Roma 8:7 - Tennet

⁷ Okko e̱e̱ti̱ ci i̱no̱n kaal cik gerzek amin zinin cinne ko̱, ooro enne ki Ta̱mu̱ta̱dde̱n, eci iróng enne o̱ngo̱o̱le̱ lo̱ti̱nno̱k ciginnek, iróng o̱ngo̱o̱le̱ i̱yo̱ko̱ niko, icima iróng bo̱do̱k enne o̱ngo̱o̱le̱ atin udut.

Roma 8:7 ပူးပေါင်းရင်းမြစ်များ

Lu̱ge̱z 20:5

Ma a̱di̱ngdi̱nga̱nnu̱ kaal cik een to̱do̱yyo̱k ko̱; eci anna Manyi Ta̱mu̱ta̱dde̱n cunno̱ng, ke̱e̱ni̱ anna Ta̱mu̱ta̱dde̱n ci kanyai meder, ke̱de̱zi̱ dooli zo̱ze̱ ci mu̱nye̱n ci be̱e̱ti̱gge̱k zee kizeto bu̱u̱llo̱wa̱ i̱i̱yo̱ icima we̱c wak amarina annita,

Ma̱te̱yo̱ 12:34

Niga ol cik ogonnu ki jooro cik uwanyau ko̱, a̱du̱wa̱nnu̱ wo̱ye̱ niga olli mu̱nye̱nu̱ zoz ci abunna? A̱du̱wa̱ utugi zoz ci a̱kku̱ zinina.

Ma̱te̱yo̱ 5:19

“Ming utuburtu gi̱i̱ imma co̱de̱ lo̱ti̱nno̱we̱ ne̱k riilik ko̱, kar abarik edemezit ol kaal u̱gge̱ cik gerzek, ovvo atin e̱e̱ggi̱nnu̱ vu̱rrti̱ ba̱a̱li̱nte̱ ci ta̱mu̱-kengo.

Kaviyak wak Abunna Ta̱mu̱ta̱dde̱no̱ eher Joni 7:7

Iróng olli lo̱o̱tu̱ amarinnung, abarik amarinnan eci anna ka̱du̱wa̱ke̱ nogo kaal cik gerzek ogon nege.

Roma 1:28

Imma go̱o̱le̱ ci iróng ol ne̱ke̱ orong ka̱gga̱c Ta̱mu̱ta̱dde̱n, icinnek zin enne nogo kabalit e̱le̱tti̱ cigge̱k zi̱nze̱tti̱nne̱ cik vangvangik ko̱, zoz zin ci ogon nege kaal cik gerzek ko̱ necu.

Roma 1:30

a̱du̱wa̱k ol zoz ci gerze, amarine Ta̱mu̱ta̱dde̱n. A̱ppi̱k e̱le̱tti̱, ozozik ol gerzet, odong e̱le̱tti̱, i̱no̱n odohize gi̱i̱ imma ci gerze een jor. Iróng ol ne̱ko̱ o̱ngo̱o̱le̱ be̱e̱ti̱gge̱k.

Roma 3:31

Kegerezanit naga lo̱ti̱nno̱k wak Musesi tu̱we̱nte̱ cinna? Iróng een niko! Kaanycik abarik naga lo̱ti̱nno̱k kokkomit kak.

Roma 5:10

Baling ngen ke̱e̱ggi̱n mo̱ddo̱ cik Ta̱mu̱ta̱dde̱no̱ nu̱nu̱n, aganizet zin enne, eci a̱da̱k Ngerinne zo̱ze̱ cinna. I̱yo̱ko̱ zin, baling kaganto ki nonno, ka̱gga̱ naga kamuda atin baiz ci aave udut eci i̱ti̱ri̱zze̱t bi̱ye̱ta̱ cik Ngerinne Ye̱su̱.

Roma 7:22

Kelemi zin anna zinine cinanni do̱o̱k lo̱ti̱nno̱k cik Ta̱mu̱ta̱dde̱no̱.

