Roma 8:28 - Tennet

²⁸ Ka̱gga̱ bo̱do̱k naga ogon Ta̱mu̱ta̱dde̱n zoz ci abunna kaale cik i̱i̱na̱k ol wak irez nonno. E̱e̱ggi̱n ne̱ko̱ ol wak engera enne kizeto ol cik orong enne,

Roma 8:28 ပူးပေါင်းရင်းမြစ်များ

Kananet 50:20

Orongnyu ba̱li̱ye̱ niga u̱ru̱kta̱ng annit la̱du̱n, ma̱i̱je̱ Ta̱mu̱ta̱dde̱n orong ku̱tu̱gu̱ zoz ci abunna ki i̱yo̱ko̱ ming ogone kaala ko̱, kar enne ki̱ti̱ri̱z ol cik meelek.

Lu̱ge̱z 20:6

ma̱i̱je̱ ngatu ki̱ye̱le̱ke̱ rezinet bu̱u̱llo̱k i̱bbo̱nge̱t cik meelek giir ireza annit kar ku̱zu̱tte̱ lo̱ti̱nno̱k cigannik.

Marko 12:30

Irez Manyi Ta̱mu̱ta̱dde̱n cunne, zinine cunne ki vongize cunne ki i̱no̱ni̱nte̱ cunne ki komize cunne do̱o̱k.’

Buk wa To̱ni̱a̱u̱ 13:48

Baling iziyyet ol cik iróng e̱e̱ggi̱n Ya̱u̱d zoz necu, ataltto oroot kar zin ki̱di̱ngdi̱nga̱ni̱t zoz ci Manyi; kar ol do̱o̱k wak atahalak Ta̱mu̱ta̱dde̱n kurubta baiz ci aave udut ko̱, ku̱tu̱we̱t.

Roma 11:29

Iróng Ta̱mu̱ta̱dde̱n uhu zinin cinne, kar kobodai muci ciginnek balik aanyik enne nogo ke̱.

Roma 8:30

Utu zin Ta̱mu̱ta̱dde̱n ol balik odola atahala enne, imma ol ne̱k awu enne ko̱, elema enne kize ol wak abunna, kar kaanyik nogo kozolit komiz cinne.

Roma 9:11

Baling ngen cuudena ne̱ke̱ ki̱ti̱rtta̱i̱, ngen bu̱k ka̱gga̱c gi̱i̱ ci abunna ki ci gerze, kar tahalinet ci Ta̱mu̱ta̱dde̱no̱ ki̱ye̱la̱i̱, a̱nne̱k Ta̱mu̱ta̱dde̱n e̱e̱ti̱nne̱ng ne, “Okko atin ngerunne wa een a̱bu̱ ko̱ a̱li̱ngli̱nge̱k gooni wa dici.”

1 Ko̱ri̱nto̱ 1:2

Keherakkung i̱ge̱t waraga cu olli ke̱le̱ci̱a̱k Ta̱mu̱ta̱dde̱no̱ wak abak lo̱o̱ce̱ ci een Ko̱ri̱nto̱. Atahalaung Ta̱mu̱ta̱dde̱n i̱ge̱t izet ol ciginnek a̱li̱le̱ zo̱ze̱ ci oromtoziu niga Ye̱su̱ Ki̱ri̱sto̱. Ki bo̱do̱k ol wak lo̱o̱tu̱ do̱o̱k balik atahala Manyi, kar nege bu̱k ki̱di̱ngdi̱nga̱ni̱t zar cik Manyitinna Ye̱su̱ Ki̱ri̱sto̱ wa een Manyi cinne̱ng ki agit bu̱k.

1 Ko̱ri̱nto̱ 1:24

Imma ngati ol wak i̱ti̱ri̱z Ta̱mu̱ta̱dde̱n, ngati olli Ya̱u̱do̱ ki Gi̱ri̱k, een Ki̱ri̱sto̱ komiz ki genyiz ci Ta̱mu̱ta̱dde̱no̱.

1 Ko̱ri̱nto̱ 1:9

Ogonekku̱ng atin Ta̱mu̱ta̱dde̱n zoz necu de̱de̱, ogon gon enne zoz ci u̱du̱wa̱ enne, nonno ci a̱a̱nyu̱ng gool ci owowonu ki Ngerinne Ye̱su̱ Ki̱ri̱sto̱ wa een Manyitinna.

