Roma 8:26 - Tennet

²⁶ Eelannet atin Vongizi ci Ta̱mu̱ta̱dde̱no̱ bu̱k agita, eci naga iróng ka̱gga̱ gool ci kalawe Ta̱mu̱ta̱dde̱n. Alawonekket Vongizi oroot, ilalek Ta̱mu̱ta̱dde̱n go̱o̱le̱ ci iróng naga ka̱gga̱.

Roma 8:26 ပူးပေါင်းရင်းမြစ်များ

Ma̱te̱yo̱ 10:20

Iróng zin atin een i̱ge̱t cik ozozu. Ozoz atin Vongizi wa Be̱e̱ti̱nno̱ng ci okko atin a̱du̱wa̱kku̱ng zoz ci atin ovvo a̱du̱wa̱nnu̱.

Ma̱te̱yo̱ 20:22

U̱du̱wa̱k zin Ye̱su̱ nogo, “Iróng niga a̱gga̱yyu̱ zoz ci a̱jji̱nnu̱ ko̱. Auddu wo̱ye̱ atin de̱de̱ niga piryanzet ci kokko atin anna karuba ko̱?” Abarizet zin nege, azi ne, “I̱i̱ny, kanimnya!”

Lu̱ka̱ 22:44

Icirit nonno zinin oroot, kar zin enne kalawo oroot, kar muluwa ciginnek ku̱tu̱gu̱zzo̱ kiwagon bi̱ye̱ta̱ cik ereti i̱i̱na̱k lo̱o̱c.

Kaviyak wak Abunna Ta̱mu̱ta̱dde̱no̱ eher Joni 14:16

Ka̱jji̱nni̱ atin anna Baba kar ka̱a̱nyu̱ng De̱me̱zo̱i̱t kar ka̱vvu̱ ki i̱ge̱t udut.

Roma 15:1

Imma naga ol wak ka̱tu̱we̱ ju̱rru̱m ko̱, abunna bu̱k ka̱ti̱ri̱z ol wak ngen tu̱we̱ne̱t cinne̱ng idica. Gerza ming kogon kaal cik katalne naga do̱.

Roma 7:24

Kiize anna e̱e̱t ci kamati! Ngene wo̱ye̱ ci eelanna daiza?

Roma 8:15

Iróng Vongizi ci Ta̱mu̱ta̱dde̱no̱ aanyyet kizet du̱cca̱k kar ko̱to̱ngo̱o̱ltte̱ lo̱ki̱ko̱ ci Ta̱mu̱ta̱dde̱no̱. Abarik Vongizi aanyyet kizet dooli ciginnek bak kawu Ta̱mu̱ta̱dde̱n kize Be̱e̱ti̱nna̱.

2 Ko̱ri̱nto̱ 5:2

Ming ngen kabak lo̱o̱ta̱ ngatu, kapirna, kabalac odohize eci korong kovvoya ta̱mu̱-kenga, ngati kovvo kabak ki Ta̱mu̱ta̱dde̱n ta̱mu̱-kenga.

2 Ko̱ri̱nto̱ 5:4

Een zin de̱de̱ ming ngen naga karuge, kanyak e̱le̱tti̱ cik ogon ki ti̱te̱tta̱ ko̱, kabalac odohize eci korong kutungttek e̱le̱tti̱ ne̱ko̱ lo̱o̱c. Iróng korongnyya ka̱vvu̱tta̱ ki ci a̱zze̱ e̱le̱tti̱ to, abarik kabalac eci korong nginti kabahe ki Ta̱mu̱ta̱dde̱n ta̱mu̱-kenga. Korongnyya zoz necu ku̱tu̱gu̱we̱ ataman abunna e̱le̱tti̱ cik ovvo atin a̱da̱i̱ ko̱ kutuhuye kizeto e̱le̱tti̱ cik abak udut.

Ga̱la̱ti̱a̱ 4:6

I̱yo̱ko̱ zin, eci naga ke̱e̱ggi̱n dooli cik Ta̱mu̱ta̱dde̱no̱, i̱tto̱na̱ zin enne Vongiz wa Ngerinne ka̱vvu̱ zi̱nze̱tti̱nne̱ cigga̱c. Okko Vongizi neci aanyyet kutuwet Ta̱mu̱ta̱dde̱n kize, Be̱e̱ti̱nna̱.

Evesos 2:18

Eci zo̱ze̱ ci Ki̱ri̱sto̱, kanyak naga do̱o̱k olli Ya̱u̱do̱ ki ol cik iróng een Ya̱u̱d gool ci ka̱vvu̱nna̱k naga Be̱e̱ti̱nna̱ Vongize co̱de̱ Ta̱mu̱ta̱dde̱no̱.

Evesos 6:18

Ma abilizzu lawinet Ta̱mu̱ta̱dde̱n. U̱tu̱gu̱z kaal ne̱ko̱ do̱o̱k ngati alaweku gonoggu wak a̱tu̱we̱ Ta̱mu̱ta̱dde̱n odohize doize ci Vongiz cinne kar enne keelaung.

I̱bu̱ru̱ 4:15

Kanyak alaan ci a̱ddi̱ki̱re̱ wawaco ci a̱gga̱ ming ke̱e̱ggi̱n naga olli mu̱nye̱nu̱, itiman zin lo̱rye̱nti̱ nonno go̱o̱lo̱we̱ do̱o̱k ki i̱yo̱ko̱ naga do̱o̱k ko̱, anyak gi̱i̱ co̱de̱, ngen enne kabac zoz imma udut.

I̱bu̱ru̱ 5:2

Owowo enne ki ol wak iróng a̱gga̱ gool ci baizo ju̱rru̱m eci enne bu̱k een e̱e̱t ci diiri.

Je̱mi̱s 4:3

Ming a̱jji̱nnu̱ niga Ta̱mu̱ta̱dde̱n, iróng niga amudannu, eci a̱jji̱nnu̱ niga zi̱nze̱tti̱nne̱ cik gerzek, icima ovvo atin niga ogonnu kaal ne̱ke̱ kaal cik amin zi̱nze̱tti̱ cuggo̱k.