Roma 9:30 - Tennet

³⁰ Azi ungec ci zoz necu ne? Iróng ol wak iróng een Ya̱u̱d ko̱ elemi bunnat ci Ta̱mu̱ta̱dde̱no̱, elemi enne nogo kubunnta ngu̱me̱ ci cinne eci nege a̱tu̱ Ye̱su̱.

Roma 9:30 ပူးပေါင်းရင်းမြစ်များ

Roma 10:10

Eci ming a̱tu̱we̱ i̱nna̱ zinine cunne, elemnyi atin Ta̱mu̱ta̱dde̱n ize e̱e̱t ci abunna, kar bo̱do̱k ming a̱du̱wa̱ utuge cunne een Ye̱su̱ Manyi cunne, aruba atin i̱nna̱ ti̱ri̱ze̱ne̱t.

Roma 10:20

Kar Isaya mazeta ku̱du̱wa̱ zoz ci azi Ta̱mu̱ta̱dde̱n ne, “Urubta ol balik iróng orongnyan annit ke̱; ki̱ye̱le̱ya̱ zin anna ele cinanni ol wak iróng a̱jji̱nna̱n.”

Roma 10:6

Ma̱i̱je̱ ol wak ubunntta ngu̱me̱ ci Ta̱mu̱ta̱dde̱no̱ tu̱we̱nta̱ azi ne, “Ma a̱du̱wa̱ zinine cunne, ‘Ngene ci atin ottod okko ta̱mu̱-kenga (kuk kanyahak Ki̱ri̱sto̱ lo̱o̱c)?’”

Roma 3:5

Ja ku̱du̱wa̱ go̱o̱le̱ ci ozoze ol, ming anyaha zoz ci gerze kogon naga ko̱ ol ka̱gga̱c bunnat ci Ta̱mu̱ta̱dde̱no̱, kozoz wo̱ye̱ naga nya zo̱ze̱ necu? Abaci Ta̱mu̱ta̱dde̱n ngati ettedekket lo̱ki̱ko̱? Iróng Ta̱mu̱ta̱dde̱n abaci.

Roma 4:11

Aanyik Aburahami ele cinne kettede kar ki̱ye̱la̱ bunnat cinne eci enne a̱tu̱ Ta̱mu̱ta̱dde̱n ki bali ming ngen enne ketted wucic vi̱ca̱vi̱ca̱ ke̱ nu̱nu̱n. Aanyik zin zoz necu Aburaham kize be̱e̱ti̱ ol wak elemi Ta̱mu̱ta̱dde̱n tu̱we̱nte̱ cinne̱ng, ming iróng nege etted nu̱nu̱n.

Roma 4:13

U̱du̱wa̱k Ta̱mu̱ta̱dde̱n Aburaham ki dooli cik dooli cigge̱k, okko atin enne aanyik nogo lo̱o̱c. Iróng enne a̱du̱wa̱ zoz necu eci Aburahami uzute lo̱ti̱nno̱k balik Musesi ke̱, abarik Ta̱mu̱ta̱dde̱n acin bunnat ci a̱kku̱ tu̱we̱nte̱ cinne.

Roma 4:22

Zoz zin ci “elemane Ta̱mu̱ta̱dde̱n Aburaham kar enne kanyik nonno kize e̱e̱t ci abunna.”

Roma 4:9

Ma i̱yo̱ko̱ een ma̱yu̱we̱ne̱t ci ol balik etted vi̱ca̱vi̱cce̱t een Ya̱u̱d ko̱ do̱, iróng een ci ollu do̱o̱k? Iróng een niko, azi bali Warage ci Ta̱mu̱ta̱dde̱no̱ ne, elema Ta̱mu̱ta̱dde̱n Aburaham kubunna eci enne a̱tu̱ nonno.

Roma 5:1

I̱yo̱ko̱ zin, elemnyet Ta̱mu̱ta̱dde̱n tu̱we̱nte̱ cinna, kanyait zin naga gano ki Ta̱mu̱ta̱dde̱n ngati Manyitinna Ye̱su̱ Ki̱ri̱sto̱.

Roma 9:14

Ma i̱yo̱ko̱ kazi wo̱ye̱ naga ne? Anyak Ta̱mu̱ta̱dde̱n meder zo̱ze̱ necu? Iróng een niko!

Roma 9:31

Imma olli Israilo wak orong kubunnta ngu̱me̱ ci Ta̱mu̱ta̱dde̱n go̱o̱le̱ ci azunne nege lo̱ti̱nno̱k balik Musesi ke̱, iróng Ta̱mu̱ta̱dde̱n elemi nogo kubunnta ngu̱me̱ cinne.

