Roma 8:5 - Tennet

⁵ I̱no̱n ol wak abak kaale cik orong zi̱nze̱tti̱ cigge̱k, kaal cik obod ki ele do̱ niko. Imma ol wak abak Vongize ci Ta̱mu̱ta̱dde̱no̱, i̱no̱n kaal cik obod ki Vongiz.

Roma 8:5 ပူးပေါင်းရင်းမြစ်များ

Marko 8:33

Abarik baling okko Ye̱su̱ ukce kar kegelem nuyak ciginnek, itizik zin enne Peturu. Izek ne, “Nyehe ngatinanni Sitan, iróng i̱nna̱ i̱no̱ni̱ kaal cik Ta̱mu̱ta̱dde̱no̱, abarik i̱no̱ni̱ i̱nna̱ kaal cik ol cik diirik!”

Kaviyak wak Abunna Ta̱mu̱ta̱dde̱no̱ eher Joni 3:6

A̱rri̱ta̱i̱ e̱e̱ti̱ e̱e̱te̱ ci diiri, imma e̱e̱ti̱ ci anyak vongiz a̱rri̱ta̱i̱ Vongiza.

Roma 8:9

Imma niga ol ne̱k anyakku Vongiz ci Ta̱mu̱ta̱dde̱no̱ zi̱nze̱tti̱nne̱ ciggo̱k ko̱, iróng zin niga ngen aballu e̱le̱tti̱ kaale cik gerzek irez zi̱nze̱tti̱ cuggo̱k, iróng ucca bo̱do̱k annuyu kaal ne̱ke̱. Ovvo ol wak iróng anyak Vongiz ci A̱li̱le̱ iróng nege e̱e̱ggi̱n ol cik Ki̱ri̱sto̱.

1 Ko̱ri̱nto̱ 15:48

Anyak olli lo̱o̱tu̱ do̱o̱k e̱le̱tti̱ cik ogon ki e̱e̱ti̱ wa een oo bali eenyca Ta̱mu̱ta̱dde̱n todowai ke̱. Imma ollik ta̱mu̱-kengo ko̱ ogon nege ki e̱e̱ti̱ ci a̱kku̱ ta̱mu̱-kenga.

1 Ko̱ri̱nto̱ 2:14

Ming anyak e̱e̱t ci iróng anyak Vongiz ci Ta̱mu̱ta̱dde̱no̱, iróng enne elemi kaal cik a̱vvu̱ Vongize ci Ta̱mu̱ta̱dde̱no̱, e̱e̱ggi̱n kaala ne̱ke̱ darace ngatinne, iróng kaala ne̱ke̱ i̱i̱zo̱ oo cinne, eci e̱e̱ggi̱n kaal cik Vongizo.

2 Ko̱ri̱nto̱ 10:3

Eci ming kabak naga lo̱o̱ta̱ ngatu, iróng zin naga kooro kiwagon olli lo̱o̱tu̱.

Ga̱la̱ti̱a̱ 5:17

Ka̱du̱wa̱ zoz necu niko eci baizi ci kabahe Vongize ci Ta̱mu̱ta̱dde̱no̱ ongorko ki baiz ci gerze amin zi̱nze̱tti̱ cigga̱c. Iróng zin niga amudannu gool ci ogonnu kaal cik abunna orongnyu u̱tu̱gu̱zzo̱.

Evesos 5:9

Eci baizi vooritena anyaha bunnat ki baiz ci abunna ki zoz ci een de̱de̱.

2 Peturu 2:10

Edez atin Ta̱mu̱ta̱dde̱n oroot ol wak i̱no̱n kaal cik gerzek ki wak ibbeze nege alaanzet ci alaatu. Odong ol ne̱ko̱ e̱le̱tti̱ kar kozozit mootiza, iróng nege o̱ngo̱o̱le̱ ngati otore kaal cik aavtte ta̱mu̱-kenga.