Roma 8:27 - Tennet

²⁷ A̱gga̱ Ta̱mu̱ta̱dde̱n kaal cik ki̱no̱n naga do̱o̱k, a̱gga̱ bo̱do̱k zoz ci a̱du̱wa̱ Vongizi, eci Vongizi alawek ol cik Ta̱mu̱ta̱dde̱no̱ go̱o̱le̱ ci orong Manyi.

Roma 8:27 ပူးပေါင်းရင်းမြစ်များ

Ma̱te̱yo̱ 6:8

Ma ogonnu ki nege, eci Be̱e̱ti̱nno̱ng wa aave ta̱mu̱-kenga a̱gga̱ kaal cik orongnyu niga do̱o̱k ming ngen niga a̱ka̱tte̱ lawinet nonno.

Lu̱ka̱ 16:15

Kar zin enne kizek nogo ne, “Orongnyu niga i̱ye̱lta̱ e̱le̱tti̱ cuggo̱k izet ol cik abunnanu eberene cik ollu, ma̱i̱je̱ Ta̱mu̱ta̱dde̱n a̱gga̱ zi̱nze̱tti̱ ciggo̱k. Imma kaala cik irez ol cik lo̱o̱tu̱ oroot, e̱e̱ggi̱n kaal cik gerzek ngu̱me̱ ci Ta̱mu̱ta̱dde̱no̱.”

Kaviyak wak Abunna Ta̱mu̱ta̱dde̱no̱ eher Joni 14:13

Ka̱a̱nyu̱ng atin kaal cik a̱jji̱nnu̱ niga zare cigannik, kar anna Ngerinne kanyik zar cik Baba ku̱bu̱lte̱.

Kaviyak wak Abunna Ta̱mu̱ta̱dde̱no̱ eher Joni 21:17

I̱jji̱n zin bo̱do̱k Ye̱su̱ Si̱mo̱ne̱ lak i̱i̱yo̱ dee, izek ne, “Si̱mo̱ne̱ ngerrti Joni, ireza i̱ye̱ i̱nna̱ annita?” Omoze Peturu oroot eci i̱jji̱n Ye̱su̱ nonno lak i̱i̱yo̱ ming irez enne nonno. Izek zin enne Ye̱su̱ ne, “Manyi, a̱gga̱ i̱nna̱ kaal do̱o̱k. A̱gga̱ i̱nna̱ ming kirezin.” Izek zin Ye̱su̱ nonno ne, “Tam zin nyoo cigannik ko̱ ju̱rru̱m.

Buk wa To̱ni̱a̱u̱ 1:24

Kar zin nege kalayo, kizeto ne, “Manyi, a̱gga̱ i̱nna̱ zi̱nze̱tti̱ cik ollu do̱o̱k. Ngene olle cik een rama ko̱ ci atahala i̱nna̱,

Buk wa To̱ni̱a̱u̱ 15:8

Imma Ta̱mu̱ta̱dde̱n wa a̱gga̱ zi̱nze̱tti̱ cik ollu do̱o̱k, i̱ye̱le̱kke̱t agit ngati bali anyike enne ol wak iróng e̱e̱ggi̱n Ya̱u̱d Vongiz ci A̱li̱le̱, ki baling aanyet enne agit ke̱.

Roma 8:34

Baling a̱da̱k Ye̱su̱ Ki̱ri̱sto̱, kitinga daiza kar naga ka̱vvu̱ta̱ labak zo̱ze̱ ci ettedekket Ta̱mu̱ta̱dde̱n lo̱ki̱ko̱, ngene wo̱ye̱ ci anyak komiz ci edezetta? Iróng Ye̱su̱ a̱da̱i̱ zo̱ze̱ cinna do̱, abarik itinga daiza kar ka̱vvu̱ a̱tte̱ ci a̱zzo̱ Ta̱mu̱ta̱dde̱no̱, ngati anyahe enne komiz, alawakket Ta̱mu̱ta̱dde̱n.

Roma 8:6

Ming kabal naga e̱le̱tti̱ kaale ci gerzek balik reentik amin zi̱nze̱tti̱ ke̱, kamuda atin daiz. Imma ming kabal e̱le̱tti̱ Vongize ci Ta̱mu̱ta̱dde̱no̱, kanyak atin baiz ci abunna ki gano.

Evesos 2:18

Eci zo̱ze̱ ci Ki̱ri̱sto̱, kanyak naga do̱o̱k olli Ya̱u̱do̱ ki ol cik iróng een Ya̱u̱d gool ci ka̱vvu̱nna̱k naga Be̱e̱ti̱nna̱ Vongize co̱de̱ Ta̱mu̱ta̱dde̱no̱.

1 Te̱se̱lo̱ni̱ka̱ 2:4

Kuwaktteung naga i̱ge̱t zoz ci Ta̱mu̱ta̱dde̱no̱ ki bali ming atahalait enne ke̱ kar kaanyyet li̱ngli̱ngo̱n ci kuwaheka ol kaviyak cik abunna. Iróng korongnya katanantta ol cik diirik, Ta̱mu̱ta̱dde̱n do̱ niko. Eci enne a̱gga̱ zi̱nze̱tti̱ cigga̱k.

I̱bu̱ru̱ 4:13

I̱llo̱i̱ gi̱i̱ imma ci aave lo̱o̱ta̱ ngatu ci iróng Ta̱mu̱ta̱dde̱n acinni. Acin enne kaal do̱o̱k, abunna ka̱du̱wa̱k nonno zoz ci een de̱de̱.

Je̱mi̱s 5:16

I̱yo̱ko̱ zin, uturtta mu̱nye̱n cuggo̱k gonoggu kar alayek e̱le̱tti̱ cuggo̱k Ta̱mu̱ta̱dde̱n kar ubunntta. Okkomi lawinet ci e̱e̱t ci abunna, kar bo̱do̱k ki̱li̱ngli̱ng oroot.

O̱no̱zzo̱k 2:23

Ka̱ru̱i̱ atin dooli ciginnek ka̱da̱i̱to̱. Kar ol wak ke̱le̱ci̱a̱nya̱i̱ do̱o̱k ka̱gga̱c ke̱e̱ni̱ anna e̱e̱t ci kerenyi zi̱nze̱tti̱ ki i̱no̱ni̱ cik ollu, ka̱ru̱we̱k atin anna ol kaal do̱o̱k kaale cik ogon e̱e̱ti̱.