Roma 8:3 - Tennet

³ Iróng lo̱ti̱nno̱wa̱ balik aanyik Ta̱mu̱ta̱dde̱n Muses ke̱ aruguzeta eci mu̱nye̱na̱ amunyeta, ki i̱yo̱ko̱, eci naga ol cik diirik iróng kanime ku̱zu̱tte̱ nogo. Abarik zin Ta̱mu̱ta̱dde̱n aanyyet ruget ngati i̱tto̱na̱ne̱ Ngerinne kize e̱e̱t ci diiri ki olli mu̱nye̱nu̱ kar ki̱ki̱ya̱ kize wawac ci aara ol mu̱nye̱n. Aanyik Ta̱mu̱ta̱dde̱n ele ci Ye̱su̱ kize ci edeze enne mu̱nye̱n.

Roma 8:3 ပူးပေါင်းရင်းမြစ်များ

Marko 15:27

Otodoyyek zin nege ogoryak cik een ram bu̱k te̱le̱cwa̱ ki nonno, aave co̱de̱ o̱to̱ne̱ ci a̱zzo̱ okko co̱de̱ aave o̱to̱ne̱ ci angeto.

Kaviyak wak Abunna Ta̱mu̱ta̱dde̱no̱ eher Joni 1:14

I̱ki̱ya̱ Zoz neci ize e̱e̱t ci diiri kar zin kabak orgene cinna, anyak deten ki zoz ci een de̱de̱. Kicinnet naga komiz cinne, komiz ci anyak enne do̱ Ngerrti Ta̱mu̱ta̱dde̱no̱ wa o̱de̱ ṯok wa a̱kku̱ ngati Baatinne.

Kaviyak wak Abunna Ta̱mu̱ta̱dde̱no̱ eher Joni 9:24

U̱tu̱ya̱ bo̱do̱k lak ram e̱e̱t bali a̱rri̱ta̱i̱ kize ru̱be̱n ke̱, kar zin kizeto ne, “Anyik Ta̱mu̱ta̱dde̱n zany, ka̱gga̱yya̱ een e̱e̱ti̱ ci oo ebere cigunnek ko̱ een e̱e̱t ci mu̱nye̱nu̱.”

Buk wa To̱ni̱a̱u̱ 13:39

Imma zin ngati e̱e̱t ci a̱tu̱ nonno i̱zze̱c mu̱nye̱na̱, iróng lo̱ti̱nno̱wa̱ cik Musesi uule kar kalaleung.

Roma 3:20

Iróng Ta̱mu̱ta̱dde̱n elemi e̱e̱t imma eci azunne lo̱ti̱nno̱k. Anyak gi̱i̱ co̱de̱ ṯok ci ogon lo̱ti̱nno̱wa̱, i̱ye̱le̱k ol ming abaccit zoz ci ogone nege mu̱nye̱n.

Roma 6:6

Ka̱gga̱ naga odode baizi cinna bali reeni ke̱ ki Ye̱su̱ keete ci een ta̱la̱ke̱c, kar mu̱nye̱na̱ iróng aruba gool ci abaleta,

Roma 7:18

Ka̱gga̱ niko i̱llo̱i̱ gi̱i̱ imma eliya cinanni ci aanya kar ku̱tu̱gu̱ kaal cik abunna. Ma̱i̱je̱ nu̱nu̱n ming korongi ku̱tu̱gu̱ kaal cik abunna abarik ogone kaala cik gerzek.

Roma 8:32

Aanyyet Ta̱mu̱ta̱dde̱n Ngerinne agit kize wawac. Baling aanyyet enne muci ci a̱ddi̱ki̱re̱ ko̱, ma i̱yo̱ko̱ naga ming ki̱no̱n do̱o̱k, iróng wo̱ye̱ enne aanyyet gi̱i̱ imma ci korong naga?

Roma 9:3

Korongi wo̱ye̱ anna Ta̱mu̱ta̱dde̱n kotoran kar kengertowa ki Ki̱ri̱sto̱, ming een annit ci kalami ol cigannik Israilo ngati arubane ti̱ri̱ze̱ne̱t ci Ki̱ri̱sto̱. Aburka atin Ta̱mu̱ta̱dde̱n nogo kizeto dooli ciginnek; een di̱ngdi̱nga̱ni̱ne̱t ci Ta̱mu̱ta̱dde̱no̱ cinne̱ng, ki olom ci ogon Ta̱mu̱ta̱dde̱n ki e̱e̱t ci diiri, ki lo̱ti̱nno̱k balik eher Musesi, ki Ce̱e̱z wa Ta̱mu̱ta̱dde̱no̱ zoz ci u̱du̱wa̱ Ta̱mu̱ta̱dde̱n.