1 Ko̱ri̱nto̱ 2:9

Ki i̱yo̱ko̱ ming e̱he̱rye̱ warage wa Ta̱mu̱ta̱dde̱no̱ azi ne: “Ngen e̱be̱re̱ci̱ imma kicin, ngen itati imma kizik, ngen e̱e̱ti̱ imma ki̱no̱na̱, kaal cik idimanek Ta̱mu̱ta̱dde̱n ol wak irez nonno”

2 Ko̱ri̱nto̱ 5:1

Ka̱gga̱yya̱ naga e̱le̱tti̱ cik kanyak lo̱o̱ce̱ cu ko̱ ogon ki ti̱te̱tta̱ cik a̱ra̱gi̱ne̱ ol. Iróng zin ko̱ngo̱o̱le̱ gi̱i̱ ci adak e̱le̱tti̱ cigga̱c. Ka̱gga̱ ming ka̱da̱i̱, aanyyet atin Ta̱mu̱ta̱dde̱n nginti kaavtte udut ta̱mu̱-kenga. Iróng ngin neci ogon ki ce̱e̱zi̱ cik adiman ol azzine ko̱.

Ga̱la̱ti̱a̱ 1:15

Ma̱i̱je̱ baling ngen anna ki̱ti̱rra̱i̱ ke̱, atahala Ta̱mu̱ta̱dde̱n la̱du̱n, een enne bunnatait kar kodola zo̱ze̱ ci ahalanan,

Ga̱la̱ti̱a̱ 1:6

Ka̱ku̱le̱i̱ je̱e̱n zo̱ze̱ cunno̱ng eci utuburtu zoz ci Ta̱mu̱ta̱dde̱no̱ ataman, nonno ci a̱a̱nyu̱ng baiz ci abakku eezete ci Ki̱ri̱sto̱. Kanyaktaung ba̱li̱ye̱ kaviyak cik Ye̱su̱ abunna, abarik a̱tu̱yyu̱ kaviyak cik aavtte do̱ adarnannu kaviyak cik abunna Manyoni.

Ga̱la̱ti̱a̱ 5:8

Iróng gi̱i̱ ci ecebannung o̱o̱tti̱ ko̱ a̱kku̱ ngati Ta̱mu̱ta̱dde̱no̱, nonno ele ci awuyyung kar abait labak.

Evesos 3:11

U̱tu̱gu̱ Ta̱mu̱ta̱dde̱n zoz necu niko gi̱i̱ye̱ ci i̱no̱n enne do̱ zinina. Uule zin enne ku̱tu̱gu̱ zoz bali i̱no̱n enne ke̱ eci Manyitinna Ye̱su̱ Ki̱ri̱sto̱ u̱tu̱gu̱ kaal ne̱ke̱ do̱o̱k.

Evesos 4:1

Eci kaale cik u̱tu̱gu̱we̱u̱ng Manyi Ye̱su̱, kecebje zin anna zo̱ze̱ ci ka̱li̱ngli̱ngo̱ni̱ke̱ nonno, kilalekkung zin anna i̱ge̱t abait baiz ci ol wak a̱tu̱we̱ balik atahalak Ta̱mu̱ta̱dde̱n ele cinne.

Vilipia 3:14

I̱yo̱ko̱ zin ka̱vi̱ri̱ anna kokko rugeta, kar atin kuruba muci ci awuya Ta̱mu̱ta̱dde̱n ta̱mu̱-kenga zo̱ze̱ ci Ye̱su̱ Ki̱ri̱sto̱.

1 Te̱se̱lo̱ni̱ka̱ 5:9

Eelannet atin Ta̱mu̱ta̱dde̱n, iróng orongnyet kar kedezzeta. Abarik ahalanet kar ki̱tto̱nna̱e̱t Manyitinna Ye̱su̱ Ki̱ri̱sto̱ ki̱ti̱ri̱ze̱ta̱.

2 Ti̱mo̱te̱yo̱ 1:9

Eelawet Ta̱mu̱ta̱dde̱n kar zin katahalait kizet ol ciginnek A̱li̱le̱, iróng ahalanet gi̱i̱ye̱ ci da̱ abunna kogon naga, abarik idiman da̱ Manyi eci abunna enne la̱du̱n. Baling ngen keteehenye looci, i̱no̱n Ta̱mu̱ta̱dde̱n kar atin kaanyyet eezet go̱o̱le̱ ci atin i̱tto̱na̱kke̱t Ye̱su̱ Ki̱ri̱sto̱ wa atahalai.

