Roma 8:34 - Tennet

³⁴ Baling a̱da̱k Ye̱su̱ Ki̱ri̱sto̱, kitinga daiza kar naga ka̱vvu̱ta̱ labak zo̱ze̱ ci ettedekket Ta̱mu̱ta̱dde̱n lo̱ki̱ko̱, ngene wo̱ye̱ ci anyak komiz ci edezetta? Iróng Ye̱su̱ a̱da̱i̱ zo̱ze̱ cinna do̱, abarik itinga daiza kar ka̱vvu̱ a̱tte̱ ci a̱zzo̱ Ta̱mu̱ta̱dde̱no̱, ngati anyahe enne komiz, alawakket Ta̱mu̱ta̱dde̱n.

Roma 8:34 ပူးပေါင်းရင်းမြစ်များ

Ma̱te̱yo̱ 20:28

Imma Ngerrti E̱e̱to̱ iróng a̱kku̱ ki̱vi̱ta̱ ol ki̱li̱ngli̱ngte̱k nonno, abarik, a̱kku̱ ki̱ki̱ya̱ ki̱li̱ngli̱nge̱k ol, kar kaanyik baiz cinne kize wawac ci ol cik meelek.”

Marko 16:19

Baling ozozek Manyi Ye̱su̱ zoz ki nogo, odonge zin enne uk ta̱mu̱-kenga kar ka̱vvu̱ ngati doizo a̱tte̱ ci Ta̱mu̱ta̱dde̱no̱ a̱zzo̱.

Kaviyak wak Abunna Ta̱mu̱ta̱dde̱no̱ eher Joni 14:19

Iróng atin ol cik lo̱o̱tu̱ acinna annit arrak do̱yo̱i̱t, acinnang abarik atin niga do̱. Ma̱rri̱t ming kuruga bo̱do̱k anna, arugnu atin niga bu̱k.

Kaviyak wak Abunna Ta̱mu̱ta̱dde̱no̱ eher Joni 16:23

“Ku̱du̱wa̱u̱ng anna i̱ge̱t zoz ci een de̱de̱, i̱i̱te̱ne̱ neci a̱zze̱ e̱e̱ti̱ imma ci a̱jji̱nna̱ annit gi̱i̱ imma to. A̱a̱nyu̱ng atin Baba i̱ge̱t gi̱i̱ imma ci a̱jji̱nnu̱ niga zare cigannik.

Buk wa To̱ni̱a̱u̱ 2:24

Abarik zin Ta̱mu̱ta̱dde̱n itingai nonno daiza, aara wu̱ce̱z ci daizo ngatinne, eci daizi iróng anyak doiz ci a̱gga̱me̱ nonno.

Roma 14:13

Orong ibilizet zoz ci apahekku ol u̱gge̱ lo̱ki̱ko̱ ko̱. Abarik, odolta zi̱nze̱tti̱nne̱ cuggo̱k, ma e̱e̱ggi̱nnu̱ ol cik adiryu gotonogget ki ngonogget cik a̱tu̱we̱ no̱ngi̱tto̱ne̱ baize cinne̱ng.

Roma 14:9

Eci zin zo̱ze̱ necu, a̱da̱k Ki̱ri̱sto̱ kar kitinga daiza kurug, kar enne kize Manyi ci olli daizo ki ci olli rugeto.

Roma 4:25

Aanyyet Ta̱mu̱ta̱dde̱n Ye̱su̱ kar ka̱da̱k mu̱nye̱ne̱ cigga̱c, kar kitingawe nonno daiza, kar naga kizet ol cik abunna ngu̱me̱ ci Ta̱mu̱ta̱dde̱no̱.

Roma 8:1

I̱yo̱ko̱ zin, ming arume e̱e̱ti̱ ki Ye̱su̱ Ki̱ri̱sto̱, iróng atin Ta̱mu̱ta̱dde̱n ngen edez e̱e̱t neci, i̱i̱te̱ne̱ ci okko enne ettede lo̱ki̱ko̱.

Roma 8:27

A̱gga̱ Ta̱mu̱ta̱dde̱n kaal cik ki̱no̱n naga do̱o̱k, a̱gga̱ bo̱do̱k zoz ci a̱du̱wa̱ Vongizi, eci Vongizi alawek ol cik Ta̱mu̱ta̱dde̱no̱ go̱o̱le̱ ci orong Manyi.

Kolosiya 3:1

A̱gga̱yyu̱ itingtau niga ki Ki̱ri̱sto̱ daiza, abunna ming arikku zi̱nze̱tti̱ cuggo̱k kaal cik aavtte ta̱mu̱-kenga, ngati aave Ki̱ri̱sto̱ a̱tte̱ ci a̱zzo̱ Ta̱mu̱ta̱dde̱no̱ ngati doizo.

I̱bu̱ru̱ 1:3

I̱ye̱la̱ Ngerinne doiz ki di̱ngdi̱ngo̱n ci Ta̱mu̱ta̱dde̱no̱, ogon enne odohize ki Ta̱mu̱ta̱dde̱n. A̱gga̱m zin enne lo̱o̱c doize cinne. Baling utunya Ngerinne mu̱nye̱n cigga̱c do̱o̱k, a̱vvu̱ zin lo̱o̱ta̱ a̱tte̱ ci a̱zzo̱ di̱ngdi̱ngo̱nte̱ ci Ta̱mu̱ta̱dde̱no̱, ta̱mu̱-kenga.

I̱bu̱ru̱ 7:25

Imma go̱o̱le̱ neci, anyak enne doiz ci a̱ti̱ri̱ze̱ ol wak elemi Ta̱mu̱ta̱dde̱n ngatinne, eci enne aruge udut, alawek nogo Ta̱mu̱ta̱dde̱n odohize.

I̱bu̱ru̱ 9:24

Ngen Ki̱ri̱sto̱ ki̱tto̱ nginti A̱li̱le̱ Oroot adiman e̱e̱ti̱ ci diiri, i̱ya̱kzo̱ni̱k ngin neci nginti aave ta̱mu̱-kenga, i̱tto̱ zin enne ta̱mu̱-keng okko ngati Ta̱mu̱ta̱dde̱no̱ zo̱ze̱ cinna.

1 Peturu 3:18

Eci a̱da̱i̱ ba̱li̱ye̱ Ki̱ri̱sto̱ lak co̱de̱ mu̱nye̱ne̱ cigga̱c. Iróng bali enne abaci gi̱i̱ imma. Abarik zin bali enne a̱da̱i̱ zo̱ze̱ ci ol cik ogon kaal cik gerzek kar kanyahak nogo Ta̱mu̱ta̱dde̱n, a̱ru̱we̱ bali enne ka̱da̱k, ma̱i̱je̱ bali Vongizi aanyik nonno kurug.

1 Peturu 3:22

I̱yo̱ko̱ zin, uk Ki̱ri̱sto̱ a̱vvu̱ ta̱mu̱-kenga kar kuk ka̱vvu̱ ngati Ta̱mu̱ta̱dde̱no̱ a̱tte̱ ci a̱zzo̱, urumte ki anjilonya ki alaat wak ta̱mu̱-kengo ki alaanzet do̱o̱k a̱gga̱m enne.

O̱no̱zzo̱k 1:18

Ke̱e̱ni̱ anna e̱e̱t ci karugi, ka̱da̱ha̱ ba̱li̱ye̱, i̱yo̱ko̱ karugi udut, kanyai a̱tte̱ cinanni jooro cik daizak ki nginti daizo.”