Ga̱la̱ti̱a̱ 2:16

Abarik ka̱gga̱yya̱ aave e̱e̱ti̱ ju̱rru̱m ngu̱me̱ ci Ta̱mu̱ta̱dde̱no̱ go̱o̱le̱ ci a̱tu̱we̱ enne Ye̱su̱ Ki̱ri̱sto̱, iróng een go̱o̱le̱ ci kazunne keer. Ka̱tu̱yya̱ zin Ye̱su̱ Ki̱ri̱sto̱, abunna kaavtte ki Ta̱mu̱ta̱dde̱n ju̱rru̱m eci naga ka̱tu̱ Ki̱ri̱sto̱, iróng e̱e̱ti̱ imma aave ju̱rru̱m ki Manyi go̱o̱le̱ ci azunne lo̱ti̱nno̱k cik Musesi.

Ga̱la̱ti̱a̱ 3:24

Ebekket lo̱ti̱nno̱wa̱ zee ki̱ki̱ya̱ Ki̱ri̱sto̱; azunnet lo̱ti̱nno̱wa̱ zee ki̱ki̱ya̱ Ye̱su̱ kidimanet kubunnta ngu̱me̱ ci Ta̱mu̱ta̱dde̱no̱ tu̱we̱nta̱.

Ga̱la̱ti̱a̱ 3:8

Anyak zoz ci e̱he̱rye̱ Warage ci Ta̱mu̱ta̱dde̱no̱ ci okko atin Ta̱mu̱ta̱dde̱n a̱du̱wa̱ kar kanyik ol wak iróng een Ya̱u̱d do̱o̱k kizeto ol cik abunna ngu̱me̱ cinne tu̱we̱nta̱. Zoz zin bali a̱du̱wa̱k Ta̱mu̱ta̱dde̱n Aburaham kaviyak cik abunna, azi ne, “Kar ol lo̱o̱ta̱ ngatu do̱o̱k ku̱mu̱dda̱ atin ma̱yu̱we̱ne̱t zo̱ze̱ cunne.”

Ga̱la̱ti̱a̱ 5:5

Imma tu̱we̱nta̱, kerewina naga talninta go̱o̱le̱ ci Vongiz ci A̱li̱le̱, bunnate ci karike naga zi̱nze̱tti̱ ko̱.

Evesos 2:12

Imma e̱rki̱te̱ neci, iróng niga a̱gga̱yyu̱ zoz ci obod ki Ki̱ri̱sto̱. E̱e̱ggi̱nnu̱ niga i̱do̱ngi̱ ki olli Israilo ngati olom bali u̱du̱ya̱i̱ ke̱, iróng niga anyakku taban ci aanyik Ta̱mu̱ta̱dde̱n nogo. Abakku ba̱li̱ye̱ niga lo̱o̱ce̱ cu gaganiko, i̱llo̱i̱ zoz ci a̱kku̱ atin, i̱llo̱i̱ rok Ta̱mu̱ta̱dde̱n bu̱k.

Vilipia 3:9

kar ka̱gga̱ kabai anna zo̱ze̱ cinne. Iróng wo̱ye̱ anna kadimani ele cinanni kubunna ngu̱me̱ ci Ta̱mu̱ta̱dde̱no̱ ngati ko̱ngo̱o̱le̱ Lo̱ti̱nno̱k cik Musesi do̱. Elemanna Ta̱mu̱ta̱dde̱n go̱o̱le̱ ci tu̱we̱ne̱t ci ka̱tu̱we̱ anna Ki̱ri̱sto̱.

1 Ti̱mo̱te̱yo̱ 6:11

Imma i̱nna̱ e̱e̱ti̱ ci Ta̱mu̱ta̱dde̱no̱, liit no̱ngi̱tto̱n ne̱ko̱ do̱o̱k. Abarik tu̱gu̱ kaal cik abunna, zuute zoz ci Ta̱mu̱ta̱dde̱no̱, nyak tu̱we̱ne̱t zo̱ze̱ ci Ta̱mu̱ta̱dde̱no̱, irez ol, ize gunun kar zin niim pirnanet.

I̱bu̱ru̱ 11:7

Imma bo̱do̱k tu̱we̱nte̱ ci e̱e̱t ci een zara Nowa, izik zoz bali i̱lo̱ti̱ke̱ Ta̱mu̱ta̱dde̱n ke̱ kar kuk ku̱tu̱gu̱ gi̱i̱ ci iróng enne acin bu̱k. Idiman zin i̱bo̱ ci a̱ddi̱ki̱re̱ kar ki̱ti̱ri̱z ol ciginnek. Utuburek zin Nowa olli lo̱o̱tu̱ nong, aanyik zin Ta̱mu̱ta̱dde̱n nonno kubunna eci enne anyak tu̱we̱ne̱t.

1 Peturu 4:3

Abakttu niga lo̱o̱ta̱ ngatu oroot, ogonnu ki ol wak iróng a̱gga̱ Ta̱mu̱ta̱dde̱n, ogonnu kaal cik gerzek amin zi̱nze̱tti̱ ciggo̱k, e̱e̱ggi̱nnu̱ a̱li̱ya̱k, e̱e̱ggi̱nnu̱ bba̱kco̱k, ogonnu bo̱do̱k to̱do̱yyo̱k kize ta̱mu̱ta̱dde̱ne̱t.