Roma 8:4

Ogon Ta̱mu̱ta̱dde̱n zoz neci niko kar naga ku̱tu̱gu̱z kaal cik abunna a̱du̱wa̱ lo̱ti̱nno̱wa̱ do̱o̱k, abunna naga ko̱ngo̱o̱le̱ Vongiz ci Ta̱mu̱ta̱dde̱no̱, iróng kanu kaal cik gerzek irez zi̱nze̱tti̱ cigga̱c.

1 Ko̱ri̱nto̱ 2:14

Ming anyak e̱e̱t ci iróng anyak Vongiz ci Ta̱mu̱ta̱dde̱no̱, iróng enne elemi kaal cik a̱vvu̱ Vongize ci Ta̱mu̱ta̱dde̱no̱, e̱e̱ggi̱n kaala ne̱ke̱ darace ngatinne, iróng kaala ne̱ke̱ i̱i̱zo̱ oo cinne, eci e̱e̱ggi̱n kaal cik Vongizo.

1 Ko̱ri̱nto̱ 9:21

Imma bo̱do̱k ngati ka̱li̱ngli̱nge̱ ki ol wak iróng anyak lo̱ti̱nno̱k, kaave anna ki ci i̱llo̱i̱ lo̱ti̱nno̱k (ming nu̱nu̱n iróng anna kaave reena lo̱ti̱nno̱we̱ cik Ta̱mu̱ta̱dde̱no̱ abarik kazunne lo̱ti̱nno̱k cik Ki̱ri̱sto̱), kar kalaba ol wak iróng azunne lo̱ti̱nno̱k.

Kolosiya 1:21

Edewannu niga ba̱li̱ye̱ e̱le̱tti̱ ngati Ta̱mu̱ta̱dde̱no̱ kar izet mo̱ddo̱ i̱no̱ni̱nte̱ cunno̱ng ma̱rri̱t niga ogonnu mu̱nye̱n.

Kolosiya 2:18

Ma anyikku e̱e̱t imma ci ozoz volonga a̱ru̱k talaben ngati alawe anjilonya kar ka̱a̱nyu̱ng i̱ge̱t imiret zo̱ze̱ ci Ki̱ri̱sto̱. Imma e̱e̱ti̱ ci ogon niko oob ke̱ngti̱ cik zo̱zzo̱k ne̱k icin enne ko̱ oroot, kar kodong ele, kar kozoz darace.

2 Ti̱mo̱te̱yo̱ 3:4

Ovolonge atin nege gonoggi, kar zin ku̱tu̱gu̱zzo̱ kaal cik e̱e̱ggi̱n darace, odong e̱le̱tti̱. Irez kaal cik lo̱o̱tu̱, abarik uunge Ta̱mu̱ta̱dde̱n.

I̱bu̱ru̱ 8:10

Een necu olom ci een jor kogonni atin anna kadimani atin ki ce̱e̱z ci Israilo, i̱i̱te̱n neci, u̱du̱wa̱ Manyi, karike atin anna ti̱lo̱wi̱ne̱t cinanni o̱o̱tti̱ cigge̱k, kar keteherik zi̱nze̱tti̱nne̱ cigge̱k. Ke̱e̱ni̱ atin anna Ta̱mu̱ta̱dde̱n cinne̱ng, ovvo nege e̱e̱ggi̱n ol cigannik.

Je̱mi̱s 4:4

Niga ol cik iróng o̱ngo̱o̱le̱ Ta̱mu̱ta̱dde̱n ko̱, iróng niga a̱gga̱yyu̱ rezinet ci kaal cik lo̱o̱tu̱ ming anyaha marnonet ki Ta̱mu̱ta̱dde̱n? Ming orong e̱e̱ti̱ imma kirez kaal cik lo̱o̱tu̱, ize enne mo̱dde̱ni̱t ci Ta̱mu̱ta̱dde̱no̱.

2 Peturu 2:14

I̱no̱n nege zoz ci gerze orongit kimice ngaai, ovvo ngaai orong ol cik macik. Orong ku̱lu̱ta̱ ol cik amuje o̱o̱tti̱. Abbize zi̱nze̱tti̱ cigge̱k gerziten do̱ niko.