Roma 8:38 - Tennet

³⁸ Ka̱gga̱ anna ju̱rru̱m, i̱llo̱i̱ gi̱i̱ imma ci engeryet agit rezinte ci Ta̱mu̱ta̱dde̱no̱, iróng een ruget, icima daiz, iróng een anjilonya cik Ta̱mu̱ta̱dde̱no̱, icima kuulo cik lo̱rye̱nta̱k, iróng een kaal cik i̱yo̱ko̱ niko, icima kaal cik atin a̱vvu̱ vu̱rrta̱, icima doiz,

Roma 8:38 ပူးပေါင်းရင်းမြစ်များ

Kaviyak wak Abunna Ta̱mu̱ta̱dde̱no̱ eher Joni 10:28

Kanyike anna nogo ruget wa aave udut, iróng bo̱do̱k nege ngen a̱da̱i̱. A̱zze̱ e̱e̱ti̱ imma ci aama nogo a̱tte̱ cinanni to.

Roma 14:7

I̱llo̱i̱ e̱e̱t ci aruge zo̱ze̱ ci ele cinne do̱, i̱llo̱i̱ bo̱do̱k e̱e̱t ci a̱da̱i̱ zo̱ze̱ ci ele cinne do̱.

Roma 14:8

Ming karuge, karuge naga zo̱ze̱ Manyi; ming ka̱da̱i̱ naga, ka̱da̱i̱ naga zo̱ze̱ ci Manyi. I̱yo̱ko̱ zin, ming karuge, icima ka̱da̱i̱, ke̱e̱ggi̱n naga olli Manyi.

Roma 4:21

A̱gga̱ enne anyak Ta̱mu̱ta̱dde̱n komiz kar ku̱tu̱gu̱ kaal balik u̱du̱wa̱ enne ke̱.

Roma 6:23

Aanyyet mu̱nye̱na̱ daiz, okko zoz ci Ta̱mu̱ta̱dde̱no̱ aanyyet baiz ci aave udut ngati Manyitinna Ye̱su̱ Ki̱ri̱sto̱.

1 Ko̱ri̱nto̱ 15:24

Ming idita Ki̱ri̱sto̱ doiz ki alaanzet ci lo̱rye̱nto̱ abale lo̱o̱c ko̱, i̱ki̱ya̱ zin atin ṯurnenet ci lo̱o̱tu̱, kar atin enne kaanyik alaanzet Ta̱mu̱ta̱dde̱n Baba.

2 Ko̱ri̱nto̱ 11:14

Iróng zin annit a̱ma̱li̱le̱ oo zo̱ze̱ necu, eci Sitani bu̱k ogon ele ki ci een anjilo ci Ta̱mu̱ta̱dde̱no̱.

2 Ko̱ri̱nto̱ 4:13

E̱he̱rye̱ Warage ci Ta̱mu̱ta̱dde̱no̱, “Ka̱tu̱ anna Ta̱mu̱ta̱dde̱n; kozoza zin.” Ki ming kaavtte zinine co̱de̱ tu̱we̱nta̱ ko̱, ka̱tu̱ naga kar kozozit,

Evesos 1:21

Imma nginati, anyak Ki̱ri̱sto̱ doiz ci abale kaal do̱o̱k lo̱o̱ta̱ ngatu ki bo̱do̱k atin ta̱mu̱-kenga.

Kolosiya 1:16

Eci Ta̱mu̱ta̱dde̱n eenyca kaal do̱o̱k ngatinne, kaal cik aavtte ta̱mu̱-kenga ko̱ ki cik aavtte lo̱o̱ta̱, cik kacin naga eberene ki cik iróng kacin eberene, leceret cik alaatu icima doiz icima alaat icima alaanzet; eenycai kaala ne̱ko̱ do̱o̱k ngatinne kar bo̱do̱k kizeto ciginnek.

Kolosiya 2:15

Ommog zin Ye̱su̱ ddi̱ki̱ryyo̱k ki alaat cik lo̱o̱tu̱, kar kaara ngatinne̱ng doiz ki di̱ngdi̱ngo̱n go̱o̱le̱ ci a̱da̱kne̱ enne ta̱la̱ke̱ca̱. Adak zin a̱li̱ya̱ni̱ nogo orgene ci ollu.

2 Ti̱mo̱te̱yo̱ 1:12

I̱yo̱ko̱ a̱gi̱dda̱ ol zo̱ze̱ necu, iróng kanyai a̱li̱ya̱n, ma̱rri̱t ming ka̱tu̱ Ye̱su̱ wa atahalai. Ka̱gga̱ niko ming kazunne li̱ngli̱ngo̱n cinne bali aanya ke̱ zee ki̱ki̱ya̱ i̱i̱te̱ni̱ ci atin okko enne obodane.

I̱bu̱ru̱ 11:13

Abaito zin ol ne̱k anyak tu̱we̱ne̱t ke̱ do̱o̱k, ngen zin nege a̱tu̱we̱ zo̱ze̱ ci okko Ta̱mu̱ta̱dde̱n ogoni. Ngen kurubta zoz bali u̱du̱wa̱ Manyi ke̱, icinnet nege kaal ne̱ke̱ meer reena many bak orongi. A̱gga̱ ming e̱e̱ggi̱n nege e̱re̱nno̱k ki i̱do̱ngi̱ lo̱o̱ta̱ ngatu.

1 Peturu 3:22

I̱yo̱ko̱ zin, uk Ki̱ri̱sto̱ a̱vvu̱ ta̱mu̱-kenga kar kuk ka̱vvu̱ ngati Ta̱mu̱ta̱dde̱no̱ a̱tte̱ ci a̱zzo̱, urumte ki anjilonya ki alaat wak ta̱mu̱-kengo ki alaanzet do̱o̱k a̱gga̱m enne.