Roma 9:22 - Tennet

²² Orong Ta̱mu̱ta̱dde̱n ki̱ye̱la̱ mozinet ki doiz cinne ka̱gga̱we̱, ngati ol wak gerzek agano ki ru̱we̱ne̱t. Abarik enne alalnek ol ne̱ko̱ dee.

Roma 9:22 ပူးပေါင်းရင်းမြစ်များ

Kananet 15:16

Imma ming izeto bu̱u̱llo̱wa̱ we̱c, ovvo atin dooli cigunnek oboda ngintu, eci ngen mu̱nye̱na̱ cik ol cik een Amorites ke̱le̱zzo̱.”

Lu̱ge̱z 9:16

Abarik anna kidimani i̱nne̱t ize alaan kar doiz cinanni ki̱ye̱le̱i̱ kar ol ko̱to̱ngo̱o̱lte̱ya̱ annit lo̱o̱co̱we̱ do̱o̱k.

Roma 1:18

I̱ye̱la̱i̱ mozinet ci aburne Ta̱mu̱ta̱dde̱n nong ngati ol wak abure zoz wainne een de̱de̱ ta̱mu̱-kenga, okko atin enne edez nogo. Anyike nege zoz ci gerze kize ci ommog zoz ci een de̱de̱.

Roma 9:17

E̱he̱rye̱ Warage ci Ta̱mu̱ta̱dde̱no̱ zoz ci obod ki alaan ci Masiro, azi ne, “Kidimani anna i̱nne̱t ize alaan kar ki̱ye̱le̱i̱ doiz cinanni kar ol ko̱to̱ngo̱o̱lte̱ya̱ annit lo̱o̱co̱we̱ do̱o̱k.”

Roma 9:20

Gotonogga ki ngonogga tu̱we̱nta̱, ka̱jji̱nnu̱ng, “Ngene ngatinno̱ng wo̱ye̱ ci a̱cu̱b Ta̱mu̱ta̱dde̱n zo̱ze̱ necu? A̱jji̱n wo̱ye̱ todowaci e̱e̱t ci adiman i̱jjo̱? Azi ne, ‘Nya ming adimana i̱nna̱ ki i̱yo̱ko̱ ko̱?’”

Roma 9:21

Ogon Ta̱mu̱ta̱dde̱n ki e̱e̱ti̱ ci eenyet i̱jjo̱nyya̱, imma e̱e̱ti̱ wa eenyet i̱jjo̱nyya̱ ko̱, eenyet go̱o̱le̱ ci orong zinin cinne, adiman u̱gge̱ kize cik a̱li̱ngli̱nge̱ ol kaal cik riilik, okko adiman u̱gge̱ kize cik oboda to.

1 Te̱se̱lo̱ni̱ka̱ 2:16

ngati alamnyet ming iróng kuwaheka ol wak iróng een Ya̱u̱d kaviyak wak Ta̱mu̱ta̱dde̱no̱ abunna, wak atin eela nogo. Imma go̱o̱le̱ necu, otorte ba̱ci̱no̱wa̱ cigge̱k, utubur Ta̱mu̱ta̱dde̱n nong. Edez atin Ta̱mu̱ta̱dde̱n nogo zo̱ze̱ necu vu̱rrta̱.

1 Te̱se̱lo̱ni̱ka̱ 5:9

Eelannet atin Ta̱mu̱ta̱dde̱n, iróng orongnyet kar kedezzeta. Abarik ahalanet kar ki̱tto̱nna̱e̱t Manyitinna Ye̱su̱ Ki̱ri̱sto̱ ki̱ti̱ri̱ze̱ta̱.

2 Ti̱mo̱te̱yo̱ 2:20

Imma ce̱e̱ze̱ ci e̱e̱t ci een i̱to̱i̱t wa a̱ddi̱ki̱re̱ ko̱, anyak i̱jjo̱ cik e̱e̱ggi̱n dhahab ki ziik cik ataltali, ki cik e̱e̱ggi̱n keen ki cik eenycai todowaca. Adimanai uggak kizeto cik riilik, ovvo uggak anyak li̱ngli̱ngo̱n ci ommog gonoggi.

1 Peturu 2:8

Azi bo̱do̱k ne, “Een enne bee ci adir ol kamarmarit, bee ci aanyik nogo ku̱yu̱kte̱.” Alam bee nogo eci iróng nege o̱ngo̱o̱le̱ kaviyak cik Ta̱mu̱ta̱dde̱no̱ bali odola enne kize cinne̱ng.

1 Peturu 3:20

E̱e̱ggi̱n zin bali ol ne̱ke̱, ol cik abure Ta̱mu̱ta̱dde̱n bali reena e̱rki̱nya̱i̱ balik aave Nowa lo̱o̱ta̱ ngatu ke̱, ere bali Ta̱mu̱ta̱dde̱n nogo baling ngen Nowa adiman i̱bo̱ ke̱. Abarik zin bali i̱i̱te̱n neci anyigzai ol cik e̱e̱ggi̱n tu̱rge̱, imma ol do̱o̱k utuddudde maame.

2 Peturu 2:3

Anyak atin ol ne̱ke̱ zi̱nze̱tti̱ cik a̱ppi̱nte̱k kaale, ozoziku̱ng u̱tu̱ge̱tti̱ne̱ cik emede. Ettedik Ta̱mu̱ta̱dde̱n nogo lo̱ki̱ko̱ zo̱ze̱ necu, iróng zin enne adunge.

2 Peturu 2:9

Ming een zoz necu de̱de̱, a̱gga̱ Manyi gool ci eelanne enne ol wak a̱tu̱ nonno, ngati amudanne nege no̱ngi̱tto̱n kar ka̱gga̱m olli mu̱nye̱nu̱ kar kedez nogo, ere ki̱ki̱ya̱ i̱i̱te̱ni̱ ci ettede enne lo̱ki̱ko̱.

2 Peturu 3:15

Abunna zin ming a̱gga̱yyu̱ niga zi̱nze̱tti̱nne̱ cuggo̱k, laliz zinin ci Manyi Ta̱mu̱ta̱dde̱n ci anyahakket ti̱ri̱ze̱ne̱t. Eteheraet gotoneti ci een Pa̱u̱lo̱ ba̱li̱ye̱ kaal ne̱ko̱ genyize ci aanyik Ta̱mu̱ta̱dde̱n nonno.

Ju̱da̱ 1:4

Eci anyak ol u̱gge̱ cik eher zoz ci adange nege Ta̱mu̱ta̱dde̱n, iniktozeung nege orgen cunno̱ng. Abarik zin ol ne̱ko̱ aminye deten ci Ta̱mu̱ta̱dde̱n cinna kize gool ci ogone nege kaal cik gerzek, kar kimigtoi Manyi cinna Ye̱su̱ Ki̱ri̱sto̱ O̱de̱ Ṯok niko. Ettede zin lo̱ki̱ko̱ ci ol ne̱ko̱ bali reena.