2 Ti̱mo̱te̱yo̱ 2:19

Imma ol wak okkomi zo̱ze̱ ci Ta̱mu̱ta̱dde̱no̱ kak, iróng omoti. E̱he̱rye̱ zoz neci azi ne, “A̱gga̱ Manyi ol wak a̱tu̱ nonno.” Kar zin bo̱do̱k kize ne, “Ming orong e̱e̱ti̱ ku̱tu̱ Ye̱su̱, abunna ming uungnek mu̱nye̱n lo̱o̱c.”

I̱bu̱ru̱ 9:15

Ye̱su̱ Ki̱ri̱sto̱ ci een zoc ci Ta̱mu̱ta̱dde̱no̱, anyaha olom ci een jor, kar ol cik awu Ta̱mu̱ta̱dde̱n kar elemtta olom ci een oo, aruba baiz ci aave udut kar kanyait kaal do̱o̱k, eci Ye̱su̱ a̱da̱i̱ kar kaara ol mu̱nye̱ne̱ balik ogon nege lo̱ti̱nno̱we̱ balik Musesi reentik ke̱.

Je̱mi̱s 1:12

A̱mu̱yu̱k Ta̱mu̱ta̱dde̱n e̱e̱t ci abak baiz ci anime no̱ngi̱tto̱n wak atimane ol nonno, eci ming inim enne kaal ne̱ko̱ do̱o̱k labak, aanyik atin Ta̱mu̱ta̱dde̱n nonno baiz ci aave udut ki bali u̱du̱wa̱k enne ol wak irez nonno ke̱.

Je̱mi̱s 2:5

Izikto, gotonogga ki ngonogga tu̱we̱nta̱, Ta̱mu̱ta̱dde̱n ci ahala ol cik amati ngati acine ol cik diirik kar kizeto ol cik een jain tu̱we̱nta̱, kar karagizet ba̱a̱li̱ne̱t ci u̱du̱wa̱k enne ol wak irez nonno.

1 Peturu 2:9

Abarik e̱e̱ggi̱nnu̱ niga zu̱we̱ ci atahala Ta̱mu̱ta̱dde̱n, olli wawaco ce̱e̱ze̱ cinne, zu̱we̱ ci a̱li̱le̱, ol cik Ta̱mu̱ta̱dde̱no̱, kar inatit nonno eci anyahaung ngati mu̱hu̱ri̱ kar icinnet ngintinne voori.

1 Peturu 3:9

Ming ogoneki e̱e̱ti̱ gi̱i̱ ci gerze icima odomnyin, icima amarninin, ma acaca, abarik lalek nonno, ma̱yu̱k nonno, tu̱gu̱we̱k kaal cik abunna eci bali atahalaung Ta̱mu̱ta̱dde̱n kar izet dooli ciginnek tu̱we̱nta̱. Azi Warage ci Ta̱mu̱ta̱dde̱no̱ ne,

1 Peturu 5:10

Ma zin Ta̱mu̱ta̱dde̱n a̱a̱nyu̱ng i̱ge̱t deten do̱o̱k, ngati ipirtayyu niga, okko atin Ta̱mu̱ta̱dde̱n a̱a̱nyu̱ng okkomit kak kar bo̱do̱k ki̱ti̱ri̱zzu̱ng udut, nonno nenen ci i̱tto̱na̱ne̱ enne Ye̱su̱ Ki̱ri̱sto̱ kar ki̱ki̱ya̱ atahalaung ko̱.

1 Jon 4:10

Een necu rezinet ci Ta̱mu̱ta̱dde̱no̱: Iróng een agit cik kirez Ta̱mu̱ta̱dde̱n, abarik nonno ci irezet agita, kar ki̱tto̱na̱i̱t Ngerinne kize wawac ci okko alalnek mu̱nye̱n cigga̱c.

1 Jon 4:19

Kirezo naga e̱le̱tti̱ eci een Ta̱mu̱ta̱dde̱n ci irezet agit arrak oowa.

O̱no̱zzo̱k 3:19

Ovvo ol cik kirezi anna kegerenyek kar ki̱ti̱lo̱ nogo. Izet zin ol cik a̱du̱wa̱nnu̱ zoz ci een de̱de̱, kar etteddo ki ba̱ci̱nno̱k zo̱o̱.