Roma 9:16 - Tennet

¹⁶ Iróng Ta̱mu̱ta̱dde̱n a̱mu̱yu̱k ol li̱ngli̱ngo̱nte̱ ci ogon nege, icima orong nege oroot, abarik enne u̱mu̱yu̱k ol wak orong zinin cinne eci enne e̱de̱te̱.

Roma 9:16 ပူးပေါင်းရင်းမြစ်များ

Ma̱te̱yo̱ 11:27

“Aanya Baba komiz kaale do̱o̱k. I̱llo̱i̱ rok e̱e̱t co̱de̱ ci a̱gga̱ya̱n, Baba do̱ ci a̱gga̱ya̱ annita, kar bo̱do̱k i̱llo̱i̱ rok e̱e̱t co̱de̱ ci a̱gga̱ Baatanni, annit Ngerinne ki ol wak katahala anna ko̱ cik ka̱gga̱yya̱ Baba.

Ma̱te̱yo̱ 4:8

Uwe lo̱rye̱nti̱ bo̱do̱k Ye̱su̱ biye ci u̱u̱ni̱ kaal kar ki̱ye̱le̱k ba̱a̱li̱ne̱t ci lo̱o̱tu̱ do̱o̱k.

Lu̱ka̱ 10:21

Imma i̱i̱te̱n neci, anyak da̱ Ye̱su̱ talninet go̱o̱le̱ ci Vongiz ci A̱li̱le̱, kar kize ne, “Kinnatin, Baba, Manyi ta̱mu̱-keng ki lo̱o̱c, eci i̱nna̱ u̱lu̱gu̱nyu̱ kaal ciko ngati ol cik igenyi ki ol wak a̱gga̱ te̱he̱ri̱ne̱t, kar zin i̱nna̱ ye̱le̱k nogo dooli wak kidik. De̱de̱, Baba een necu gool ci abunna atalnine i̱nna̱.

Kaviyak wak Abunna Ta̱mu̱ta̱dde̱no̱ eher Joni 3:8

A̱vu̱wa̱n ngooti okko go̱o̱le̱ ci orong enne. Aziyi i̱nna̱ muluk cinne, iróng zin i̱nna̱ a̱gga̱ gool ci a̱kku̱nne̱, icima gool ci okkoye. Ogon zin e̱e̱ti̱ wa a̱rri̱ta̱i̱ Vongize ci Ta̱mu̱ta̱dde̱no̱ bu̱k niko, kiwagon ngooti.”

Roma 9:11

Baling ngen cuudena ne̱ke̱ ki̱ti̱rtta̱i̱, ngen bu̱k ka̱gga̱c gi̱i̱ ci abunna ki ci gerze, kar tahalinet ci Ta̱mu̱ta̱dde̱no̱ ki̱ye̱la̱i̱, a̱nne̱k Ta̱mu̱ta̱dde̱n e̱e̱ti̱nne̱ng ne, “Okko atin ngerunne wa een a̱bu̱ ko̱ a̱li̱ngli̱nge̱k gooni wa dici.”

Ga̱la̱ti̱a̱ 2:2

Kokko rok orog neci eci Ta̱mu̱ta̱dde̱n i̱ye̱le̱ya̱ annit abunna ming kokko. Imma bali nginati, kurumtowa ki lo̱ddi̱ki̱re̱ cik ol wak a̱tu̱ Ye̱su̱ lo̱mu̱k, kar koobek nogo kaviyak cik abunna kiwagon kuwahek ol wak iróng een Ya̱u̱d do̱o̱k ko̱. Kogonni zoz necu niko ko̱ gerza ming amurya de̱mzi̱ne̱t necu.

Evesos 2:8

Kar zin zo̱ze̱ necu, urubtau niga ruget bunnate ci Ta̱mu̱ta̱dde̱no̱ tu̱we̱nta̱, nonno ci a̱ti̱ri̱zu̱ng oroot kommog baiz cunno̱ng. Een necu muci ci Ta̱mu̱ta̱dde̱no̱ ci aanyik e̱e̱t ci diiri, iróng aanyik go̱o̱le̱ ci ogone e̱e̱ti̱ kaal.

Vilipia 2:13

eci Ta̱mu̱ta̱dde̱n ci a̱li̱ngli̱ng baize cunno̱ng kar ka̱a̱nyu̱ng zinin ci ogonnu kaal cik abunna ki ming a̱du̱wa̱ zoz cinne.

Je̱mi̱s 1:18

Atahalaet enne agit zo̱ze̱ cinne wa een de̱de̱, kar kaanyyet ruget, kar naga kizet muci ciginnek wak oowu kaale wak eteehenya enne do̱o̱k.