2 Ko̱ri̱nto̱ 5:21

Abunna ming a̱tu̱we̱nu̱, ngen Ki̱ri̱sto̱ kabac zoz imma, Ta̱mu̱ta̱dde̱n ci anyaha nonno ki̱ki̱ya̱ ki̱ti̱ri̱z mu̱nye̱n cik ogon ol, ogon ki ci een Ye̱su̱ ele ci anyak mu̱nye̱n. Kar i̱yo̱ko̱ eci naga kowowo ki Ki̱ri̱sto̱, i̱ti̱vi̱la̱ Ta̱mu̱ta̱dde̱n mu̱nye̱n cigga̱c do̱o̱k.

Ga̱la̱ti̱a̱ 3:13

Ma̱i̱je̱ i̱yo̱ko̱ zin, eelawet Ki̱ri̱sto̱ to̱ri̱nte̱ ci anyaha lo̱ti̱nno̱wa̱ cik Musesi. Ogon enne zoz necu go̱o̱le̱ ci a̱da̱kne̱ enne keete wa een ta̱la̱ke̱c zo̱ze̱ ci gerze kogon naga, eci e̱he̱rye̱ lo̱ti̱nno̱we̱, azi ne, “Otore e̱e̱ti̱ ci a̱ru̱we̱k ol keet ci een ta̱la̱ke̱c.”

Ga̱la̱ti̱a̱ 3:21

Iróng lo̱ti̱nno̱wa̱ balik anyike Ta̱mu̱ta̱dde̱n Muses ke̱ ongorko ki zoz ci u̱du̱wa̱k enne ba̱li̱ye̱ Aburaham ke̱. Ming aanyyet lo̱ti̱nno̱wa̱ baiz ci aave udut, kamuda bunnat ngu̱me̱ ci Ta̱mu̱ta̱dde̱no̱ ngati kazunne lo̱ti̱nno̱k.

Vilipia 2:7

Abarik utungek enne kaal do̱o̱k lo̱o̱c, a̱vvu̱ enne gaganiko kar kize abarik du̱ca̱i̱t, a̱rri̱ta̱i̱ ku̱tu̱gu̱ kiwagon e̱e̱ti̱ ci diiri ko̱.

I̱bu̱ru̱ 10:12

Imma e̱e̱ti̱ ci wawaco wa aanyik ele cinne Ta̱mu̱ta̱dde̱n kize wawac ci aara ol mu̱nye̱n do̱o̱k. Kar Ta̱mu̱ta̱dde̱n kaanyik nonno ka̱vvu̱ ngatinne a̱tte̱ ci a̱zzo̱ ta̱mu̱-kenga.

I̱bu̱ru̱ 10:14

Imma zin go̱o̱le̱ neci aanyik enne ele cinne kize wawac ko̱, idiman zin enne ol wak aara enne mu̱nye̱n ku̱tu̱gu̱zzo̱ ki enne, kizeto caale ne paz, udut.

I̱bu̱ru̱ 2:14

Ke̱e̱ggi̱n naga ol cik diirik, een Ye̱su̱ bu̱k e̱e̱t ci diiri. Gool zin ci a̱kku̱na̱ke̱t Ye̱su̱ agit ko̱ necu, kar ki̱ki̱ya̱ ka̱da̱k kommog lo̱rye̱ni̱t ci anyak komiz ci daizo.

I̱bu̱ru̱ 2:17

Atubuz Ta̱mu̱ta̱dde̱n Ye̱su̱ ki ol cik diirik do̱o̱k, kar ki̱li̱ngli̱nge̱k Ta̱mu̱ta̱dde̱n kize alaan ci a̱ddi̱ki̱re̱ wawaco abunna arik zinin nonno, uuwa atin ol cik Ta̱mu̱ta̱dde̱no̱, kar zin kaanyik ele cinne kize wawac ci alalnek ol mu̱nye̱n.

I̱bu̱ru̱ 4:15

Kanyak alaan ci a̱ddi̱ki̱re̱ wawaco ci a̱gga̱ ming ke̱e̱ggi̱n naga olli mu̱nye̱nu̱, itiman zin lo̱rye̱nti̱ nonno go̱o̱lo̱we̱ do̱o̱k ki i̱yo̱ko̱ naga do̱o̱k ko̱, anyak gi̱i̱ co̱de̱, ngen enne kabac zoz imma udut.

1 Peturu 2:24

Atala Ye̱su̱ mu̱nye̱n cigga̱c. Odode ba̱li̱ye̱ enne keete wa een ta̱la̱ke̱c kar naga abunna ming kunnek mu̱nye̱n lo̱o̱c kar ka̱vvu̱t baize ci abunna. I̱di̱lle̱t enne agit ngodocete wak balik a̱ru̱we̱ ol nonno ke̱.