Roma 9:1 - Tennet

¹ Kozozi anna zoz ci een de̱de̱ zare cik Ye̱su̱ Ki̱ri̱sto̱, iróng ka̱du̱wa̱ zoz ci een volong, eci Vongizi ci A̱li̱le̱ i̱ye̱le̱ka̱ zoz wa een de̱de̱.

Roma 9:1 ပူးပေါင်းရင်းမြစ်များ

Roma 1:9

A̱gga̱ Ta̱mu̱ta̱dde̱n ming kalawekku̱ng anna i̱ge̱t Ta̱mu̱ta̱dde̱n zinine cinanni do̱o̱k odohize, kuwahek ol kaviyak cik abunna obod ki Ngerinne.

Roma 2:15

Imma kaala cik ogon nege niko, i̱ye̱la̱ ming a̱gga̱ nege lo̱ti̱nno̱k cik Ta̱mu̱ta̱dde̱no̱, eci ming ogon nege kaal cik gerzek icima cik abunna, i̱ye̱la̱ zoz ci aave zi̱nze̱tti̱nne̱ cigge̱k zoz neci ming abunna icima gerza.

Roma 8:16

A̱du̱wa̱kke̱t Vongizi ci Ta̱mu̱ta̱dde̱no̱ de̱de̱ ke̱e̱ggi̱n naga dooli cik Ta̱mu̱ta̱dde̱no̱.

Roma 9:2

Kanyai anna matiz ki ciriton ci a̱ppwe̱ oroot zinina.

2 Ko̱ri̱nto̱ 1:12

Katalninna gi̱i̱ye̱ co̱de̱ baize cinna, i̱ye̱le̱kke̱t zi̱nze̱tti̱ cigga̱c kabakta baiz ci abunna ki̱ti̱ri̱ztta̱ ol ju̱rru̱m, ommogje baling ngen kabak ki i̱ge̱t ke̱. Aanyyet Ta̱mu̱ta̱dde̱n deten ci kabahe, iróng een genyize ci lo̱o̱tu̱.

2 Ko̱ri̱nto̱ 1:23

Korongi Ta̱mu̱ta̱dde̱n kize bbacait cinanni, abunna ming kaave reena ngatinno̱ng, iróng ka̱mi̱re̱ rok Ko̱ri̱nto̱.

2 Ko̱ri̱nto̱ 11:10

Ka̱du̱wa̱kku̱ng kaal ne̱ko̱ ko̱, eci kozozi zoz ci Ki̱ri̱sto̱ een de̱de̱ ngatinanni. I̱llo̱i̱ e̱e̱t imma ci wo̱ye̱ abilizan lo̱o̱ce̱ ci Achaia ko̱ ngati kodonge ele zo̱ze̱ necu.

2 Ko̱ri̱nto̱ 11:31

Ka̱du̱wa̱ zoz ci een de̱de̱, i̱tto̱ni̱k Ta̱mu̱ta̱dde̱n Be̱e̱ti̱ Manyi Ye̱su̱, abunna kinnat Ta̱mu̱ta̱dde̱n udut, a̱gga̱ enne iróng anna kovolongi.

2 Ko̱ri̱nto̱ 12:19

Iróng ka̱gga̱ ming ikebu waraga cu ko̱, i̱no̱nnu̱ keheri anna kaal ne̱ko̱ abunna kacazi no̱ngi̱tto̱n ngati ol wak ovolongnya annit ko̱, abaccu zin niga. Azikna Ta̱mu̱ta̱dde̱n bu̱k, kozozi niko ke̱e̱ni̱ e̱e̱t ci ka̱tu̱ Ki̱ri̱sto̱. Gonogga, abarik kogonni niko kar ubunntta niga.

Ga̱la̱ti̱a̱ 1:20

Ki̱tto̱ni̱k Ta̱mu̱ta̱dde̱n, een zoz ci ka̱du̱wa̱kku̱ng ko̱ de̱de̱, iróng een volong.

Vilipia 1:8

A̱gga̱ Ta̱mu̱ta̱dde̱n bu̱k korongi anna ki̱vo̱nnu̱ng kar kirezung ki i̱yo̱ko̱ ming irez Ye̱su̱ Ki̱ri̱sto̱ ol ko̱.

1 Te̱se̱lo̱ni̱ka̱ 2:5

A̱gga̱yyu̱ bo̱do̱k niko iróng ba̱li̱ye̱ kovolongnya zoza, icima ka̱ru̱ka̱ talaben kar kalabtaung da̱i̱ne̱t. Ta̱mu̱ta̱dde̱n do̱ niko ci een bbacait cinna̱ng.

1 Ti̱mo̱te̱yo̱ 1:5

Keheraki zin waraga cu kar ti̱lo̱ ol wak a̱tu̱ Ye̱su̱ kirezto zi̱nze̱tti̱nne̱ cik voorik per, kar nege ki̱no̱ni̱t kaal cik abunna go̱o̱le̱ ci ki̱no̱ne̱ ol wak a̱tu̱ Ta̱mu̱ta̱dde̱n de̱de̱.

1 Ti̱mo̱te̱yo̱ 2:7

Atahala Ta̱mu̱ta̱dde̱n annit kize zoc ki to̱ni̱a̱t ci kedemezek ol cik iróng een Ya̱u̱d tu̱we̱ne̱t ci een de̱de̱. Iróng kovolongi, ka̱du̱wa̱ zoz ci een de̱de̱.

1 Ti̱mo̱te̱yo̱ 5:21

Ki̱lo̱ti̱n, Ti̱mo̱te̱yo̱, zare cik Ta̱mu̱ta̱dde̱no̱ ki cik Ye̱su̱ Ki̱ri̱sto̱ ki cik anjilonya wak Ta̱mu̱ta̱dde̱no̱, zuute lo̱ti̱nno̱k wak ka̱du̱wa̱ki̱ ke̱, ma ahali ol. Ti̱ri̱z ol do̱o̱k ju̱rru̱m.