Roma 9:3 - Tennet

^3-4 Korongi wo̱ye̱ anna Ta̱mu̱ta̱dde̱n kotoran kar kengertowa ki Ki̱ri̱sto̱, ming een annit ci kalami ol cigannik Israilo ngati arubane ti̱ri̱ze̱ne̱t ci Ki̱ri̱sto̱. Aburka atin Ta̱mu̱ta̱dde̱n nogo kizeto dooli ciginnek; een di̱ngdi̱nga̱ni̱ne̱t ci Ta̱mu̱ta̱dde̱no̱ cinne̱ng, ki olom ci ogon Ta̱mu̱ta̱dde̱n ki e̱e̱t ci diiri, ki lo̱ti̱nno̱k balik eher Musesi, ki Ce̱e̱z wa Ta̱mu̱ta̱dde̱no̱ zoz ci u̱du̱wa̱ Ta̱mu̱ta̱dde̱n.

Roma 9:3 ပူးပေါင်းရင်းမြစ်များ

Kananet 29:14

Izek zin Labani nonno ne, “E̱e̱ni̱ i̱nna̱ bi̱ye̱ cigannik ele.” Baling abaito Ya̱ko̱bo̱ ki malotinne nye̱lo̱k co̱de̱,

Buk wa To̱ni̱a̱u̱ 13:26

“Gotonogga, doolik Aburahami, ki ol wak iróng een Ya̱u̱d o̱ngo̱o̱le̱ Ta̱mu̱ta̱dde̱n ko̱, izikttang da̱ ju̱rru̱m, i̱tto̱na̱i̱t Manyi agit do̱o̱k kaviyak cik ti̱ri̱ze̱nto̱ ko̱.

Buk wa To̱ni̱a̱u̱ 22:5

a̱du̱wa̱kku̱ng wo̱ye̱ alaani ci a̱ddi̱ki̱re̱ wawaco ki lo̱ddi̱ki̱re̱ cik lo̱ki̱ko̱ do̱o̱k zoz cinanni. Kuruba anna bu̱k waraganya cik kecebe ol ngatinne̱ng, kar kanyaha gotonogget o̱rge̱ ci een Damascus, kar anna keceb nogo kar kuwe lagama Jerusalema, kar atin kettedozik nogo lo̱ki̱ko̱.

Buk wa To̱ni̱a̱u̱ 28:21

O̱bo̱dde̱k nege nonno, “Ngen naga ka̱gga̱mta̱ waraganya u̱gge̱ lo̱o̱ce̱ ci Ju̱de̱ya̱ cik ozoz zoz cunne, i̱llo̱i̱ rok gotonogget u̱gge̱ cik a̱vvu̱ nginati kar ku̱du̱kta̱ zoz ci gerze zo̱ze̱ cunne.

Roma 1:3

Een kaviyaha ne̱k a̱li̱le̱ ko̱ zoz ci obod ki Ngerinne wa a̱rri̱ta̱i̱ kize e̱e̱t ci diiri tatuge ci alaan wa een Da̱vi̱de̱.

Roma 11:1

Ize zin Pa̱u̱lo̱ ne, ja ki̱jji̱nnu̱ng: Utubur Ta̱mu̱ta̱dde̱n ol ciginnek? Iróng een niko! Ke̱e̱ni̱ anna eliya e̱e̱t ci Israilo, ke̱e̱ni̱ do̱le̱c ci biilet ci Benjamini ci a̱kku̱ olle cik Aburahami.

Roma 11:14

Korongi zin gool neci kanyike ol wak iróng e̱e̱ggi̱n Ya̱u̱d kaviyak cik abunna kar ol uggak cigannik kanyait meder kar ki̱vi̱ta̱k Ta̱mu̱ta̱dde̱n bak amuda ti̱ri̱ze̱ne̱t.

Roma 16:11

Izayeang Herodion wa een boorit cinanni ko̱. Izayeang bo̱do̱k ol wak a̱tu̱ Manyi ce̱e̱ze̱ ci Narcissusi.

Roma 16:21

Izayung Ti̱mo̱te̱yo̱ wa ka̱li̱ngli̱ngnya̱ bu̱k ko̱. Izayung bo̱do̱k ol wagannik een Ya̱u̱d, Lucius ki Jason ki Sosipater.

