ke̱e̱ni̱ anna e̱e̱t ci karugi, ka̱da̱ha̱ ba̱li̱ye̱, i̱yo̱ko̱ karugi udut, kanyai a̱tte̱ cinanni jooro cik daizak ki nginti daizo.”

O̱no̱zzo̱k 22:16

“Anna Ye̱su̱, ki̱tto̱na̱kku̱ng anna anjilo cinanni kar ku̱du̱wa̱u̱ng i̱ge̱t ol wak a̱tu̱we̱ ke̱le̱ci̱a̱nya̱i̱ do̱o̱k kaal ne̱ko̱. Ke̱e̱ni̱ anna lolac kar kize do̱le̱c ci doolik Da̱vi̱de̱, kar bo̱do̱k kize dhu̱mo̱c ci nge̱rre̱ti̱nu̱ ko̱.”

O̱no̱zzo̱k 22:20

Okko e̱e̱ti̱ ci ibbac kaal ne̱ko̱, azi ne, “I̱i̱ny, ka̱kku̱ni̱ anna ataman.” Nonno nenen, i̱jja̱, Manyi Ye̱su̱.

O̱no̱zzo̱k 5:14

Izeto zin kaala cik aruge e̱e̱ggi̱n we̱c ko̱ ne, “Yo, anyik ku̱tu̱gu̱ niko.” Kar zin lo̱ddi̱ki̱re̱ kakatek u̱zu̱ngti̱nne̱ ki̱di̱ngdi̱nga̱ni̱t Ta̱mu̱ta̱dde̱n.