Roma 8:6 - Tennet

⁶ Ming kabal naga e̱le̱tti̱ kaale ci gerzek balik reentik amin zi̱nze̱tti̱ ke̱, kamuda atin daiz. Imma ming kabal e̱le̱tti̱ Vongize ci Ta̱mu̱ta̱dde̱no̱, kanyak atin baiz ci abunna ki gano.

Roma 8:6 ပူးပေါင်းရင်းမြစ်များ

Kaviyak wak Abunna Ta̱mu̱ta̱dde̱no̱ eher Joni 14:27

Kungnekkung zin i̱yo̱ko̱ gano wananni kar a̱vvu̱te̱ labak. Iróng zin ka̱a̱nyu̱ng gano go̱o̱le̱ wagon anyike olli lo̱o̱tu̱ ol ko̱, ma anyikku zi̱nze̱tti̱ ku̱u̱ce̱t kar zin o̱to̱ngo̱o̱ltte̱ lo̱o̱c.

Kaviyak wak Abunna Ta̱mu̱ta̱dde̱no̱ eher Joni 14:6

O̱bo̱de̱k zin Ye̱su̱ nonno, izek ne, “Ke̱e̱ni̱ anna eliya gool, kar bo̱do̱k kize zoz wa een de̱de̱, kar bo̱do̱k kize ruget. Iróng e̱e̱ti̱ imma a̱kku̱nna̱k Baba ming iróng iyok ngatinanni.

Kaviyak wak Abunna Ta̱mu̱ta̱dde̱no̱ eher Joni 17:5

I̱yo̱ko̱ zin Baba, anyik zar cigannik ku̱bu̱lte̱ ngu̱me̱ cunne bu̱le̱nte̱ bali kanyak ki i̱nne̱ta̱ la̱du̱n baling ngen keteehenye looci ke̱.

Roma 13:14

Abarik abunna ming arikku baiz ci Manyi Ye̱su̱ Ki̱ri̱sto̱ zi̱nze̱tti̱ cuggo̱k, kar abait baiz ci abunna, ma i̱no̱nnu̱ kaal cik lo̱o̱tu̱ gerzek orong e̱le̱tti̱ cuggo̱k wak anyaha mu̱nye̱n.

Roma 14:17

Eci ba̱a̱li̱ne̱t ci abale Ta̱mu̱ta̱dde̱n ol ko̱, iróng een da̱i̱ne̱t ki kaal cik kaudi. Abarik obod ki bunnat ci kabunanne naga ngu̱me̱ ci Ta̱mu̱ta̱dde̱no̱ ki gano ki talninet ci a̱kku̱ Vongize ci A̱li̱le̱.

Roma 5:1

I̱yo̱ko̱ zin, elemnyet Ta̱mu̱ta̱dde̱n tu̱we̱nte̱ cinna, kanyait zin naga gano ki Ta̱mu̱ta̱dde̱n ngati Manyitinna Ye̱su̱ Ki̱ri̱sto̱.

Roma 5:10

Baling ngen ke̱e̱ggi̱n mo̱ddo̱ cik Ta̱mu̱ta̱dde̱no̱ nu̱nu̱n, aganizet zin enne, eci a̱da̱k Ngerinne zo̱ze̱ cinna. I̱yo̱ko̱ zin, baling kaganto ki nonno, ka̱gga̱ naga kamuda atin baiz ci aave udut eci i̱ti̱ri̱zze̱t bi̱ye̱ta̱ cik Ngerinne Ye̱su̱.

Roma 6:21

Amudannu i̱yo̱ko̱ niga nya ci abunna kaale cik anyahakku̱ng a̱li̱ya̱n ko̱? Ovvoyyung zin kaala ne̱ko̱ do̱o̱k go̱o̱le̱ ci daizo.

Roma 6:23

Aanyyet mu̱nye̱na̱ daiz, okko zoz ci Ta̱mu̱ta̱dde̱no̱ aanyyet baiz ci aave udut ngati Manyitinna Ye̱su̱ Ki̱ri̱sto̱.

Roma 7:11

Aanya mu̱nye̱na̱ kozorzore baizi cinanni go̱o̱le̱ ci lo̱ti̱nno̱u̱. Imma zin go̱o̱le̱ ci mu̱nye̱nu̱ kuruba daiz.

Roma 7:5

Baling ngen ku̱tu̱we̱t zoz ci Ta̱mu̱ta̱dde̱no̱, kogon naga mu̱nye̱n cik irez e̱le̱tti̱ cigga̱c do̱ niko, mu̱nye̱n cik i̱ye̱la̱ lo̱ti̱nno̱wa̱ cik Ta̱mu̱ta̱dde̱no̱, anyahakket atin daiz.

Roma 8:13

Ming ogonnu kaal cik gerzek ko̱, ovvoyyu atin daiza. Abarik ming eelaung Vongizi ci A̱li̱le̱, utungttu kaal ne̱ke̱ amin zi̱nze̱tti̱ ko̱ do̱o̱k, urugttu zin atin niga.

Roma 8:27

A̱gga̱ Ta̱mu̱ta̱dde̱n kaal cik ki̱no̱n naga do̱o̱k, a̱gga̱ bo̱do̱k zoz ci a̱du̱wa̱ Vongizi, eci Vongizi alawek ol cik Ta̱mu̱ta̱dde̱no̱ go̱o̱le̱ ci orong Manyi.

Roma 8:7

Okko e̱e̱ti̱ ci i̱no̱n kaal cik gerzek amin zinin cinne ko̱, ooro enne ki Ta̱mu̱ta̱dde̱n, eci iróng enne o̱ngo̱o̱le̱ lo̱ti̱nno̱k ciginnek, iróng o̱ngo̱o̱le̱ i̱yo̱ko̱ niko, icima iróng bo̱do̱k enne o̱ngo̱o̱le̱ atin udut.

Ga̱la̱ti̱a̱ 5:22

Ma̱i̱je̱ baizi Vongiza, een rezinet, ki talninet, ki baiz yahe, ki niimenet no̱ngi̱tto̱n, ki i̱rrke̱ne̱t, ki bunnat, ki tu̱we̱ne̱t Ta̱mu̱ta̱dde̱n,

Ga̱la̱ti̱a̱ 6:8

Imma e̱e̱ti̱ ci ogon kaal cik gerzek irez zinin cinne, amuda atin enne zoz ci gerze. Ma̱i̱je̱ e̱e̱ti̱ ci ogon kaal Vongize ci Ta̱mu̱ta̱dde̱no̱, amuda atin baiz wa aave udut.