Roma 16:7

Izayeang e̱e̱t ci een Andronikas ki ngaa cinne Junias, ol wak Ya̱u̱do̱ balik kecebina bu̱k lagama. A̱gga̱ye̱ nege li̱ngli̱ngo̱nte̱ ci Ki̱ri̱sto̱ oroot orgene ci to̱ni̱a̱u̱, elemtta nege ba̱li̱ye̱ Ki̱ri̱sto̱ tu̱we̱nta̱ oowa ngatinanni.

Roma 9:2

Kanyai anna matiz ki ciriton ci a̱ppwe̱ oroot zinina.

1 Ko̱ri̱nto̱ 12:3

Korongi zin ku̱du̱wa̱u̱ng, i̱llo̱i̱ e̱e̱t imma ci ozoz Vongize ci Ta̱mu̱ta̱dde̱no̱ azi ne, “Anyik Ye̱su̱ kotore,” i̱llo̱i̱ zin e̱e̱t imma ci azi ne, “Een Ye̱su̱ Manyi,” Vongiz ci A̱li̱le̱ do̱ niko ci ozoz niko.

1 Ko̱ri̱nto̱ 16:22

Ming iróng e̱e̱ti̱ imma irez Manyi Ye̱su̱, anyik to̱ri̱ne̱t ki̱tta̱k nonno. Anyik bai Manyi ki̱ki̱ya̱ ataman.

2 Ko̱ri̱nto̱ 12:15

Korongi zin ka̱a̱nyu̱ng i̱ge̱t kaal ne̱k kanyai anna ke̱ do̱o̱k rok ele cinanni bu̱k. Ming kirezzung anna i̱ge̱t oroot ke̱, iróng wo̱ye̱ niga irezang annit bu̱k?

Ga̱la̱ti̱a̱ 1:8

Ming anyak e̱e̱t ci uwahekkung kaviyak cik abunna ongorko ki cik kuwahekkung naga ko̱, icima ol u̱gge̱ icima anjilo ci a̱kku̱ ta̱mu̱-kenga, i̱i̱na̱k atin to̱ri̱ne̱t ci Ta̱mu̱ta̱dde̱no̱ nonno eci enne uwahek ol kaviyak cik aavtte do̱.

Ga̱la̱ti̱a̱ 1:9

Ku̱du̱wa̱ anna ba̱li̱ye̱, i̱yo̱ko̱ kobodonik bo̱do̱k ka̱du̱wa̱ zoz cu: Ming uwak e̱e̱ti̱ kaviyak cik aavtte do̱ kaviyahe cik abunna balik iziktu niga ke̱, anyik e̱e̱t neci kotore.

Ga̱la̱ti̱a̱ 3:10

Ma̱i̱je̱ ol wak orong kar kubunnta ngu̱me̱ ci Ta̱mu̱ta̱dde̱no̱ ngati azunne lo̱ti̱nno̱k wak Ya̱u̱do̱, otorte nege baize cinne̱ng. E̱he̱rye̱ zin bo̱do̱k lo̱ti̱nno̱we̱, azi ne, “Ming iróng e̱e̱ti̱ azunne lo̱ti̱nno̱k wak eher Musesi ko̱ do̱o̱k, otor atin Ta̱mu̱ta̱dde̱n nonno.”

Ga̱la̱ti̱a̱ 3:13

Ma̱i̱je̱ i̱yo̱ko̱ zin, eelawet Ki̱ri̱sto̱ to̱ri̱nte̱ ci anyaha lo̱ti̱nno̱wa̱ cik Musesi. Ogon enne zoz necu go̱o̱le̱ ci a̱da̱kne̱ enne keete wa een ta̱la̱ke̱c zo̱ze̱ ci gerze kogon naga, eci e̱he̱rye̱ lo̱ti̱nno̱we̱, azi ne, “Otore e̱e̱ti̱ ci a̱ru̱we̱k ol keet ci een ta̱la̱ke̱c.”

Evesos 6:5

Niga du̱cca̱ha̱, o̱to̱ngo̱o̱ltte̱ ddi̱ki̱ryyo̱k cuggo̱k lo̱o̱ta̱ ngatu. Abunna ming a̱li̱ngli̱nge̱kku̱ nogo zi̱nze̱tti̱nne̱ cik alali ki i̱yo̱ko̱ ming a̱li̱ngli̱nge̱kku̱ niga Ki̱ri̱sto̱ ko̱.